Hoseya 13:16 - Mandinka Bible

¹⁶ Samariyankoolu be ì la junuboo dunoo taa la le, kaatu ì balanta ì la Alla ma le. Hawusaroo* le be ì faa la, ì ye ì diŋolu busa ka ì janjaŋ bankoo to. Ì la musukonomaalu, ì ye wolu konoolu fara.”

Hoseya 13:16 Mawu Ofanana

2 Mansoolu 15:16

Wo waatoo la, Menahemu ye Tifusa saatewo muumewo kasaara, aniŋ a dandaŋo bee, ka taa fo Tirisa saatewo to. Kaatu ì maŋ soŋ ka jee daa yele a ye. A ye jee teyi, aduŋ a ye a musu konomaalu bee le konoo fara.

2 Mansoolu 17:18

Wo ye a tinna Yaawe kamfaata baake Banisirayilankoolu kamma, bituŋ a ye ì bondi a ñaatiliŋo la. Yahuuda lasiloo doroŋ ne tuta jee.

2 Mansoolu 17:5

Asiriya mansa naata ka boyi Banisirayila bankoo bee kaŋ. A taata boyi Samariya saatewo kaŋ, aduŋ a ye jee suki fo sanji saba.

2 Mansoolu 17:6

A ye Samariya saatewo muta Hoseya la mansayaa sanji konontonjaŋo le kono. A ye Banisirayilankoolu muta, a ye ì samba Asiriya bankoo kaŋ. A ye ì sindi Hala saatewo to, Kosani tundoo kaŋ, Habori Boloŋo daala, aniŋ Mediyankoolu la saatewolu to.

2 Mansoolu 8:12

Hasayeli ko a ye ko, “M maarii, i ka muŋ ne kumboo?” Elisa ko a ye ko, “Ŋa a loŋ ne, i be naa kuu jawoo meŋ ke la Banisirayilankoolu la. I be dimbaa duŋ na ì la saatee tatariŋolu la le, ka ì la fondinkee kendoolu faa niŋ hawusaroo* la, ka ì la deenaani mereŋolu busa ka ì janjaŋ, aniŋ ka ì la musu konomaalu konoo fara.”

Yesaya 13:16

Ì be ì la dindiŋolu busa la ka ì janjaŋ ì faŋolu ñaa la le, ì ye ì la bunkono feŋolu fuufuu, ì ye ì la musoolu ñapinkaŋ.

Yesaya 17:3

Efurayimu* tatoolu be kasaara la le, mansayaa semboo ye buruka Damasiku. Too meŋ tuta Aramu bankoo kaŋ, be ke la le ko Banisirayila jikiraŋ semboo yeemanta ñaameŋ.” Yaawe Alihawaa Maariyo* le ye a fo.

Yesaya 8:4

Janniŋ a be a baa niŋ a faa too kumandi noo la, Asiriya mansa be Damasiku la naafuloo bee taa la le, a ye Samariya la feŋolu bee ñapinkaŋ ka ì samba.”

Hoseya 10:2

Ì sondomoolu be faariŋ neeneeroo le la, saayiŋ fo ì si a dunoo taa. Yaawe* be ì la sadaabodulaalu boyi la le, a ye ì la bere samasiŋolu tiñaa.

Hoseya 11:6

Hawusaroo* si ŋalasi ì la saatewolu to, a ye dundaŋ daa nee bantambiloolu tiñaa, moolu si faa ì la feere jawoolu kamma la.

Hoseya 7:14

Ì buka woosii nte ye ì sondomoo bee la, bari ì ka tara sikisiki kaŋ ì la laaraŋolu kaŋ. Niŋ ì be siimaŋo niŋ wayinoo daani kaŋ, ì ka ì balajaatoolu namaŋ-namaŋ ko jalambatulaalu. Ì balanta nte ma.

Amosi 1:13

Yaawe ye ñiŋ ne fo ko, “Ammoninkoolu ye landatambi junube kuwolu le ke. Ì ye keloo le ke, ì ye musu konomaalu konoolu fara Kileyadi tundoo kaŋ, danko doroŋ ka ì la bankoo lafaa. Wo kamma la n te ì jaraboo baayi la muk.

Amosi 3:9

Yaawe ko, “Kibaaroo ye futa mansabuŋolu to, mennu be Asidodi saatewo aniŋ Misira ko, ì ye beŋ ñoo kaŋ Samariya konkoolu kaŋ, ka naa Banisirayilankoolu la fitinantuŋyaa niŋ ì la tilimbaliyaa kuwo juubee.

Amosi 9:1

M Maarii Yaawe* ye n jerindi ñiŋ ne la: Ŋa m Maariyo je looriŋ sadaajanidulaa* daala. Bituŋ a kumata ko: “Ñiŋ batudulaa samasiŋolu santo ye taki, buŋo ñiŋ bee ye jiijaa ka bo santo fo duuma. A bee ye boyi naŋ moolu kaŋ. Niŋ mennu kanata, hawusaroo* le be wolu faa la. Hani moo kiliŋ te kana la ì kono, hani moo kiliŋ te bori la.

Mika 1:4

Konkoolu si yeluŋ a koto, ko niŋ i ye kaañoo laa dimbaa to, aniŋ ko jiyo ka bori jindaa la ñaameŋ, ka wulumbaŋolu fara.

Mika 6:16

Kaatu ali tarata Omuri la sila kuruŋolu le nooma, aduŋ ali ye Ahabu la dimbaayaa moolu jikoo le taa, ali bulata ì la yaamaroolu nooma. Wo kamma la, m be ali la saatewo ke la tumbuŋo le ti, a moolu ye ke jelefeŋo ti, aduŋ ali si muña tooñeeri kumoolu kaŋ, banku koteŋo moolu be mennu fo la ali ye.”

Nahumu 3:10

Hani wo bee, jawoolu ye a muta, a keta kelejoŋo ti. Hani dindiŋolu, ì ye ì lipaŋ-lipaŋ mbeedoolu kaŋ ne taariŋ fo ì ye ì faa. Alikuuroolu* le keta a la kee kummaayaariŋolu la kuwo to, ka ì talaa ñoo teema. A ñaatonkoolu tuta sitiriŋ neejoloolu la.