Hoseya 5:15 - Mandinka Bible

¹⁵ M be muru la n noo to le, fo janniŋ ì be ì la boyidaalu je la, ì ye n ñini. Ì la niikuyaa kono, ì be maakoyiroo ñini la m bulu le.”

Hoseya 5:15 Mawu Ofanana

1 Musa 42:21

Ì ko ñoo ye ko, “Tooñaa-tooñaa, ñiŋ mu jaraboo le ti ǹ kaŋ, ŋà meŋ ke ǹ doomaa Yusufa la. A la bataa waatoo, a be yamfoo daani kaŋ m̀ bulu tuma meŋ, m̀ maŋ a danku. Wo le ye a tinna ñiŋ bataa naata ǹ kaŋ.”

2 Taarika 7:14

Bari niŋ n na moolu, mennu kumandita n tooyaa la, ye ì faŋ jii, ì duwaata ka n ñini, aduŋ ì ye i bo ì la sila kuruŋolu to, wo to le m be ì la duwaa moyi la Arijana kono, ŋa yamfa ì la junuboolu la, ŋa ì la bankoo jaara.

Yuuba 33:27

Wo moo siifaa si a fo noo a mooñoolu ye le ko, “Nte ŋa junube kuwo le baara, ŋa tooñaa nakari, bari a maŋ joo n to.

Jabuuroolu 107:13

Bituŋ ì la mantooroo kono, ì kumboota Yaawe ye, aduŋ a ye ì bondi ì la tooroo kono le.

Jabuuroolu 107:19

Bituŋ ì la mantooroo kono, ì kumboota Yaawe ye, aduŋ a ye ì bondi ì la tooroo kono le.

Jabuuroolu 107:28

Bituŋ ì la mantooroo kono, ì kumboota Yaawe ye, aduŋ a ye ì bondi ì la tooroo kono.

Jabuuroolu 107:6

Bituŋ ì la mantooroo kono, ì kumboota Yaawe ye, aduŋ a ye ì bondi ì la tooroo kono le.

Jabuuroolu 132:14

A ye ñiŋ ne fo ko, “M be sabati la jaŋ ne fo abadaa, m be tara la jaŋ ne, ŋa jaŋ ne lafi.

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

Jabuuroolu 78:34

Niŋ a ye doolu faa ì kono, toomaalu ka muru a kaŋ ne, ì ka tuubi soobeeke le, ka ì ñaa tiliŋ Alla la.

Jabuuroolu 83:16

Hee Yaawe*, malu kuwo feenee ì kaŋ, fo ì si i too la waroo loŋ.

Kuma Kotoomaalu 8:17

Moolu mennu ye n kanu, m fanaa ŋa wolu le kanu, aduŋ mennu ka n ñini, ì be n je la le.

Yesaya 18:4

Kaatu Yaawe* ko n ye le ko: “M be tara la tenkundiŋ n sabatidulaa to le, ka koroosiroo ke, ko niŋ tiloo deyiriŋo be mala la, ka tara deyiriŋ, ko niŋ komboo be jii la katiri waatoo.

Yesaya 26:16

Hee Yaawe, biriŋ i la moolu be niitooroo kono, ì ye ì ñaa tiliŋ i la le, fo i si ì maakoyi. Biriŋ i ye ì jarabi, ì naata duwaa kendeke.

Yesaya 26:21

A juubee, Yaawe be finti la naŋ a sabatidulaa kono le, ka moolu jarabi ì la junube kewo la. Bankoo be moo faariŋolu waañaari la le, ì ye mennu faa, a te ì maabo la kotenke.

Yesaya 26:9

I la kuwo ka n sondomoo loo le suutoo, n niyo meŋ be n kono ka tara suulariŋ i la le seyila juunoo, kaatu niŋ i la luwaalu lonta ñiŋ duniyaa kono, duniyaa moolu be tiliŋo karaŋ na le.

Yeremiya 2:27

wolu mennu ka a fo ko, yiroo le mu ì faamaa ti, aniŋ ko, beroo le mu ì baamaa ti. Ì ye ì koo dii n na le, ì maŋ ì ñaa tiliŋ n na. Bari niŋ ì bulata mantooroo kono, ì ka n kumandi le ka naa ì kiisa.

Yeremiya 3:13

Ali soŋ ali la boyidaa la doroŋ ko ali balanta nte Yaawe ali la Alla le ma. Ali ye siloo dii banku koteŋ jalaŋolu le la, ka wolu kanuñooyaa yirisuŋ biireeriŋolu meŋ-wo-meŋ koto, ali maŋ soŋ ka n na kumakaŋo muta.” Yaawe le ye a fo.

Yeremiya 3:14

Yaawe ye ñiŋ ne fo ko, “Ali muru naŋ, alitolu diŋ muritiriŋolu, kaatu nte le mu ali Maarii ti. M be ali tomboŋ na le ka ali murundi naŋ ali janjanta daamennu to. M be kiliŋ bondi la naŋ saatee-wo-saatee le, ka fula bondi naŋ kaabiila-wo-kaabiila, ka ali naati Siyoni*.

Niikuyaa Suukuwolu 3:40

Ñiŋ ne ñanta ǹ na, ka ǹ taaraŋ siloolu kisikisi, ka ì kotobo, ŋà tuubiseyi Yaawe ma.

Esekiyeli 10:4

Kabiriŋ Yaawe la kallankeeyaa* wulita kerubu malaayikoolu kunto santo, a taata loo bundaa kuŋo to. Minaayoo ye Batudulaa Buŋo kono bee muuri. Bituŋ Yaawe la kallankeeyaa ye konoto luwo bee malamalandi.

Esekiyeli 11:23

Bituŋ Yaawe la kallankeeyaa bota saatee ñiŋ kono, a taata konkoo santo, meŋ be saatewo tilibo karoo la.

Esekiyeli 20:43

“Wo to le ali hakiloolu be bula la ali la daajika jawoolu la aniŋ ali la kebaaroolu bee, ali ye mennu ke, ka ali faŋ kosondi. Aduŋ ali si naa nimisa ali la wo kuu jawoolu bee la.

Esekiyeli 36:31

Wo to le ali hakiloo be bula la ali la junuboolu niŋ kuu jawoolu bee la ali ye mennu ke. Ali si naa nimisa ka ali faŋo koŋ, wo kuu jawoolu niŋ kuu haraamuriŋolu bee la ali ye mennu ke.

Esekiyeli 6:9

Aduŋ wo moolu mennu kanata keloo to, ì hakiloo be bula la n na, wo bantala bankoolu kaŋ ne, ì ye ì samba mutoo kono daamennu to. Ì hakiloo be bula la, ì ye niitooroo meŋ laa n kaŋ ì la m fulaŋ kafuñooyaa la ka bula jalaŋolu nooma aniŋ ka hame jalaŋolu la kuwo la. Labaŋo la ì be ì faŋ koŋ na, ì kekuwolu niŋ ì la kuu haraamuriŋ kewolu la le.

Esekiyeli 8:6

Wo to le a ye n ñininkaa ko, “Hadamadiŋo, i ye a je le baŋ, Banisirayilankoolu be kuu haraamuriŋ baalu mennu ke kaŋ? Wo le ka n jamfandi n na Batudulaa Senuŋo la. Aduŋ i be naa kuwolu mennu je la saayiŋ, wolu le be jawuyaa la ka tambi i ye mennu je teŋ.”

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Hoseya 5:6

Ì niŋ beeyaŋolu si Yaawe waliŋ sadaa* ti, bari a te i danku la ì ma, a ye a koo dii ì la le.

Mika 1:3

A fele, Yaawe be naa kaŋ ne ka bo a taradulaa to. A be naa kaŋ duniyaa kono le, a ye taama konko jaŋolu kaŋ.

4 Musa 21:7

Bituŋ jamaa moolu naata Musa kaŋ ì ko a ye ko, “Ŋà junube kuwo le ke, ka kuma kuumaa fo Yaawe ma, aniŋ ite. Duwaa fo Yaawe si ñiŋ saalu bayi m̀ bala.” Bituŋ Musa naata duwaa ì ye.

Luka 13:25

“Niŋ buntiyo wulita, a ye bundaa soroŋ, ali be a dati la ka loo banta ka bundaa konkoŋ, aniŋ ka a fo ko, ‘M̀ Maarii, bundaa yele ǹ ye!’ A be ali jaabi la le ko, ‘Nte maŋ ali loŋ, sako ali bota daameŋ!’

Kiitindirilaalu 4:3

Mansa Yabini ye nee keleraŋ sareeti* keme kononto le soto. A ye Banisirayilankoolu tilimbaliyaa baake le fo sanji muwaŋ. Wo kamma la ì naata daala woosii Yaawe ye ka ì maakoyi.