Hoseya 5:11 - Mandinka Bible

¹¹ Efurayimu be mantooroo kono, ì ye ì dori kiitiyo to, kaatu jalambatoo le mu ì diyaŋñoo ti.

Hoseya 5:11 Mawu Ofanana

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

Hoseya 9:16

Efurayimu be le ko fiifeŋo, meŋ kuuranta. A suloolu jaata le, a te diŋ soto la. Hani niŋ a ye a tara faŋ, a ye diŋolu soto, n si a kanudiŋolu faa.”

Mika 6:16

Kaatu ali tarata Omuri la sila kuruŋolu le nooma, aduŋ ali ye Ahabu la dimbaayaa moolu jikoo le taa, ali bulata ì la yaamaroolu nooma. Wo kamma la, m be ali la saatewo ke la tumbuŋo le ti, a moolu ye ke jelefeŋo ti, aduŋ ali si muña tooñeeri kumoolu kaŋ, banku koteŋo moolu be mennu fo la ali ye.”

5 Musa 28:33

Ali la senefeŋolu aniŋ ali la dookuu koteŋo tinewo, banku koteŋo moolu le be ì domo la, ali maŋ mennu loŋ. Aduŋ niitooroo niŋ tilimbaliyaa le be tara la ali kaŋ, daŋ te ke la meŋ na.