Hoseya 4:15 - Mandinka Bible

¹⁵ “Ite Banisirayila, i si cakayaa ke ñaa-wo-ñaa, kana Yahuuda duŋ ñiŋ junuboo to. Ite Yahuuda, i dahaa baturoo la Kilikali, kana taa baturoo la Beti-Aweni, i kana i kali nte Yaawe too la.

Hoseya 4:15 Mawu Ofanana

2 Taarika 17:4

A ye a faamaa la Alla le batu, a ye a la yaamaroolu nooma. A maŋ bula Banisirayilankoolu sinnoo nooma,

2 Taarika 21:11

Ñiŋ bee koolaa, a ye jalaŋ batudulaa tintiŋolu* dadaa Yahuuda konkotundoo* kaŋ, aduŋ moolu mennu be sabatiriŋ Yerusalaamu, a ye wolu duŋ foroyaabaliyaa to, a ye Yahuuda filindi Alla la.

Yesaya 48:1

Yaawe* ko: “Hee Yaakuba koomalankoolu, ì ka ali kumandi Banisirayila fanaa la le, ali i lamoyi, m be naa meŋ fo la ali ye. Ali bota Yahuuda lasiloo le kono, ali kalita Yaawe too la le, ali ko, ali ka Banisirayila la Alla le batu, bari ali buka a ke tooñaa niŋ tiliŋo siloo la.

Yeremiya 44:26

Bari ali nte Yaawe la kumoo moyi baŋ, alitolu Yahuuda moolu bee mennu be Misira, ko: Ŋa n kali n too la waroo kaŋ ne ko, Yahuuda moo kiliŋ te n too kumandi la a daa la Misira bankoo muumewo kaŋ, ka kali ko, ‘A be koyiriŋ ñaameŋ ko Yaawe be baluuriŋ ne.’ Nte Yaawe le ye a fo.

Yeremiya 5:2

Ì ka ñiŋ meŋ fo ko, ‘A be koyiriŋ ñaameŋ ko Yaawe be baluuriŋ ne,’ hani wo ì ka kali faniyaa kaŋ.”

Esekiyeli 20:39

Maarii Yaawe ye ñiŋ ne fo ko: “Wo to saayiŋ, alitolu Banisirayilankoolu, niŋ a diyaata ali ye, ali si taa ka ali la jalaŋolu batu, bari ñaato siniŋ, ali be i lamoyi la n na le, ali ye soŋ n na yaamaroolu la. Kaatu nte jankuta le. Ali te horomantaŋyaa tiliŋ na n too la kotenke niŋ ali la wo jalaŋolu la, ali ka mennu batu, aniŋ ali ka ali la sadaalu bo mennu ye.”

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Hoseya 10:8

Beti-Aweni la jalaŋ batudulaa tintiŋolu* be kasaara la le, Banisirayila ka junuboo ke daameŋ. Ñaamoo niŋ ŋaniŋo si faliŋ ì la sadaabodulaalu kaŋ. Bituŋ ì si a fo konko baalu ye ko, “Ali m̀ muuri!” Ì ye a fo konkoriŋolu ye, “Ali boyi ǹ kaŋ!”

Hoseya 11:12

Yaawe ko: “Efurayimu niŋ faniyaa le ye m muru, Banisirayila moolu ye m muru nakaroo la. Yahuuda ka balaŋ m ma, a la Alla Senuŋo, meŋ foroyaata.

Hoseya 12:1

Efurayimu* ka foño kenseŋo le nooma, a ka tilibo foñoo bayindi tiloo bee. A ka faniyaa niŋ fitinoo kafu-kafu laalaa. A niŋ Asiriya ka kambeŋo siti, a ka olifu* tuloo kii Misira.”

Hoseya 12:11

Kileyadinkoolu ka jalaŋolu le batu, moo nafantaŋolu le mu ì ti. Kilikalinkoolu ka ninsituuraalu bo sadaa ti. Ì la sadaabodulaalu* si ke ko bere tuŋolu balaŋ kuŋolu to.”

Hoseya 12:12

Yaakuba borita le nuŋ, ka taa Aramu bankoo to, jee to, a ye dookuwo ke ka musoo soto, futuu naafuloo joo keta nuŋ saajii kantoo le ti.

Hoseya 4:12

N na moolu ka yaamaroo ñini jalaŋ yiroo le bulu, ì la taamaraŋ dokoo le mu ì la juubeerilaŋo ti, cakayaa maañaa le ye ì filindi. Ì ye ì koo dii ì la Alla la, ì bulata jalaŋolu nooma, wo mu cakayaa le ti.

Hoseya 5:8

Yaawe ko: “Ali binoo fee Kibeya, footaŋo ye fee Rama, maamandiraŋo ye kuma Beti-Aweni, Benjamini, jawoolu be i kooma.

Hoseya 9:15

Yaawe ko: “Ì ye ì la kuruŋyaa bee dati naŋ Kilikali le, ŋa ì koŋ jee le to. Ì kebaaroolu la jawuyaa kaŋ, m be ì bayi la n na bankoo kaŋ ne. N te ì kanu la kotenke, ì la maralilaalu bee mu balannaalu le ti.

Amosi 4:4

“Alitolu Banisirayilankoolu, niŋ ali lafita, ali naa Beteli batudulaa to ka junube kuwo ke. Ali ye taa Kilikali batudulaa, ka ali la junube kuukewo lafaa. Ali ye ali la beeyaŋ sadaalu* bo soomandaa-wo-soomandaa, aniŋ jakoo tili saba-wo-tili saba.

Amosi 5:5

Ali kana ali jikoo loo Beteli batudulaa kaŋ, aduŋ ali kana duŋ Kilikali, waraŋ ka tambi ka taa Beeriseba. Kaatu Kilikali moolu be tara la mutoo le kono, aduŋ Beteli te naa ke la feŋ ti kotenke.”

Amosi 6:10

Baadiŋo meŋ ñanta ñiŋ furewolu jani la, be naa la le ka ì fintindi buŋo ñiŋ kono. A be moo ñininkaa la le meŋ tuta maaboriŋ buŋo kono ko, fo moo doo le be jee. Niŋ a naata jaabiroo soto ko, “Hanii,” a be a fo la wo ye le, “Tuuk, m̀ maŋ ñaŋ na Yaawe too kumandi la.”

Amosi 8:14

Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”

Efesusinkoolu 5:11

Ali kana ali daa bula diboo la baara nafantaŋolu kono, bari ali si wolu waañaari.

Yosuwa 5:9

Bituŋ Yaawe ko Yosuwa ye ko, “Bii ŋa Misira joŋyaa maloo bondi ali kaŋ ne.” Bituŋ ì naata ñiŋ dulaa kumandi Kilikali la, aduŋ ì ka a kumandi wo too kiliŋo le la hani bii.

Yosuwa 7:2

Yosuwa naata kee doolu kii ka bo Yeriko ka taa Ayi saatewo to, meŋ be Beti-Aweni daala, Beteli tilibo kara maafaŋo la. A ko ì ye ko, “Ali wuli, ali ye taa ñiŋ tundoo la kuwo kulloo ñini.” Bituŋ ñiŋ kewolu taata teŋ ne ka Ayi la kuwolu kulloo ñini.