Hoseya 6:11 - Mandinka Bible

¹¹ “Ite Yahuuda, i fanaa jarabi waatoo be siloo kaŋ ne.

Hoseya 6:11 Mawu Ofanana

Yuuba 42:10

Bituŋ Yaawe ye Yuuba harijewo murundi a kaŋ, kabiriŋ a duwaata a teeroolu ye. Yuuba la sotoo be nuŋ ñaameŋ, Yaawe ye wo ñoŋ fula le dii a la.

Jabuuroolu 126:1

Kabiriŋ Yaawe* ye moolu samba naŋ Siyoni* ka bo mutoo kono, a mulunta m̀ fee le ko, m̀ be siiboo le la.

Jabuuroolu 85:1

Yaawe*, i hiinata i la bankoo moolu ye le nuŋ, i ye Yaakuba koomalankoolu murundi firiŋo kono le.

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 51:33

Yaawe Alihawaa Maariyo, Banisirayila la Alla ye ñiŋ ne fo ko: “Dimmusuriŋ* Babiloni ka munta le siimaŋ toñonkadulaa, ì be a doriŋ-doriŋ kaŋ ne ka a denkundi foloo, a te hani mee la katiri waatoo be sii la.”

Yoweli 3:13

Ali worotoolu sika ì kamma, katiri waatoo siita le. Ali ye ì dori ko wayini* yiridiŋolu, kaatu doridulaa faata le tep, yiridiŋ jiyo siyaata le fo a ka boŋ, ì la kuruŋyaa siyaata teŋ ne.”

Mika 4:12

Bari ì maŋ a loŋ, miiroolu mennu be Yaawe bulu, ì maŋ a la feere landiriŋo loŋ ko, a ye ì kafu ñoo kaŋ ne ka ì jarabi, ko siimaŋ kunsitoolu ka tembendi toñonkari dulaa ñaameŋ.

Sefaniya 2:7

A be ke la Yahuuda moolu le taa ti mennu tuta baluuriŋ. Ì be kali la ì la beeyaŋolu daañini la jee le, ì ye i laa Asikeloni buŋolu kono wulaaroo. Yaawe, ì la Alla le be ì topatoo la, a ye ì la neemoo murundi ì kaŋ.

Lankenemoo 14:15

Malaayika doo naata finti Alla Batudulaa Buŋo* kono. A sarita niŋ sari baa la ka wo kumandi, meŋ be siiriŋ minaayoo kaŋ. A ko a ye ko, “I la worotoo taa, i ye katiroo ke. Katiri waatoo siita le, kaatu duniyaa moota katiroo ye le.”