Hoseya 5:7 - Mandinka Bible

⁷ Ì ye foroyaabaliyaa le tiliŋ Yaawe la, kaatu ì ye diŋolu wuluu cakayaa le kono. Ì la Kari Kuta Juuraloo* sadaaboolu le be ì niŋ ì la kunkoolu bee kasaara la.”

Hoseya 5:7 Mawu Ofanana

Jabuuroolu 144:11

N tanka jawu la hawusaroo* ma, i ye m bondi banku koteŋ moolu bulu, mennu ka faniyaalu fo, aduŋ ì ka kali faniyaa kaŋ ne.

Jabuuroolu 144:7

I buloo tiliŋ ka bo naŋ santo, i ye n cansu ka n kiisa jii diinondiŋo kono, ka m bondi banku koteŋ moolu bulu,

Yesaya 1:14

Ŋa ali la Kari Kuta Juuraloolu koŋ ne, aniŋ ali la diina beŋ koteŋolu. Ì keta n ye duni baa le ti, m muñata ì la le fo m bataata.

Yesaya 48:8

Kabiriŋ koomanto, ali buka i lamoyi ñiŋ kuwolu la, ka ì fahaamu, sako ka n na kumoo moyi. Ŋa a loŋ ne ko, ali be ke la n ye jamfantuŋolu le ti. Ali muritita m ma le, biriŋ ali wuluuta.

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.

Yeremiya 3:20

Bari hanii, ko musoo meŋ muritita a keemaa ma, i muritita nte ma wo le ñaama, ite Banisirayila.” Yaawe le ye a fo.

Yeremiya 5:11

Banisirayila niŋ Yahuuda jenketa n na karoo la le fereŋ.” Yaawe le ye a fo.

Esekiyeli 12:28

Wo kamma la, a fo ì ye, nte Yaawe, ì Maariyo ye ñiŋ ne fo ko: N na kumoo kono, hani kiliŋ te soto la meŋ be dukundi la. Niŋ ŋa kuma-wo-kuma fo, m be a ke la le.” Maarii Yaawe le ye a fo.

Hoseya 2:11

M be daŋ ke la a la seewoo la le, ŋa daŋ ke a la feetoolu la, a la Kari Kuta Juuraloolu*, Loobula Luŋ Juuraloolu, ka taa bula a la juurali looriŋolu bee la.

Hoseya 2:4

A diŋolu fanaa, n te balafaa soto la ì ye, kaatu cakadiŋolu le mu.

Hoseya 6:7

“Ko a keta nuŋ ñaameŋ Adama saatewo maafaŋo la, Banisirayila ye kambeŋo tiñaa, n niŋ ì ye meŋ siti. Ì ye foroyaabaliyaa tiliŋ n na jee.

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Jakariya 11:8

Kari kiliŋ kono, ŋa kantarilaa saba bayi. M pasita saajiyolu la kuwo la, ì fanaa ye n koŋ.