Hoseya 2:8 - Mandinka Bible

⁸ A maŋ a loŋ ko, nte le ka siimaŋ kesoo dii a la, wayinoo niŋ olifu tuloo. A maŋ a kalamuta ko, nte le ye a la sanoo niŋ kodiforoo siyandi, a ka Baali* jalaŋo buuñaa meŋ na.

Hoseya 2:8 Mawu Ofanana

1 Taarika 29:16

“Hee Yaawe ǹ na Alla, ŋà ñiŋ soorifeŋolu bee samba naŋ ne, ka Batudulaa loo, ka i too senuŋ baa horoma. Ñiŋ bee bota ite le bulu, aduŋ ite le taa mu a bee ti.

Yuuba 19:8

Alla le ye siloo soroŋ, m maŋ tambi noo. A ye m fili diboo kono ka siloo ñini m faŋ ye.

Yesaya 1:3

Ninsoo ye a loŋ ne, meŋ taa mu a ti, faloo ye a loŋ ne, a maarii ka a daañini daameŋ, bari n na moolu Banisirayilankoolu maŋ a loŋ, ì maŋ a fahaamu.”

Yesaya 46:6

“Doolu ka sanoo landatambi bondi ì la kufoolu kono le, ì ka kodiforoo juruma peesarilaŋo kaŋ. Ì ka tunkannaa le luwaasi, ka a tunkaŋ ì ye jalaŋo ti, ì ka sujudi a ye ka a batu.

Yeremiya 7:18

Dindiŋolu le ka loo kafu ñoo ma, faalu ye dimbaa mala, bituŋ baalu ye fariñoo nooni ka a jani mbuuroo ti jalaŋo ye, ì ka meŋ kumandi Saŋo Santo Musumansoo* la. Ì ka miŋ feŋ sadaalu* boŋ batufeŋ koteŋolu ye le, ñiŋ kamma la ka n kamfandi.

Esekiyeli 23:41

Ì siita ì la siiraŋ baa kaŋ meŋ ñiiñaata, ì ye taabuloo londi a ñaatiliŋo la, ka a parendi feetoo ye. Ì ye n na cuuraayoo niŋ n na tuloolu mennu bondi naŋ n na Batudulaa Buŋo kono, londi ì ye wo taabuloo le kaŋ.

Daniyeli 3:1

Mansa Nebukanesa ye moo muluŋo le dadaa sanoo la. A loo la jamfoo mu nonkonkatiñaa taŋ wooro le ti, a konoo la fanoo mu nonkonkatiñaa wooro le ti. A ye a londi Dura kene fanuŋo le kono, Babiloni bankoo kaŋ.

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Hoseya 10:1

Banisirayila be le nuŋ ko wayini* suŋ biireeriŋo, meŋ ka diŋ kendeke. Ì ka yiriwaa ñaameŋ, ì ka jalaŋ sadaabodulaalu* siyandi wo le ñaama. Ì la bankoo ka fanka ñaameŋ, ì ka jalaŋ bere samasiŋolu ñiiñandi wo le ñaama.

Hoseya 13:1

Niŋ Efurayimu* lasiloo diyaamuta, moolu ka jarajara silaŋo kamma le, ì ye ì kuliyaa Banisirayila lasiloolu kono le kendeke. Bari ì dunta Baali* jalambatoo to, bituŋ ì kasaarata.

Hoseya 13:2

Ì tententa junuboo la wo le ñaama hani saayiŋ. Ì ka jalaŋolu tunkaŋ ì faŋolu ye, kodiforo jalaŋolu, ì la ñaameŋo bee la. Bulukalaŋ dookuulaalu le ye ì bee dadaa. Ì ka a fo ko, “Ali sadaa* bo ñinnu ye.” Moolu ka ninsiriŋ jalaŋolu sumbu.

Hoseya 2:5

Kaatu ì baamaa ye cakayaa le ke, ate, meŋ ye ì konoo taa, a ye malubaliyaa le ke. A ka a fo le ko, ‘M be bula la n kanuntewolu nooma le. Itolu le ka domoroo niŋ jiyo dii n na, sitifeŋolu, olifu* tuloo aniŋ wayinoo*.’

Hoseya 4:11

Yaawe ko: “Cakayaa, wayini* kutoo aniŋ wayini kumuŋo, wolu le ye n na moolu la fahaamuroo taa.

Hoseya 8:4

“Ì ye mansoolu londi ì faŋ ye, ì maŋ feŋ fo n ye. Ì ye maralilaalu tomboŋ, ì maŋ n kalamutandi a la. Ì ka ì la sanoo niŋ kodiforoo taa, ka jalaŋolu dadaa ì la, ì la kasaaroo kaŋ.

Habakuki 1:16

Ì ye sadaalu* bo ì la jaloolu ye. Ì ye seera feŋ diimaalu siisindi ì ye, ko wolu le ka a tinna ì ka mutaroo ke kendeke, aniŋ ka domori kendoo soto.

Luka 15:13

“Tili dantaŋ koolaa, dindimmaa ye a la keetaafeŋo bee kafu ñoo ma. A taamata ka taa banku jamfariŋo doo to. Jee le to a ye a la sotofeŋo bee kasaara ka bo niŋ bumbaayoo la.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

5 Musa 8:18

Ali si ñiŋ loŋ ko Yaawe ali la Alla le ye semboo dii ali la ka fanka. A ye ñiŋ ke le ka a la tiliŋo yitandi kambeŋo la kuwo to, meŋ be a niŋ ali mumuñolu teema, fo ka naa bula bii la.

Kiitindirilaalu 9:27

Ì taata ì la kunkoolu to, ì ye yiridiŋolu kati ka bo ì la wayini kankaŋolu kono, ì ye ì dori. Bituŋ ì naata feetoo ke. Ì taata ì la jalaŋ batudulaa to ka domoroo ke aniŋ ka miŋ feŋolu miŋo. Bituŋ ì ye Abimeleki danka.