Hoseya 2:14 - Mandinka Bible

¹⁴ “Bari m be a saba la naŋ ne, ŋa a samba keñewuloo kono, ŋa kuma diimaa fo a ye.

Hoseya 2:14 Mawu Ofanana

1 Musa 34:3

A hakiloo bee tarata Dina kaŋ, Yaakuba dimmusoo. A ye sunkutoo ñiŋ kanu le, bituŋ a naata kuma diimaalu fo a ye.

Yuuba 36:16

Ate le ye i bondi niitooroo kono, a ye i samba dulaa kekuuriŋo to, niifitii te daameŋ. Domori diimaalu tarata fatafatariŋ i la taabuloo kaŋ.

Suukuwo 1:4

N saba i nooma, ŋà m bambaŋ, n na mansa, n samba i yaa. M be seewoo la le, n jusoo ye laa i la kanoo to. M be i la kanoo le jayi la ka tambi wayinoo la. Fo musoolu si i kanu doroŋ.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Yesaya 5:5

Saayiŋ, m be a fo la ali ye le, m be meŋ ke la n na kankaŋo la. M be a la sansaŋo bondi la a bala le, a ye kasaara. M be a la bere sansaŋolu bondi la a bala le, ì ye doriŋ-doriŋ a kono.

Yeremiya 16:14

Yaawe ye ñiŋ ne fo ko, “Wo ñaa-wo-ñaa, luŋolu be naa le moo te i kali la ñiŋ na kotenke ko, ‘A be koyiriŋ ñaameŋ ko Yaawe be baluuriŋ ne, meŋ ye Banisirayilankoolu bondi naŋ Misira bankoo kaŋ.’

Yeremiya 2:2

n si taa Yerusalaamu, ŋa kankulaaroo ke, ì tuloolu ye a moyi ko: “Yaawe hakiloo muruta le, Banisirayila foroyaata ñaameŋ biriŋ a be dindiŋ, a maañoo kutamaa ye Yaawe kanu ñaameŋ. A bulata a nooma keñewuloo* kono le, wo banku senebaloo.

Yeremiya 45:4

“Bari nte Yaawe ye ñiŋ ne fo i ye ko: M faŋo ye meŋ loo, m be a boyindi la le, ŋa meŋ tutu, m be a suloo wutu la le, meŋ keta bankoo muumeelaa ti.

Esekiyeli 20:10

Bituŋ n naata ì bondi naŋ Misira bankoo kaŋ ka naa keñewuloo* kono.

Esekiyeli 20:33

Maarii Yaawe ye ñiŋ ne fo ko: “A be koyiriŋ ñaameŋ ko nte Yaawe be baluuriŋ ne, m be n na kamfaa baa jindi la ali kaŋ ne, ŋa ali mara m bulu sembemaa baa la ko mansakewo.

Hoseya 2:3

Niŋ wo nte, n si a wura, a kenseŋo ye loo, a kenseŋo si loo, ko a wuluuta ñaameŋ. N si a ke ko keñewuloo*, ŋa a ke ko banku jaaroo, ŋa a faa mindoo la.

Mika 1:7

A jalaŋ leseriŋolu bee be teyiŋ-teyiŋ na le, tumbuŋo doroŋ ne be tu la jee. Jalaŋ batudulaa naafuloo meŋ sotota cakayaa la, a bee be jani la dimbaa le la. Kaatu cakoolu la joo le mu, a be ke la cakoolu la joo ti banku koteŋ ne kaŋ.”

Mika 4:10

Dimmusuriŋ Siyoni, tu biiña la, tu ŋuntaŋ na, ko niŋ tiŋo be musoo la. Saayiŋ, i si finti ka bo i la saatewo kono, i ye taa, ka daakaa kene kenseŋo kono. I be taa le fo Babiloni. M be tankoo dii la i la jee le, nte Yaawe be i kiisa la i jawoolu ma jee le.”

Yohana 12:32

Aduŋ nte, niŋ n wulindita ka bo bankoo to, m be moolu bee le katandi la m faŋo la.”

Yohana 6:44

Moo te naa noo la nte kaŋ, fo niŋ m Faamaa meŋ ye n kii, ye wo maarii naati n kaŋ. Aduŋ m be wo maarii wulindi la le luŋ labaŋo la.

Lankenemoo 12:14

Bari dampaŋ fula le diita musoo ñiŋ na, mennu be ko seeliŋ baa dampaŋolu, fo a si tii noo ka bori wo saa la, ka taa keñewuloo kono. A la tankandiridulaa be jee le to, a be a la daañinoo soto la daameŋ fo sanji saba niŋ talaa.

Lankenemoo 12:6

Musoo ñiŋ borita ka taa keñewuloo* kono, Alla ye tankandiridulaa parendi a ye daameŋ. A naata a la daañinoo soto jee fo tili wuli kiliŋ keme fula aniŋ taŋ wooro.

Kiitindirilaalu 19:3

Bituŋ a keemaa naata wuli a nooma ka diyaamu a ye, fo a si muru naŋ suwo kono. A niŋ a la dookuulaa niŋ fali fula le taata ñoo la. Kabiriŋ a futata, a la musoo ye a dundi a faamaa yaa. Kabiriŋ a faamaa ye a je, a ye a benduŋ kontaanoo kono.