Hoseya 2:12 - Mandinka Bible

¹² M be a la wayini yiroolu tiñaa la le, aniŋ a la sooto suŋolu, a ka a fo mennu la ko, ‘Ñinnu mu n na joo le ti, n kanuntewolu ye meŋ dii n na.’ M be a ke la le, a la yiri kankaŋolu ye yelema sutoo ti, wulakono daafeŋolu ye ì daañini ì la.

Hoseya 2:12 Mawu Ofanana

Jabuuroolu 80:12

Wo to muŋ ne duŋ ye a tinna i ye a sansaŋo boyindi duuma, ka a tinna tambilaalu bee ka a diŋolu woronto?

Yesaya 29:17

Tooñaa, a te mee la faŋ, Libanooni sutoo si yelema ka ke doodulaa kendiŋo ti, doodulaa kendiŋo ye ke ko sutu yiriwaariŋo.

Yesaya 5:5

Saayiŋ, m be a fo la ali ye le, m be meŋ ke la n na kankaŋo la. M be a la sansaŋo bondi la a bala le, a ye kasaara. M be a la bere sansaŋolu bondi la a bala le, ì ye doriŋ-doriŋ a kono.

Yesaya 7:23

“Niŋ wo waatoo siita, wayini* yiri kankaŋ ñiimaalu mennu, meŋ-wo-meŋ ka wayini yiri wuli kiliŋ soto nuŋ, aduŋ a meŋ-wo-meŋ jarita kodiforo kuntu wuli kiliŋ na, a bee be ke la ŋaniŋ sutoo le ti.

Yeremiya 13:26

“Nte faŋo le be i la faanoolu wura la i la, ka i la maloo laa banta.

Yeremiya 26:18

“Mika Moresetinkoo ye kiilaariyaa kumoolu fo le, Yahuuda mansakewo Hesekiya la mansayaa waatoo la. A ye ñiŋ ne fo Yahuuda moolu bee ye ko, ‘Yaawe Alihawaa Maariyo* ye ñiŋ ne fo ko: Siyoni* be ke la senebankoo le ti, Yerusalaamu ye ke tumbuŋ tuŋo ti, aduŋ Alla Batudulaa Buŋo be looriŋ konkoo kaŋ daameŋ, jee be ke la sutoo le ti.’

Yeremiya 5:17

Ì be i baluu la ali la siimaŋ katiriŋolu niŋ ali la domoroo le la, ì ye i baluu ali dinkewolu niŋ ali dimmusoolu la. Ì be i baluu la ali la saajiyolu, baalu, aniŋ ninsoolu le la, ì ye i baluu ali la wayini* yiroolu niŋ ali la sooto suŋolu la. Ali be jikiriŋ ali la saatee tatariŋolu mennu la, ì be ì kasaara la niŋ hawusaroo le la.”

Yeremiya 8:13

Yaawe ko: “M be ì la fiifeŋolu taa la ì bulu le, sooto diŋ te soto la, sootoolu santo, sako wayini* yiridiŋ si soto wayini yiroolu santo, ì jamboolu bee ye jaa. Ŋa meŋ dii ì la, a be buusi la ì la le.”

Hoseya 13:8

N si ñapi ali kaŋ ko daafeŋ saŋarariŋo*, ì ye meŋ diŋolu suuñaa a koto. Ŋa ali sisoo fara, ŋa ali domo ko jatoo, ŋa ali faraŋ-faraŋ ko daafeŋ saŋaroo.

Hoseya 2:5

Kaatu ì baamaa ye cakayaa le ke, ate, meŋ ye ì konoo taa, a ye malubaliyaa le ke. A ka a fo le ko, ‘M be bula la n kanuntewolu nooma le. Itolu le ka domoroo niŋ jiyo dii n na, sitifeŋolu, olifu* tuloo aniŋ wayinoo*.’

Hoseya 5:14

M be ke la Efurayimu ye le ko jatoo, ŋa ke Yahuuda ye ko jata mereŋo. Nte faŋo le be ì faraŋ-faraŋ na, n si ì kuruntu, ŋa taa n na siloo la, moo te ì kanandi noo la.

Hoseya 9:1

Banisirayila, ali kana seewoo, ali kana juurali ke ko banku koteŋolu. Kaatu ali be cakayaa le la, ka ali koo dii Alla la. Ali ka tara lafiriŋ cakayaa joo le la siimaŋ toñonka dulaa bee to.

Mika 3:12

Ali la kuwo kamma la, Yerusalaamu be ke la tumbuŋo le ti, Siyoni ye ke senebankoo ti, aduŋ Alla Batudulaa Buŋo* be looriŋ konkoo kaŋ daameŋ, jee be ke la sutoo le ti.