Hoseya 5:1 - Mandinka Bible

¹ Yaawe* ko: “Alitolu piriisoolu*, ali ali tuloo loo ñiŋ na! Banisirayilankoolu, ali ali hakiloo tu ñiŋ to! Mansabuŋo moolu, ali i lamoyi! Kiitiyo be alitolu le kaŋ, kaatu ali keta kutindiŋo le ti Misipa, ali keta jaloo ti ka wanka Tabori Konkoo kunto.

Hoseya 5:1 Mawu Ofanana

Yeremiya 11:7

Ka bo waatoo meŋ na ŋa ali mumuñolu bondi naŋ Misira bankoo kaŋ ka naa bula fo bii la, n tuta ì dandalaa la le doroŋ, ka a fo ì ye ko, ì ye soŋ m ma.

Yeremiya 13:18

Yaawe ko ŋa a fo mansa niŋ mansa baamaa ye ko, “Ali sii fammajii siiraŋo kaŋ, kaatu ali la mansanaafa ñiimaalu jolonta le ka bo ali kuŋolu to.”

Yeremiya 46:18

Mansoo ye ñiŋ ne fo ko: “A be koyiriŋ ñaameŋ ko nte be baluuriŋ ne, nte meŋ too mu Yaawe Alihawaa Maariyo ti, Tabori Konkoo ye buŋ konkoolu kono ñaameŋ, aniŋ Karimeli Konkoo be jimbandiŋ Baa Baa* kunto ñaameŋ, meŋ be naa ali kele la, a be ke la ali ye wo le ñaama.

Hoseya 10:15

Alitolu Betelinkoolu, wo siifaa le be ke la ali fanaa la, kaatu ali kuruŋyaabaata le. Fanoo be ke la doroŋ, Banisirayila mansa be kasaara la.”

Hoseya 13:8

N si ñapi ali kaŋ ko daafeŋ saŋarariŋo*, ì ye meŋ diŋolu suuñaa a koto. Ŋa ali sisoo fara, ŋa ali domo ko jatoo, ŋa ali faraŋ-faraŋ ko daafeŋ saŋaroo.

Hoseya 4:1

Alitolu Banisirayilankoolu, ali ali tuloo loo Yaawe* la kumakaŋo la. Yaawe ye Banisirayila siilaalu tuumi ñiŋ ne la ko: “Ñiŋ bankoo kaŋ, foroyaa te keriŋ waraŋ tiliŋo, fo Alla lombaliyaa doroŋ.

Hoseya 6:9

Ko suŋolu ka biti moolu kamma ñaameŋ, piriisoolu* ka kumbeŋ ñoo kaŋ wo le ñaama. Ì ka faaroo ke le hani Sekemu siloo kaŋ, ì la ñiŋ kuu kuruŋolu mu malu kuu baa le ti.

Hoseya 9:8

Alla ye annabiyomoo le londi Efurayimu kantalaa ti, bari ali ka kutindiŋolu laa a ñaato, siloo karoo bee la. Hani Alla Batudulaa Buŋo to, a niŋ konnanteeyaa ka beŋ jee.

Yoweli 1:2

Alitolu alifaalu, ali i lamoyi ñiŋ na. Ali ali tuloo loo, bankoo siilaalu bee! Fo ñiŋ siifaa nene keta ali tiloo la le baŋ, waraŋ ali mumuñolu tiloo la?

Amosi 3:1

Ali i lamoyi alitolu Banisirayilankoolu, alitolu mennu keta moolu ti, Yaawe* ye mennu bondi naŋ Misira bankoo kaŋ. A ye ñiŋ kumakaŋo le fo ali ma, a ko,

Amosi 7:9

Isiyaaka koomalankoolu la batudulaa tintiŋolu* be kasaara la le. Banisirayila la batudulaalu, m be ì janjaŋ na le, n niŋ Mansa Yerobowamu la dimbaayaa be janjuŋ na niŋ hawusaroo* le la.”

Mika 3:1

Ali i lamoyi m ma, alitolu Yaakuba koomalanka maralilaalu, alitolu Banisirayila ñaatonkoolu. Fo ka a loŋ meŋ mu tiliŋo ti, wo maŋ tu ali faŋo le bulu baŋ?

Mika 3:9

Ali i lamoyi ñiŋ na, alitolu Yaakuba koomalanka maralilaalu, alitolu Banisirayila ñaatonkoolu, alitolu tooñaakoŋ moolu, alitolu mennu ka tooñaa nakari.

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Malaki 1:6

Yaawe Alihawaa Maariyo ko piriisoolu* ye ko, “Dinkewo ka a faa horoma le, aduŋ joŋo fanaa ka a maarii horoma le. Niŋ a ye a tara nte mu ali faamaa ti, n na horomoo diita n na mintoo le? Niŋ m mu ali maarii ti, n na buuñaa diita n na mintoo le? Alitolu le jututa n too la. “Bari ali ka a fo ko, ‘Ntolu jututa i too la ñaadii?’

Malaki 2:1

Yaawe* Alihawaa Maariyo* ye ñiŋ ne fo ko, “Alitolu piriisoolu*, ñiŋ dandalaaroo mu alitolu le taa ti.

Kiitindirilaalu 4:12

Kibaaroo futata Sisera ma le ko, Baraki, Abinowamu dinkewo, taata Tabori Konkoo le kaŋ.

Kiitindirilaalu 4:6

A ye kiilaa kii Baraki kaŋ, Abinowamu dinkewo, ka bo Kedesi, Nafutali tundoo kaŋ. A ko a ye ko, “Yaawe, meŋ mu Banisirayilankoolu la Alla ti le ye i yaamari ko, i ye kee wuli taŋ tomboŋ ka bo Nafutali lasiloo moolu aniŋ Sebuluni lasiloo moolu kono, i ye ì ñaatonkayaa ka taa Tabori Konkoo to.

1 Samuweli 7:16

Saŋ-wo-saŋ a ka taa muruŋ-muruŋo la Beteli, Kilikali aniŋ Misipa, aduŋ a ka kiitiyo kuntu Banisirayilankoolu ye ñiŋ dulaalu to le.

1 Samuweli 7:5

Wo to le Samuweli ko, “Banisirayilankoolu bee ye beŋ Misipa saatewo to, i si a je, n si duwaa ke ali niŋ Yaawe teema.”

1 Samuweli 7:6

Kabiriŋ ì benta Misipa, ì ye jiyo bii, ì ye a boŋ Yaawe ñaatiliŋo la. Wo luŋo ì sunta le, aduŋ ì sonta jee le to ko, ì ye junuboo soto Yaawe la karoo la le. Samuweli ka kiitiyo kuntu Banisirayilankoolu ye Misipa le.