Hoseya 7:4 - Mandinka Bible

⁴ Ì bee mu foroyaabaloolu le ti, ì jusoo be kandiriŋ ne ko fuuri kandoo, fuuroo meŋ kandita, fo a maŋ jari mbuuru janilaa ye a dimbaa ñori, ka bo nooniri waatoo ka taa fo janniŋ a be sele la.

Hoseya 7:4 Mawu Ofanana

Yeremiya 23:10

Bankoo kaŋ be faariŋ jeenelaalu le la, ì ye a tinna bankoo dankata, fo bankoo faŋo ka woosii, aduŋ a beeyaŋ daañini dulaalu jaata. Ì taañaa jawuyaata le, aduŋ ì ka ì semboo taamandi tilimbaliyaa le kono.

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Yeremiya 9:2

M be lafiriŋ ne ŋa jiyaa dulaa soto keñewuloo* kono, komeŋ jamfajaŋ taamalaa. Fo n si n na moolu bula, ŋa taa ka bo ì kono, kaatu ì bee jeenelaa, aduŋ ì mu fisiriwallee kafoo le ti.

Hoseya 4:10

Ali si domoroo ke, ali konoo te faa la, ali ye cakayaa ke, ali te jiidi la, kaatu ali ye ali koo dii nte Yaawe la le.”

Hoseya 4:12

N na moolu ka yaamaroo ñini jalaŋ yiroo le bulu, ì la taamaraŋ dokoo le mu ì la juubeerilaŋo ti, cakayaa maañaa le ye ì filindi. Ì ye ì koo dii ì la Alla la, ì bulata jalaŋolu nooma, wo mu cakayaa le ti.

Hoseya 4:2

Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

1 Korintinkoolu 5:6

Ali la kibiroo maŋ beteyaa. Fo ali maŋ a loŋ ko, leweñindiŋ ne ka fariñoo bee selendi?

Yankuba 4:4

Alitolu fisiriwallewolu! Fo ali maŋ a loŋ ko, ñiŋ duniyaa teeriyaa mu Alla konnanteeyaa le ti? Wo to, moo-wo-moo ye a faŋo ke ñiŋ duniyaa teeroo ti, wo maarii ye a faŋo ke Alla konnantewo le ti.