Hoseya 2:18 - Mandinka Bible

¹⁸ Wo luŋo la, n niŋ wulakono daafeŋolu be kambeŋo siti la, ka taa kunoolu niŋ kuruntu feŋolu, fo ì kana n na moolu mantoora. Kalabeñoo, hawusaroo* aniŋ keloo be bo la bankoo kaŋ ne, i ye tankoo niŋ kayiroo soto.

Hoseya 2:18 Mawu Ofanana

Yuuba 5:22

Kasaaroo waatoo niŋ konko jawoo kono, i be tara la jele kaŋ ne. I te sila la wulakono daafeŋolu la.

Yuuba 5:23

I be tankoo soto la kene fanuŋolu to le, kayiroo le be tara la ì niŋ wulakono daafeŋolu teema.

Jabuuroolu 148:10

Wulakono daafeŋolu niŋ beeyaŋolu, kuruntu feŋolu ka taa kunoolu bee, ali a jayi.

Jabuuroolu 23:2

A ka n sabatindi dulaa neemariŋo le to. A ka n samba jii tenkeyaariŋo le to.

Jabuuroolu 46:9

Yaawe ye keloo baŋ duniyaa karoo bee la, a ye kalabeñoolu niŋ sooroolu bee kati, a ye koteeroolu* jani dimbaa kono.

Yesaya 2:11

Faŋ wara moolu la kuwo be jindi la le, aduŋ faŋ sikandilaalu be dooyandi la le. Wo luŋo la, Yaawe dammaa le be sikandi la.

Yesaya 2:17

Faŋ wara moolu be dooyandi la le, aduŋ faŋ sikandilaalu be jindi la le. Wo luŋo la Yaawe dammaa le be sikandi la.

Yesaya 2:4

A be kiitiyo kuntu la bankoolu teema le, aduŋ a be fitinoo daa faa la moo jamaa ye. Ì be ì la hawusaroolu* tunkaŋ na le, ka ì ke senedaboolu ti, ì la sooroolu ye ke katirilaŋolu ti. Banku te hawusari sika la banku kamma, sako ì si moo karandi keloo keñaa la kotenke.

Yesaya 26:1

Wo waatoo la moolu be ñiŋ suukuwo le laa la Yahuuda: Ŋà saatee bambandiŋo le soto. Alla ye a konoto niŋ a banta tata sansaŋolu londi le, ka tankoo dii ǹ na.

Yesaya 32:18

Hani wo, samberoo be jii la yiri sutoo kaŋ ne, a ye jee bee kasaara ka taa fo saatewo, bari n na moolu be tara la sabatiriŋ dinkiraa tenkundiŋo le to, koridaa tankariŋolu kono, aniŋ foñondiŋ dulaalu, moo te ì batandi la daameŋ.

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Yesaya 65:25

Suluwo niŋ saajiiriŋo be domoroo ke la ñoo kaŋ ne, jatoo be ñaamoo ñimi la ko ninsoo, kankaŋo ye ke saa la domoroo ti. Ì te mantoora ke la, ì te kasaarali ke la n na konko senuŋo* bee kaŋ. Nte Yaawe le ye a fo.”

Yeremiya 23:6

A la waatoo la Yahuuda be tankandi la le, aduŋ Banisirayila be tara la sabatiriŋ tankoo le kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 33:16

Wo luŋolu la Yahuuda be kiisa la le, Yerusalaamu ye tara siiriŋ tankoo kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Esekiyeli 34:25

“N niŋ n na moolu be kayira kambeŋo le siti la. M be wulakono daafeŋ jawoolu bee bondi la ì ye bankoo kaŋ ne, i si a je n na moolu si tara kayiroo kono, ka i laa noo ka siinoo kayira kono wo keñewuloo* niŋ wula kaamaa kono.

Esekiyeli 39:1

Yaawe* ko: “Ite hadamadiŋo, kiilaariyaa kumoo fo Maralilaa Kooki ma, a fo a ye ko, nte Maarii Yaawe ye ñiŋ ne fo ko: A fele, m bulu be sii la ite Kooki ma le, Mesaki niŋ Tubali maralilaa.

Jakariya 14:4

Wo luŋo la, a siŋo be tara la looriŋ Olifu Konkoo kaŋ ne, meŋ be Yerusalaamu tilibo karoo la. Konkoo ñiŋ be fara la teema le ka bo tilibo ka taa tilijii. Talantewo be ñori la maraa karoo la, talantee doo ye ñori bulubaa karoo la. Wulumbaŋ fanuŋ baa ye tara ì teema.

Jakariya 14:9

Bituŋ Yaawe si ke duniyaa bee Mansa ti. Wo luŋo la, Yaawe la kilimbaayaa le be loo la, aduŋ baturoo be ke la a too dammaa le la.

Jakariya 2:11

Wo luŋo la, banku jamaa si naa Yaawe kaŋ, aduŋ ì be ke la a la moolu le ti. A be sabati la ali kono le. Niŋ wo keta, ali be a loŋ na le ko, Yaawe Alihawaa Maariyo le ye n kii ali kaŋ.

Jakariya 3:10

Wo luŋo la, ali be ali mooñoolu buuñaatoo kumandi la le ka sii kayiroo kono ali la wayini* yiroolu koto aniŋ ali la sooto suŋolu. Nte Yaawe Alihawaa Maariyo le ye a fo.’ ”

Jakariya 9:10

M be keleraŋ sareetoolu* buruka la Efurayimu* le, ŋa Yerusalaamu la keleraŋ suwoolu fanaa buruka, ŋa daŋ ke kalabeñoo la. Ali la mansa be kayiroo naati la bankoolu kaŋ ne, biriŋ fankaasi ka taa fankaasi, ka bo Yufurati Boloŋo to ka taa fo duniyaa daŋo to.