Hoseya 7:2 - Mandinka Bible

² Bari ì maŋ ñiŋ miira ko, n hakiloo be tara la ì la tilimbaliyaa bee kaŋ ne, ì kebaaroolu ye ì murubeŋ ne, ì be n ñaatiliŋo le la.”

Hoseya 7:2 Mawu Ofanana

Yuuba 34:21

Alla ka hadamadiŋo la taaraŋ siloolu koroosi le, a ye simfaa-wo-simfaa taa, Alla ñaa ka tara a la le.

Jabuuroolu 10:11

A ka ñiŋ ne fo a faŋ ma ko, “Alla daa te n na kuu to. A ye a ñaa kaasi n na le. A nene te n je la.”

Jabuuroolu 25:7

Kana i miira tawunteeyaa junuboolu la, ŋa mennu ke n na fondinkeeyaa waatoo kono. Hee Yaawe, i miira n na i la kanu bambaloo kamma la, aniŋ i la beteyaa.

Jabuuroolu 50:22

“Wo to, alitolu mennu ka ali ñaa kaasi Alla la, ali ali hakilitu ñiŋ to, niŋ wo nte n si ali faraŋ-faraŋ ko jatoo, aduŋ moo te ali tankandi noo la.

Jabuuroolu 9:16

Yaawe ye a yitandi ì la le ate mu meŋ ti, kaatu a ye kiitindiroo ke niŋ tiliŋo le la. Moo kuruŋolu bulata ì faŋolu la feere kuruŋolu le kono. H S

Jabuuroolu 90:8

I ye ǹ na junube kuwolu landi i ñaatiliŋo la le, ǹ na kullookono junuboolu be i ye kenebaa to le.

Yesaya 1:3

Ninsoo ye a loŋ ne, meŋ taa mu a ti, faloo ye a loŋ ne, a maarii ka a daañini daameŋ, bari n na moolu Banisirayilankoolu maŋ a loŋ, ì maŋ a fahaamu.”

Yesaya 26:16

Hee Yaawe, biriŋ i la moolu be niitooroo kono, ì ye ì ñaa tiliŋ i la le, fo i si ì maakoyi. Biriŋ i ye ì jarabi, ì naata duwaa kendeke.

Yesaya 44:19

Moo te jee meŋ ye londoo soto, waraŋ ka fahaamuroo ke ka a miira ko, “Ŋa kara kiliŋo ke loo ti, ŋa mbuuroo jani a dimbaa keñemboo la, ŋa suboo fanaa jani ka a ñimi. Fo n si kuu kondiŋo ke noo a too la le baŋ? Fo n si sujudi noo yiri kuntoo ye le baŋ?”

Yesaya 5:12

Kooraalu niŋ kontiŋolu ka tara ì la feeti dulaalu to le, tambuuroolu, footaŋolu aniŋ doloo, bari ì buka ì daa ke Alla la kuu to, ì maŋ horoma soto hani a la baara kuu kiliŋ ne to.

Yeremiya 14:10

Yaawe ye ñiŋ ne fo Yahuuda moolu ma ko: “Ñiŋ moolu ye ñiŋ ne kanu baake, ka jenke ka bo siloo kaŋ, ì buka ì siŋo sabatindi. Wo le ye a tinna nte Yaawe maŋ ì la kuwo muta kotenke. Silaŋ n hakiloo be muru la ì la kuu jawoolu kaŋ ne, ŋa ì kuluu ì la junuboolu la.”

Yeremiya 16:17

N ñaa be ì taaraŋ siloolu bee le la. Ì la kuwolu maŋ nukuŋ m ma, sako ì la kuruŋyaa si tara maaboriŋ n ñaa la jeroo ma.

Yeremiya 17:1

Yaawe* ye ñiŋ ne fo ko: “Alitolu Yahuuda moolu, ali la junuboolu karunta ali sondomoolu kono le, aniŋ ali la sadaabodulaalu* bala, ka safee jee, ko safeeroo meŋ ñenjeta berewalaa bala nee kalaa la, waraŋ luuluu daamelundiŋo la.

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Yeremiya 32:19

I la feeroolu warata le, aduŋ i la keroolu semboo warata. I ñaa ka tara hadamadiŋolu bee taaraŋ siloolu la le, aduŋ i ka moo-wo-moo joo ka bo niŋ a maañaa le la, aniŋ ka bo niŋ a kekuwolu la.

Yeremiya 4:18

“Ali taañaalu niŋ ali kekuwolu, wo le ye ñiŋ laa ali kaŋ, aduŋ a yankankatoo diminta le, a dunta ali la, hani fo ali jusoo to.”

Yeremiya 44:21

“Ali ka cuuraayoo meŋ siisindi jalaŋolu ye Yahuuda saatewolu kono taariŋ, aniŋ Yerusalaamu mbeedoolu kaŋ, ali niŋ ali la alifaa foloolu kafuriŋo, ali la mansoolu niŋ ali la maralilaalu, ka taa bankoo moolu, fo Yaawe hakiloo te wo kuwolu kaŋ baŋ? Fo wo kuwolu maŋ tara a kono baŋ?

Esekiyeli 21:29

Ammoninkoolu kaŋolu be kuntu la niŋ hawusaroo le la. Waatoo siita le ka ì mantoora, kaatu ì la junube kuwolu landatambita le. Ì ye meŋ moyi hawusaroo la kuwo to kabiriŋ ì ye juubeeroo ke ì la juubeerilaalu yaa, wolu la jaabiroo keta faniyaa le ti.”

Hoseya 12:2

Yaawe* be kiitiyo laa la Yahuuda kaŋ ne. A be Yaakuba koomalankoolu fanaa jarabi la ì taaraŋ siloo la le, a ye ì joo ì kebaaroolu la.

Hoseya 4:9

Meŋ laata n na moolu kaŋ, wo le be laa la alitolu piriisoolu fanaa kaŋ. M be ali jarabi la ali la sila jawoolu la le, ŋa ali joo ali kebaaroo la.

Hoseya 6:2

Tili fula ñaato, a be m̀ murundi la ǹ ñaama le. Tili sabanjaŋo, a be ǹ wulindi la le, ŋà loo, fo ǹ si baluu a ñaatiliŋo la.

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Hoseya 9:15

Yaawe ko: “Ì ye ì la kuruŋyaa bee dati naŋ Kilikali le, ŋa ì koŋ jee le to. Ì kebaaroolu la jawuyaa kaŋ, m be ì bayi la n na bankoo kaŋ ne. N te ì kanu la kotenke, ì la maralilaalu bee mu balannaalu le ti.

Hoseya 9:9

Ali tunenta kuruŋyaa kono le, ko a keta nuŋ Kibeya ñaameŋ. Alla hakiloo be ali la kuu jawoo kaŋ ne, a be ali jarabi la ali la junuboo la le.

Amosi 8:7

Alitolu Yaakuba koomalankoolu, ali ka kibiri Yaawe meŋ na, a kalita ñiŋ ne la ko: “N nene te ñina la ali la baara jawu la muk.

Yunusa 1:2

A ko a ye ko, “Wuli, i ye taa wo saatee baa to, meŋ too mu Ninewe ti. Ì fatandi ì la kuu kuruŋ kewo la, i ye a fo ì ye ko, ŋa ì la kuruŋyaa kalamuta le.”

4 Musa 32:23

“Bari niŋ ali maŋ ñiŋ ke, ali be junuboo le soto la Yaawe la karoo la, aduŋ ali si ñiŋ loŋ ko ali be daa-wo-daa, ali la junuboo jaraboo be ali tara la le.

Luka 12:2

Feŋ te muuriliŋ, meŋ te wura la. Feŋ te kulloo kono, meŋ te loŋ na.

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

5 Musa 32:29

Niŋ ì ñaamenta nuŋ, ì be ñiŋ fahaamu la le nuŋ, tennuŋ ì be ì labaŋo suutee la le.

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.