Hoseya 6:2 - Mandinka Bible

² Tili fula ñaato, a be m̀ murundi la ǹ ñaama le. Tili sabanjaŋo, a be ǹ wulindi la le, ŋà loo, fo ǹ si baluu a ñaatiliŋo la.

Hoseya 6:2 Mawu Ofanana

1 Musa 17:18

Bituŋ Iburayima naata a fo Alla ye ko, “Isimayila siimaayandi, i la hiina ye tara a fee!”

2 Mansoolu 20:5

“Muru i ye a fo n na moolu la mansa Hesekiya ye, nte Yaawe, a bonsuŋ Dawuda la Alla ko, ŋa a la duwaa moyi le, aduŋ ŋa a ñaajiyo je le. M be a kendeyandi la le. Tili saba koolaa a be taa Yaawe Batudulaa Buŋo* to le.

Jabuuroolu 61:7

Hee Alla, Allamaa a la maraloo noo ye tu i ñaa koto fo fawu. Kaayaa a ye, ka i la kanu bambaloo niŋ i la tiliŋo yitandi a la.

Jabuuroolu 71:20

I ye bataa baa niŋ mantooroo laa n kaŋ ne, bari i be muru la le i ye m bambandi, ka m bondi saayaa daa to, i ye m murundi baluwo to kotenke.

Kawandilaa 3:3

Waati le be faaroo la, waati be kendeyandiroo la. Waati le be tiñaaroo la, waati be dadaaroo la.

Yesaya 26:19

Hee Yaawe, i la furewolu ye wuli, n na moo faariŋolu ye wuli. Yaawe, i la komboo meŋ ka baluwo dii, a ye feenee bankoo kaŋ, ì ye furewolu baadee daameŋ. Alitolu mennu be laariŋ bankoo kono, ali wuli, ali ye suukuwo laa seewoo kono.

Yesaya 30:26

Niŋ Yaawe be a la moolu la baramoo jaara la, ka bataariŋolu la dimiŋolu jaara, karoo si mala ko tiloo. Tiloo la maloo si lafaa ko siiñaa woorowula ko tili woorowula kemperiŋo maloo.

Hoseya 13:14

“Fo n ñanta ñiŋ moolu kumakaa la fureeduu semboo ma le baŋ? Fo n ñanta ì kiisa la saayaa ma le baŋ? Saayaa, muna i la alibalaa kuuraŋo lee? Fureeduu, i la kasaaroo lee? Balafaa, hani a domandiŋo te n ñaa to.

Hoseya 7:2

Bari ì maŋ ñiŋ miira ko, n hakiloo be tara la ì la tilimbaliyaa bee kaŋ ne, ì kebaaroolu ye ì murubeŋ ne, ì be n ñaatiliŋo le la.”

Yohana 14:19

A te mee la, duniyaa te n je la kotenke, bari alitolu be n je la le. Baawo m be baluuriŋ ne, alitolu fanaa be baluu la le.

Roomankoolu 14:8

Niŋ m̀ be baluuriŋ, m̀ be baluuriŋ Maariyo le ye, aduŋ niŋ m̀ faata, m̀ faata Maariyo le ye. Wo to saayiŋ, fo m̀ be baluuriŋ ne baŋ, waraŋ fo m̀ faata le, Maariyo le taa mu ǹ ti.

1 Korintinkoolu 15:4

A baadeeta le, aduŋ a wulindita le ka bo saayaa kono tili sabanjaŋo la, ko a be safeeriŋ ñaameŋ.