Hoseya 4:2 - Mandinka Bible

² Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

Hoseya 4:2 Mawu Ofanana

1 Musa 4:8

Kaabiila ko a doomaa Haabiila ye ko, “Ŋà taa kunkoo to.” Kabiriŋ ì futata kunkoo to, Kaabiila wulita a doomaa Haabiila kaŋ, a ye a faa.

Yesaya 24:5

Moolu ye bankoo kosondi, kaatu ì ye Alla la karandiroo soosoo le. Ì maŋ bula a la yaamaroolu nooma, ì ye a la badaa-badaa kambeŋo tiñaa.

Yesaya 48:1

Yaawe* ko: “Hee Yaakuba koomalankoolu, ì ka ali kumandi Banisirayila fanaa la le, ali i lamoyi, m be naa meŋ fo la ali ye. Ali bota Yahuuda lasiloo le kono, ali kalita Yaawe too la le, ali ko, ali ka Banisirayila la Alla le batu, bari ali buka a ke tooñaa niŋ tiliŋo siloo la.

Yeremiya 51:5

M maŋ n koo dii Banisirayila niŋ Yahuuda la, nte Yaawe Alihawaa Maariyo*, ì la Alla, ì la bankoo be faariŋ ì la junube kuwolu la ñaa-wo-ñaa, ì ye mennu ke nte Banisirayila la Senuŋ Baa la.”

Yeremiya 6:7

Koloŋo ka tu jiyo bondi la ñaameŋ, kuu kuruŋo ka tu woyi la ñiŋ moolu bulu wo le ñaama. Fitinoo niŋ kasaaroo, i ka wo dammaa le moyi jee, n ñaa ka tara yankankatoo niŋ dimiŋo doroŋ ne la.

Niikuyaa Suukuwolu 4:13

Ǹ na annabiyomoolu la junuboolu le mu, aniŋ ǹ na piriisoolu la jenke kuwolu, ì ye moolu yeloo boŋ jee, mennu keta moo tilindiŋolu ti.

Esekiyeli 7:23

Neejoloolu parendi, kaatu bankoo kaŋ be faariŋ moofaa le la, saatee kono be faariŋ fitinoo la.

Hoseya 10:13

“Bari ali ye kuu kuruŋolu le fii, tilimbaliyaa falinta ali ye jee, ali ye faniyaa le diŋo domo, bayiri ali be jikiriŋ ali semboo le la, aniŋ ali la kelediŋ jamaa,

Hoseya 10:4

Mansoolu ka kuma kenseŋo doroŋ ne fo, ì ka i kali laahidoo kaŋ kensenke, ì niŋ banku koteŋolu ka kambeŋolu siti. Tilimbaliyaa ka wuli kiitiidulaa to, ko ñaamoo ka wuli kunkoo kono ñaameŋ.

Hoseya 11:12

Yaawe ko: “Efurayimu niŋ faniyaa le ye m muru, Banisirayila moolu ye m muru nakaroo la. Yahuuda ka balaŋ m ma, a la Alla Senuŋo, meŋ foroyaata.

Hoseya 12:14

Bari Efurayimu ye a Maarii Alla kamfandi jawuke le, a be a la yeleboŋo dunoo laa la a faŋo kuŋo le to, a be a joo la a la nendiroo la le.

Hoseya 5:2

Ali keta dinka diinondiŋo le ti Sitimu, bari m be ali bee yankankati la le.

Hoseya 6:8

Kileyadi mu kuu kuruŋ kelaalu la saatewo le ti, yeleboŋo ye a kosondi.

Hoseya 6:9

Ko suŋolu ka biti moolu kamma ñaameŋ, piriisoolu* ka kumbeŋ ñoo kaŋ wo le ñaama. Ì ka faaroo ke le hani Sekemu siloo kaŋ, ì la ñiŋ kuu kuruŋolu mu malu kuu baa le ti.

Hoseya 7:1

Waati-wo-waati niŋ n ko, m be n na moolu murundi la ì la firiŋo kono, niŋ n ko, m be n na moolu jaara la waatoo meŋ na, Efurayimu* la junube baaroo si laa kenoo to, aniŋ Samariya la kuu kuruŋolu. Ì ka moolu nakari, suŋolu ka buŋolu teyi, bandiyolu ka ñapi moolu kaŋ mbeedoolu kaŋ.

Hoseya 7:3

Yaawe* ko: “Ì la kuu kuruŋ kewo, ì ka mansa kontaanindi wo le la, maralilaalu, ì la neeneeroo la.

Hoseya 7:4

Ì bee mu foroyaabaloolu le ti, ì jusoo be kandiriŋ ne ko fuuri kandoo, fuuroo meŋ kandita, fo a maŋ jari mbuuru janilaa ye a dimbaa ñori, ka bo nooniri waatoo ka taa fo janniŋ a be sele la.

Mika 3:2

Alitolu mennu ka kuu kendoo koŋ, ali ye kuu kuruŋo kanu. Ali ye n na moolu baloo bee namaŋ-namaŋ, ko niŋ i be beeyaŋo busu la, ka ì kuloolu niŋ ì bala suboo talaa.

Mika 3:9

Ali i lamoyi ñiŋ na, alitolu Yaakuba koomalanka maralilaalu, alitolu Banisirayila ñaatonkoolu, alitolu tooñaakoŋ moolu, alitolu mennu ka tooñaa nakari.

Mika 6:10

Naafuloo meŋ be moo kuruŋolu la buŋolu kono, ì maŋ ì soto niŋ tiliŋo siloo la. Ì ka sumandiroo ke sumandaŋ kuruŋolu le la, mennu haraamuta. N si n ñaa kaasi noo wo la ñaadii?

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Sefaniya 3:1

Kooroo be moo toorandilaalu la saatewo ye, balaŋo niŋ kuruŋyaa saatewo.

Jakariya 5:3

Bituŋ a ko n ye ko, “Yankankatoo le be safeeriŋ a bala bankoo moo bee ye. Moo-wo-moo meŋ ka suuñaaroo ke, a be kasaara la le, ko a be safeeriŋ ñiŋ kitaaboo kara kiliŋo la ñaameŋ. Aduŋ moo-wo-moo meŋ ka i kali faniyaa kaŋ, a be kasaara la le, ko a be safeeriŋ ñiŋ kitaaboo kara kiliŋ doo la ñaameŋ.

Jakariya 7:9

Yaawe Alihawaa Maariyo ye ñiŋ ne fo ko: “Waati jaŋ koomanto, ŋa n na moolu yaamari ñiŋ ne la ko: ‘Ali kiitii tilindiŋo londi, ali ye timinandiyaa niŋ balafaa yitandi ñoo la.

Matiyu 23:35

Wo le ye a tinna yankankatoo be boyi la ali kaŋ moo tilindiŋolu bee yeloo boŋo kamma la, ka bo Haabiila yeloo to ka naa fo Jakariya yeloo to, Berekiya dinkewo, ali ye meŋ faa Alla Batudulaa Buŋo niŋ sadaajanidulaa teema.

Kiilaalu 7:52

Jumaa le sotota annabiyomoolu kono nuŋ, ali mumuñolu maŋ meŋ toora? Ì ye doolu faa, mennu ye Tilindiŋo la naa kankulaa ì ye. Aduŋ alitolu naata ñiŋ Tilindiŋo jamfaa, ali ye a faa.

5 Musa 5:11

“Ali kana nte Yaawe ali la Alla too fo kuu kuruŋolu kunna, kaatu n te moo-wo-moo le tu la jee, meŋ ye n too fo kuu kuruŋo kunto.

5 Musa 5:18

“Ali kana jeenoo ke.

5 Musa 5:19

“Ali kana suuñaaroo ke.

1 Tesalonikankoolu 2:15

Itolu le ye Maarii Yeesu faa, aniŋ annabiyomoolu, aduŋ ì ye ntolu fanaa bayi ì la saatewolu kono. Ì ka Alla kamfandi, aduŋ ì ka balaŋ moolu bee ma.

Lankenemoo 17:6

Ŋa musoo ñiŋ je siirariŋ niŋ Alla la moo senuŋolu yeloo la, aniŋ wo moolu yeloo, mennu faata Yeesu la kuwo seedeyaa kamma la. Kabiriŋ ŋa a je, n jaakalita baake le,