Hoseya 2:10 - Mandinka Bible

¹⁰ Saayiŋ m be a la malu kuwo laa la kenoo le to, a tuluŋñoolu ñaatiliŋo la, moo-wo-moo le te a bondi noo la m bulu.

Hoseya 2:10 Mawu Ofanana

2 Taarika 24:7

Wo musu kuruŋ Ataliya noomalankoolu ye Alla Batudulaa Buŋo teyi le, aduŋ feŋolu mennu kerekereta Yaawe ye, ì ye ì bee le samba Baali* jalaŋolu ye.

Jabuuroolu 50:22

“Wo to, alitolu mennu ka ali ñaa kaasi Alla la, ali ali hakilitu ñiŋ to, niŋ wo nte n si ali faraŋ-faraŋ ko jatoo, aduŋ moo te ali tankandi noo la.

Kuma Kotoomaalu 11:21

I si ñiŋ loŋ ko, moo kuruŋo te kana la mantoora kuwo ma, bari meŋ tilinta, wo be kana la le.

Yesaya 3:17

Saayiŋ, Maariyo be maadiŋ kuuraŋo le ke la Siyoni musoolu kuŋolu bala, a be ì bala kenseŋo laa la banta.

Yeremiya 13:22

Aduŋ niŋ i ko i faŋ ye ko, “Muŋ ne ye ñiŋ laa n kaŋ?” a loŋ ko i la junuboolu la waroo le mu, wo le ye a tinna ì ye i la faanoo wura i la, ì ye i tiñaa.

Yeremiya 13:26

“Nte faŋo le be i la faanoolu wura la i la, ka i la maloo laa banta.

Esekiyeli 16:16

I ye i la duŋ feŋolu le faŋo taa ka wo jalaŋ batudulaa tintiŋolu* ñarandi ì la, i ka i la cakayaa kuwolu taamandi daamennu to. Ñiŋ kuu siifaa maŋ ñaŋ na ke la muumeeke.

Esekiyeli 16:19

Ŋa mbuuroo meŋ fanaa parendi i ye, meŋ keta siimaŋ betoo ti, tuloo niŋ liyo, i ka meŋ domo, i ye wo le ke ì ye sadaa ti, ka naa a ke ì ye seera diimaa ti. A bee keta wo le ñaama.” Maarii Yaawe ye wo le fo.

Esekiyeli 23:29

Ì buloo be sii la i la konnanteeyaa le kono, aduŋ ì be i la dookuu feŋolu bee le taa la i bulu, ì ye i bulu kenseŋo tu jee. I si a je i la malubaliyaa niŋ i la cakayaa si laa kenebaa to. I la malubaliyaa le ye a tinna,

Hoseya 10:1

Banisirayila be le nuŋ ko wayini* suŋ biireeriŋo, meŋ ka diŋ kendeke. Ì ka yiriwaa ñaameŋ, ì ka jalaŋ sadaabodulaalu* siyandi wo le ñaama. Ì la bankoo ka fanka ñaameŋ, ì ka jalaŋ bere samasiŋolu ñiiñandi wo le ñaama.

Hoseya 13:1

Niŋ Efurayimu* lasiloo diyaamuta, moolu ka jarajara silaŋo kamma le, ì ye ì kuliyaa Banisirayila lasiloolu kono le kendeke. Bari ì dunta Baali* jalambatoo to, bituŋ ì kasaarata.

Hoseya 2:3

Niŋ wo nte, n si a wura, a kenseŋo ye loo, a kenseŋo si loo, ko a wuluuta ñaameŋ. N si a ke ko keñewuloo*, ŋa a ke ko banku jaaroo, ŋa a faa mindoo la.

Hoseya 6:9

Ko suŋolu ka biti moolu kamma ñaameŋ, piriisoolu* ka kumbeŋ ñoo kaŋ wo le ñaama. Ì ka faaroo ke le hani Sekemu siloo kaŋ, ì la ñiŋ kuu kuruŋolu mu malu kuu baa le ti.

Mika 5:8

Moo toomaalu mennu tuta Yaakuba koomalankoolu kono, be tara la banku koteŋolu le kaŋ, ko jatoo ka tara wulakono daafeŋolu kono ñaameŋ, ko niŋ jatoo dunta saajii koorewo kono, ka ñapi ì kaŋ, ka ì suboo kuntuŋ-kuntuŋ. Tankandirilaa te soto la.

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.