Hoseya 4:9 - Mandinka Bible

⁹ Meŋ laata n na moolu kaŋ, wo le be laa la alitolu piriisoolu fanaa kaŋ. M be ali jarabi la ali la sila jawoolu la le, ŋa ali joo ali kebaaroo la.

Hoseya 4:9 Mawu Ofanana

Kuma Kotoomaalu 11:31

Niŋ moo tilindiŋo la baaroo ka joo ñiŋ duniyaa kono, wo to tooñaa-tooñaa, moo kuruŋo niŋ junubelaa fanaa be ì taa soto la le.

Kuma Kotoomaalu 12:14

Nafaa kuu jamaa ka soto hadamadiŋo daakumoo le to, a ye kuu-wo-kuu dookuu, wo le ka ke a la joo ti.

Kuma Kotoomaalu 5:22

Moo kuruŋo la kuu jawu kewolu le ka ke a ye kutindiŋo ti, a faŋo la junuboo le ka bataa kuwo saabu a ye.

Yesaya 24:2

Piriisoolu* niŋ moolu bee be kaañaŋ na le, dookuutiyo niŋ dookuulaa, musoo niŋ a la dookuulaa sunkutoo, waafirilaa niŋ sandirilaa, julutiyo niŋ julutaalaa, dontorilaa niŋ fuurilaa.

Yesaya 3:10

Yaawe ko, “A fo moo tilindiŋolu ye ko, ì la kuwolu be beteyaa la le, kaatu ì ye meŋ dookuu, ì be i munafaŋ na a la le.

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Esekiyeli 44:10

“Wo bee kaŋ, Lewi lasili moo doolu ye ì koo dii n na, ì keta moo filiriŋolu ti, ì kafuta moo doolu ma Banisirayilankoolu kono, ka wolu la jalaŋolu batu. Ì fanaa ñanta ì la junuboo kuluuroo soto la le, ì la foroyaabaliyaa kamma la.

Esekiyeli 44:12

Bari koomanto, waatoo meŋ na n na moolu be jalambatoo la, wo Lewi lasili moolu le ye ì maakoyi ka ke ì la jalaŋ batudulaa dookuulaalu ti. Wo le ye a tinna n na moolu boyita ì la junube jawoolu kono. Wo kamma la, ŋa n kali ko, Lewi lasili moolu be ì la junuboo kuluuroo soto la le.” Maarii Yaawe le ye a fo.

Hoseya 1:4

Bituŋ Yaawe ko a ye ko, “A toolaa Yesireeli la, kaatu ñaato domandiŋ m be Yehu dimbaayaa jarabi la yeleboŋo le la, meŋ keta Yesireeli. Aduŋ m be daŋ ke la Banisirayila mansamarali bankoo la le.

Hoseya 10:10

A diyaata n ye ñaameŋ, m be ali jarabi la wo le ñaama. Ali la junuboo la siyaa kaŋ, bankoolu si wuli ali kamma.

Hoseya 12:2

Yaawe* be kiitiyo laa la Yahuuda kaŋ ne. A be Yaakuba koomalankoolu fanaa jarabi la ì taaraŋ siloo la le, a ye ì joo ì kebaaroolu la.

Hoseya 12:3

Ì bonsuŋo Yaakuba, wo ye i miniŋ a fulandiŋ kotoo tonkoliŋo la le, biriŋ ì be ì baamaa wuluuñaŋo kono. Biriŋ a menta, a niŋ Alla ye keloo ke.

Hoseya 7:2

Bari ì maŋ ñiŋ miira ko, n hakiloo be tara la ì la tilimbaliyaa bee kaŋ ne, ì kebaaroolu ye ì murubeŋ ne, ì be n ñaatiliŋo le la.”

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Hoseya 9:15

Yaawe ko: “Ì ye ì la kuruŋyaa bee dati naŋ Kilikali le, ŋa ì koŋ jee le to. Ì kebaaroolu la jawuyaa kaŋ, m be ì bayi la n na bankoo kaŋ ne. N te ì kanu la kotenke, ì la maralilaalu bee mu balannaalu le ti.

Hoseya 9:9

Ali tunenta kuruŋyaa kono le, ko a keta nuŋ Kibeya ñaameŋ. Alla hakiloo be ali la kuu jawoo kaŋ ne, a be ali jarabi la ali la junuboo la le.

Jakariya 1:6

Muna n na kumakaŋo aniŋ n na dandalaaroo, ŋa meŋ duŋ annabiyomoolu daa, n na dookuulaalu, fo a maŋ boyi ali mumuñolu kaŋ baŋ? Bituŋ ì naata tuubi, ì kumata ko: ‘Yaawe Alihawaa Maariyo ye ǹ joo ǹ kebaaroo le la aniŋ ǹ na sila kuruŋolu, a ye a ke ǹ na le ko, a ye a nata ñaameŋ.’ ”

Matiyu 15:14

Ali ì tu jee. Itolu mu finkintewolu le ti, mennu ka finkintewolu kenkeŋ. Niŋ finkintewo ye finkintewo kenkeŋ, ì bee be boyi la dinkoo kono le.”