Hoseya 7:16 - Mandinka Bible

¹⁶ Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”

Hoseya 7:16 Mawu Ofanana

Jabuuroolu 12:3

Allamaa Yaawe ye yootirilaalu deyindi, mennu ka kibiri kuma baalu fo ì neŋolu la,

Jabuuroolu 12:4

mennu ka a fo ko, “Ǹ neŋolu le be a tinna la ŋà kututeyi. Ǹ daalu be m̀ bulu le, jumaa le si ntolu mara noo?”

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Jabuuroolu 17:10

Balafaa te ì sondomoo kono. Ì ka faŋ wara kumoolu le fo ì daalu la.

Jabuuroolu 52:2

Ite neeneerilaa, i ka tara kasaara kuwo le siti kaŋ. I neŋo be saŋarariŋ ne ko muru diimaa.

Jabuuroolu 57:4

Nte ka munta le ko, m be jata konkoriŋolu le teema. Ì ñiŋolu munta le ko soora kesoolu niŋ kalabeñoolu, ì neŋolu be ko hawusaroo*.

Jabuuroolu 73:9

Ì ka ì daa tiliŋ santo le ka Alla sooki, aduŋ ì ka ŋaañaa ì neŋo la taariŋ, duniyaa moolu kono.

Jabuuroolu 78:37

Ì sondomoo maŋ bambaŋ a la kuwo to. Ì maŋ a niŋ ì teema kambeŋo muta kendeke.

Jabuuroolu 78:57

bari ì ye ì koo dii a la le ka badali ko ì mumuñolu. Ì jenketa le komeŋ worotoo.

Yesaya 3:8

Yerusalaamu be jiijaa kaŋ ne, Yahuuda be boyi kaŋ, kaatu ì fokumoolu niŋ ì kekuwolu ka Yaawe le sooki, ka balaŋo tiliŋ a la semboo niŋ waroo la.

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Yeremiya 3:10

A ye ñiŋ kuwolu bee ke ñaa-wo-ñaa, Yahuuda, Banisirayila baadiŋ jenkeriŋo maŋ muru naŋ n kaŋ niŋ a sondomoo bee la. A ka a faŋ mulundi le doroŋ ko wo le be a to.” Yaawe le ye a fo.

Yeremiya 42:18

“Yaawe Alihawaa Maariyo, Banisirayila la Alla le ye ñiŋ fo ko: ‘N na kamfaa niŋ n na jusukandoo kupita Yerusalaamu moolu kaŋ ñaameŋ, m be a kupi la ali fanaa kaŋ wo le ñaama, niŋ ali taata Misira. Ali be ke la moolu ye danka moolu le ti, ali la kuwo ye ke kijabo kuwo ti, ka ke jutunna moo ti, aniŋ jelefeŋo, aduŋ ali ñaa te loo la ali la bankoo kaŋ kotenke.’

Esekiyeli 23:32

Maarii Yaawe ye ñiŋ ne fo ko: “I be i miŋ na i kotoomaa la tooroo mindaŋo le la, meŋ fanuta, aniŋ a dinkata. I be ke la moolu ye jelefeŋo le ti, aniŋ ì ka i ñaawali. Kaatu jamaa le be i la mindaŋo kono.

Esekiyeli 36:20

Kabiriŋ ì naata ñiŋ bantala bankoolu kaŋ, niŋ ì taata daa-wo-daa ì ka jutunnayaa le samba naŋ n too senuŋo kaŋ. Wo ye a tinna bantala banku moolu ka a fo ì la kuwo to ko, ‘Fo ñinnu le maŋ ke Yaawe la moolu ti baŋ? A fele, a ye ì bondi ì la bankoo kaŋ a ye meŋ dii ì la.’

Daniyeli 7:25

A be Alla Mansa Tallaa sooki la le, aduŋ a be Alla la moolu toorandi la le. A be feeroo ke la le ka ì la diina luwaalu niŋ waati looriŋolu faliŋ. Alla la moolu be tara la marariŋ a bulu le fo sanji saba niŋ too.

Hoseya 11:5

“Ì be muru la Misira le, Asiriya si ì mara, kaatu ì balanta le ka muru naŋ n kaŋ.

Hoseya 11:7

N na moolu ka tenteŋ ne ka balaŋ m ma, bari hani niŋ ì ye ì la Baali jalaŋo kili, a te ì la yookoo sika noo la ì kaŋ.

Hoseya 6:4

Bari Yaawe ko: “Ite Efurayimu*, m be i la kuwo laa la ñaadii le? Ite Yahuuda, m be i ke la ñaadii le? Ali la kanoo ka yeemaŋ ne ko tuutuwo, a ka yeemaŋ ne waati kiliŋ ko komboo.

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Hoseya 9:3

Efurayimu* moolu te tu la Yaawe* la bankoo kaŋ, ali be muru la Misira le. Asiriya bankoo kaŋ, ali be feŋolu domo la le, mennu konta.

Hoseya 9:4

Ali te wayini sadaa* bo noo la Yaawe ye jee, sako ali la beeyaŋ sadaa si a seewondi. Ali la sadaalu be ke la le ko saŋa dulaa to domoroo. Moo-wo-moo ye a domo, a si koso. A be ke la ali ye kono fandiraŋo doroŋ ne ti, a te duŋ na Yaawe Batudulaa Buŋo* kono.

Hoseya 9:6

Hani niŋ ali kanata kasaaroo ma, Misira si ali kumbeŋ ñoo kaŋ, ali ye baadee Memfisi saatewo to. Ñaamoo le be ali la kodiforoo kunuŋ na, ŋaniŋolu ye ali la tiriliisoolu* taa.

Malaki 3:13

Yaawe ye ñiŋ ne fo ko, “Ŋa ali la kuma jawoolu moyi le, ali ye mennu fo m ma. Bari ali ye ñiŋ ne fo ko, ‘Ntolu ye kuma jawoolu fo i ma ñaadii le?’

Malaki 3:14

“Ali ye ñiŋ ne fo ko, ‘Alla batoo maŋ nafaa soto. Muŋ nafaa le be ǹ ye jee, ka tara bulariŋ a la yaamaroolu nooma, aniŋ ka tara taa kaŋ Yaawe Alihawaa Maariyo ñaatiliŋo la ko saŋawoosiilaalu?

Matiyu 12:36

Ŋa a fo ali ye, kiitiiluŋo la moolu be kiitindi la kuma kenseŋ-wo-kuma kenseŋ na le, ì ye meŋ fo ì daa la.

Luka 8:13

“Kesoolu mennu jolonta beroolu kaŋ, wo ka moolu la kuwo le yitandi, mennu ye Alla la kumoo moyi, ì seewooriŋo ye a muta, bari a maŋ suloo soto ì sondomoolu kono. Ì laata fo waatindiŋ doroŋ. Kabiriŋ marisa kuwo naata, ì badalita.

Yankuba 3:5

Neŋo la kuwo fanaa be wo le ñaama. Ate le dooyaata balasuufoolu bee ti, bari ate le ka kibiri kuu baalu la. Sutoo si wara ñaa-wo-ñaa, a janoo ka dati niŋ dimbaariŋ ne la.

2 Pita 2:8

Kaatu wo moo tilindiŋo meŋ tarata moo luwaantaŋolu kono, a ka ì la kebaaroolu mennu je luŋ-wo-luŋ, aniŋ a ka mennu moyi, wolu le keta toora baa ti a sondome tilindiŋo ye.

Lankenemoo 13:5

Daa diita wo daafeŋ saŋarariŋo la le ka kibiri kumoolu niŋ tooñeeri kumoolu fo, aduŋ kantiiyaa diita a la le fo kari taŋ naani niŋ fula.