Hoseya 2:3 - Mandinka Bible

³ Niŋ wo nte, n si a wura, a kenseŋo ye loo, a kenseŋo si loo, ko a wuluuta ñaameŋ. N si a ke ko keñewuloo*, ŋa a ke ko banku jaaroo, ŋa a faa mindoo la.

Hoseya 2:3 Mawu Ofanana

2 Musa 17:3

Bari mindoo ye moolu korindi baake le, bituŋ ì tententa ka woosii Musa ye. Ì ko, “Muŋ ne ye a tinna, i ye m̀ bondi naŋ Misira, ka ǹ niŋ ǹ diŋolu faa mindoo la, aniŋ ǹ na beeyaŋolu?”

Yesaya 33:9

Bankoo be sunu la le komeŋ hadamadiŋo, a ye tiñaa. Hani Libanooni yiri sutoolu be malu la le, ì ye jaa. Saroni kunku betoolu be muluŋ na le ko keñewuloo*, Basani niŋ Karimeli yiroolu bee be ì jamboolu joloŋ na le.

Yesaya 47:3

I kenseŋo le be tara la looriŋ, moolu ye i maluriŋo je. M be makatoo bayi la le, moo te kana la n na mantooroo la.”

Yesaya 64:10

I la saatee senuŋolu keta keñewuloo* ti, hani Siyoni* faŋo keta keñewuloo le ti, Yerusalaamu mu tumbuŋo ti.

Yeremiya 12:10

Kantarilaa jamaalu le ye n na wayini* yiri kankaŋo kasaara, ì ye n na kunkoo doriŋ-doriŋ. Ì ye n na kunku kendoo kenseŋyandi le ka a ke keñewuloo* ti.

Yeremiya 13:22

Aduŋ niŋ i ko i faŋ ye ko, “Muŋ ne ye ñiŋ laa n kaŋ?” a loŋ ko i la junuboolu la waroo le mu, wo le ye a tinna ì ye i la faanoo wura i la, ì ye i tiñaa.

Yeremiya 13:26

“Nte faŋo le be i la faanoolu wura la i la, ka i la maloo laa banta.

Yeremiya 14:3

A fankamaalu ye ì la dookuulaalu kii jiibiyo la, ì taata koloŋolu to, bari ì maŋ jii soto, ì niŋ ì la keraŋ kenseŋolu muruta naŋ. Ì maluta le fo ì keñaa bota ì kono, ì ye ì kuŋolu biti.

Yeremiya 17:6

A maarii ka munta le ko fitoo meŋ be keñewuloo* kono, niŋ yiriwaa naata, ate te a je la. A be tara la sabatiriŋ keñewuloo dulaa jaaroo le to, koo bankoo kaŋ, moo te siiriŋ daameŋ.

Yeremiya 2:31

“Alitolu ñiŋ jamaanoo moolu, ali nte Yaawe la ñiŋ kumoo lamoyi baŋ: Fo n nene keta Banisirayila ye le komeŋ keñewuloo? Fo n nene finta a ma le komeŋ banku dibiriŋ baa? Wo to muŋ ne ye a tinna n na moolu ka a fo ko, ‘Ntolu be m̀ faŋ ne bulu taariŋ. Ǹ te muru la i kaŋ kotenke?’

Yeremiya 2:6

Ì maŋ ñiŋ fo ko, ‘Yaawe lee, meŋ ye m bondi naŋ Misira bankoo kaŋ, meŋ tambita ǹ ñaato keñewuloo kono, dinka jawoolu be daameŋ? Wo wula jaara jiintaŋo, jaa niŋ dibi fiŋo be daameŋ, moo buka tambi niŋ jee la, sako moo si sabati jee.’

Yeremiya 22:6

Yaawe ye ñiŋ ne fo Yahuuda mansasuwo la kuwo to ko: “I ñiiñaata n ñaa koto ñaa-wo-ñaa ko Kileyadi tundoo, aniŋ Libanooni konkokaŋ yiroolu, a be koyiriŋ ne ko, m be i ke la le ko keñewuloo*, komeŋ moo te siiriŋ saatewolu mennu to.

Yeremiya 4:26

Ŋa juubeeroo ke le, ŋa a je banku yiriwaariŋo keta keñewuloo* ti, a saatewolu bee burukata ka ke tumbuŋolu ti, Yaawe la kamfaa baa ì kamma.

Yeremiya 51:43

A saatewolu be kenseŋyaa la le, a ye jaa ka ke keñewuloo* ti, moo te tara la siiriŋ jee, hadamadiŋ te tambi la niŋ jee la.

Yeremiya 51:5

M maŋ n koo dii Banisirayila niŋ Yahuuda la, nte Yaawe Alihawaa Maariyo*, ì la Alla, ì la bankoo be faariŋ ì la junube kuwolu la ñaa-wo-ñaa, ì ye mennu ke nte Banisirayila la Senuŋ Baa la.”

Esekiyeli 16:22

“I la kuu ñewundiŋ kewolu bee kono, aniŋ i la cakayaa, i maŋ i miira i fondinkeemaa la, biriŋ feŋ te i bala, i bala kenseŋo, i be yelemaŋ-yelemaŋ na i yeloo kono waati meŋ na.”

Esekiyeli 19:13

Saayiŋ ì ye a tutu keñewuloo* le kono, bankoo meŋ be jaariŋ, jii te jee.

Hoseya 13:15

Hani niŋ Efurayimu yiriwaata ko seyiŋo, tiliboo foñoo si naa, Yaawe si a bula naŋ ka bo keñewuloo kono. A la koloŋo si jaa, a la jii woyoolu ye loo. A la naafulu maabodulaa, ì be ñapi la a feŋ kummaa baalu bee le kaŋ.

Hoseya 2:10

Saayiŋ m be a la malu kuwo laa la kenoo le to, a tuluŋñoolu ñaatiliŋo la, moo-wo-moo le te a bondi noo la m bulu.

Lankenemoo 17:16

Aduŋ ì ye bina taŋo mennu je, wolu niŋ daafeŋ saŋarariŋo be cakamusoo ñiŋ koŋ na le. Ì be a wuraŋ na le, ì ye a kenseŋo bula. Ì be a suboo domo la le, ì ye a kasaara niŋ dimbaa la.

Kiitindirilaalu 15:18

Mindoo naata Samuuda muta baake. A ye Yaawe daani, a ko a ye ko, “Ite le ye semboo dii n na ka ñiŋ moolu noo keloo to. Bari saayiŋ, fo mindoo be m faa la le baŋ, ŋa tara ñiŋ Filisitinka sunnabaloolu la maroo to?”