Hoseya 7:1 - Mandinka Bible

¹ Waati-wo-waati niŋ n ko, m be n na moolu murundi la ì la firiŋo kono, niŋ n ko, m be n na moolu jaara la waatoo meŋ na, Efurayimu* la junube baaroo si laa kenoo to, aniŋ Samariya la kuu kuruŋolu. Ì ka moolu nakari, suŋolu ka buŋolu teyi, bandiyolu ka ñapi moolu kaŋ mbeedoolu kaŋ.

Hoseya 7:1 Mawu Ofanana

Yesaya 28:1

Kooroo be boyi la saatewo kaŋ ne, meŋ be looriŋ konkoo kaŋ, wulumbaŋ jambandiriŋo daala, Efurayimu siiratoolu la kibirilaŋo, doloo ye mennu futufaa. A la ŋaañaaraŋo be bo kaŋ ne ko firi nororiŋo.

Yesaya 59:12

Kaatu ŋà junube kuu jamaa le ke i la karoo la, aduŋ ǹ na junuboolu le ye ǹ na boyidaalu yitandi, kaatu ì ka tu m̀ bala le, aduŋ ǹ sonta ǹ na kuu kuruŋolu la le.

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.

Yesaya 59:14

Kiitiyo buka kuntu a ñaama, ǹ niŋ tiliŋo jamfata ñoo la. Tooñaa buka fo mbeedoolu kono, kumoo meŋ be tiliŋo la karoo la, m̀ buka soŋ a ye duŋ saatewo kono.

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

Esekiyeli 16:46

I kotoomusoo mu Samariya le ti, meŋ be i maraa karoo la, a niŋ a dimmusoolu, i doomusoo mu Sodomu ti, meŋ niŋ a dimmusoolu sabatita nuŋ i bulubaa karoo maafaŋo la.

Esekiyeli 23:4

Keebaamaa too mu Ohola le ti, dindimmaa too mu Oholiba ti. Bituŋ ŋa ì futuu, ì keta n taa ti. Ì ye dinkewolu niŋ dimmusoolu wuluu n na. Ohola meŋ mu keebaamaa ti, le mu Samariya saatewo ti. Oholiba, meŋ mu dindimmaa ti, le mu Yerusalaamu saatewo ti.

Esekiyeli 24:13

“Ite Yerusalaamu, wo fintoŋo le mu i la malubaliyaa ti. Baawo n lafita i seneyandi la le nuŋ, bari i te seneyaa noo la ka bo i la wo kosoo kono. I te seneyaa noo la kotenke, fo niŋ ŋa n na kamfaa bee jindi i kaŋ tuma meŋ na fo n wasata.

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Hoseya 11:12

Yaawe ko: “Efurayimu niŋ faniyaa le ye m muru, Banisirayila moolu ye m muru nakaroo la. Yahuuda ka balaŋ m ma, a la Alla Senuŋo, meŋ foroyaata.

Hoseya 11:8

“Bari Efurayimu, n si i bula noo ñaadii le? Banisirayila, n si m bo noo i to ñaadii le? N si ali kasaara noo ñaadii le ko Aduma saatewo, waraŋ Seboyimu saatewo? Ali la kuwo ye n niyo kuyaa le, balafaa ye m futufaa.

Hoseya 12:1

Efurayimu* ka foño kenseŋo le nooma, a ka tilibo foñoo bayindi tiloo bee. A ka faniyaa niŋ fitinoo kafu-kafu laalaa. A niŋ Asiriya ka kambeŋo siti, a ka olifu* tuloo kii Misira.”

Hoseya 12:2

Yaawe* be kiitiyo laa la Yahuuda kaŋ ne. A be Yaakuba koomalankoolu fanaa jarabi la ì taaraŋ siloo la le, a ye ì joo ì kebaaroolu la.

Hoseya 4:17

Efurayimu* ye a faŋ dii jalaŋolu le la, ali a bula a faŋ ma.

Hoseya 4:2

Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

Hoseya 5:1

Yaawe* ko: “Alitolu piriisoolu*, ali ali tuloo loo ñiŋ na! Banisirayilankoolu, ali ali hakiloo tu ñiŋ to! Mansabuŋo moolu, ali i lamoyi! Kiitiyo be alitolu le kaŋ, kaatu ali keta kutindiŋo le ti Misipa, ali keta jaloo ti ka wanka Tabori Konkoo kunto.

Hoseya 6:4

Bari Yaawe ko: “Ite Efurayimu*, m be i la kuwo laa la ñaadii le? Ite Yahuuda, m be i ke la ñaadii le? Ali la kanoo ka yeemaŋ ne ko tuutuwo, a ka yeemaŋ ne waati kiliŋ ko komboo.

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Hoseya 8:5

Alitolu Samariya saatee moolu, ali ali koo dii ali la ninsiriŋ jalaŋo la. N na kamfaa dimbaamaa le ka mala ali kamma. Janniŋ waati jumaa le ali be tara la seneyaabaliyaa daa to?

Hoseya 8:9

Ì taata le fo Asiriya maakoyiri ñinoo la, ko faloo, meŋ maŋ dali, ì be yaayi la ì faŋ ma. Efurayimu* ye soorifeŋolu bondi ka kanuntewolu soto.

Amosi 3:10

Ì ye feŋolu le kafu ñoo ma suuñaaroo niŋ fitinoo kono, ka ì maabo ì la buŋolu kono. Ì maŋ a loŋ kuu tilindiŋo ka ke ñaameŋ.” Yaawe le ye a fo.

Amosi 3:9

Yaawe ko, “Kibaaroo ye futa mansabuŋolu to, mennu be Asidodi saatewo aniŋ Misira ko, ì ye beŋ ñoo kaŋ Samariya konkoolu kaŋ, ka naa Banisirayilankoolu la fitinantuŋyaa niŋ ì la tilimbaliyaa kuwo juubee.

Amosi 8:14

Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”

Mika 6:16

Kaatu ali tarata Omuri la sila kuruŋolu le nooma, aduŋ ali ye Ahabu la dimbaayaa moolu jikoo le taa, ali bulata ì la yaamaroolu nooma. Wo kamma la, m be ali la saatewo ke la tumbuŋo le ti, a moolu ye ke jelefeŋo ti, aduŋ ali si muña tooñeeri kumoolu kaŋ, banku koteŋo moolu be mennu fo la ali ye.”

Matiyu 23:37

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala, ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Luka 13:34

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Luka 19:42

A ko, “N hameta, i ye a loŋ, i la kayiroo be dendiŋ meŋ na, bari saayiŋ a be maaboriŋ i ñaalu ma le!