Hoseya 2:16 - Mandinka Bible

¹⁶ Yaawe ko Banisirayila ye ko, “Wo luŋo la, i be n kili la ‘n keemaa’ le la, i te n kili la ‘n na Baali’ la kotenke.

Hoseya 2:16 Mawu Ofanana

1 Musa 34:3

A hakiloo bee tarata Dina kaŋ, Yaakuba dimmusoo. A ye sunkutoo ñiŋ kanu le, bituŋ a naata kuma diimaalu fo a ye.

Yesaya 40:2

Ali diyaamu kuu Yerusalaamunkoolu ye ka a fo ì ye ko, ì la dookuu koleŋo banta le. N yamfata ì la junube kuwo la le. Ì ye ì la junuboo jooroo soto a ñaama le famfaŋ, ka bo nte Yaawe* bulu.”

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Yeremiya 3:14

Yaawe ye ñiŋ ne fo ko, “Ali muru naŋ, alitolu diŋ muritiriŋolu, kaatu nte le mu ali Maarii ti. M be ali tomboŋ na le ka ali murundi naŋ ali janjanta daamennu to. M be kiliŋ bondi la naŋ saatee-wo-saatee le, ka fula bondi naŋ kaabiila-wo-kaabiila, ka ali naati Siyoni*.

Esekiyeli 20:35

Ŋa ali samba wo bantala bankoolu la keñewuloo kono, n niŋ ali ye duŋ kiitiyo kono jee, ñaa niŋ ñaa.

Hoseya 2:7

A si a tuluŋñoolu bayindi, bari a te ì soto noo la, a si ì ñini, bari a te ì je noo la. Bituŋ a si a fo ko, ‘M be taa le, ŋa muru n kee foloo kaŋ, n wo waatimaa le fisiyaata n saayimmaa ti.’

Yohana 3:29

Moo meŋ ye maañoo soto, wo le mu maañootiyo ti. Maañootiyo teerimaa ka loo le, a ye a lamoyi, aduŋ a ka jusulaa baake le, niŋ a ye maañootiyo kaŋo moyi. Ñiŋ ne mu nte la seewoo ti, meŋ timmata saayiŋ.

2 Korintinkoolu 11:2

M be kiiliyaariŋ ali la kuwo la le niŋ kiiliyaa la, Alla ye meŋ dundi n sondomoo kono, kaatu ŋa ali laahidi kee kiliŋ ne la, meŋ mu Kiristu* ti, fo n si ali naati a kaŋ ko sunkutoo meŋ maŋ kewo loŋ.

Lankenemoo 19:7

Ali ŋà seewoo, ŋà jusulaa, ali ŋà jayiroo niŋ tenturoo dii a la, kaatu Saajiiriŋo la maañoobitoo siita le, a la maañoo ye a faŋ parendi le.

Kiitindirilaalu 19:3

Bituŋ a keemaa naata wuli a nooma ka diyaamu a ye, fo a si muru naŋ suwo kono. A niŋ a la dookuulaa niŋ fali fula le taata ñoo la. Kabiriŋ a futata, a la musoo ye a dundi a faamaa yaa. Kabiriŋ a faamaa ye a je, a ye a benduŋ kontaanoo kono.

Ruti 2:13

A ko Bowasi ye ko, “M maarii, Allamaa i ye tenteŋ ka balafaa n ye. I ye n sabarindi, i diyaamuta n ye ñaameŋ, wo ye nte i la dookuulaa musoo niyo seewondi le, m maŋ tara i la dookuulaa musoolu la palaasoo to ñaa-wo-ñaa.”