Hoseya 13:14 - Mandinka Bible

¹⁴ “Fo n ñanta ñiŋ moolu kumakaa la fureeduu semboo ma le baŋ? Fo n ñanta ì kiisa la saayaa ma le baŋ? Saayaa, muna i la alibalaa kuuraŋo lee? Fureeduu, i la kasaaroo lee? Balafaa, hani a domandiŋo te n ñaa to.

Hoseya 13:14 Mawu Ofanana

Yuuba 33:24

A si ke noo, wo malaayikoo ye balafaa soto a ye, a ye yamfoo daani a ye Alla bulu, ka kana kaburu dinkoo ma. A si a fo Alla ye ko, “A kanandiraŋ kumakaaraŋo fele.”

Yuuba 41:22

A semboo bee be a tonsuŋo le to, moo-wo-moo ñaa boyita a kaŋ, a kija le ka bo.

Jabuuroolu 16:10

I te n tu la saayaa kono. I te soŋ na, i la lannamoo ye taa kaburoo kono.

Jabuuroolu 30:3

Hee Yaawe, i ye n tanka kaburoo ma le. Domandiŋ n si taa dinkoo kono, bari i ye m murundi baluwo to le.

Jabuuroolu 49:15

Bari Alla be nte kiisa la le ka bo saayaa kono, a ye naa n taa. S

Jabuuroolu 49:16

Kana jaakali niŋ moo keta naafulutiyo ti, niŋ a la sotoo lafaakuuta.

Jabuuroolu 71:20

I ye bataa baa niŋ mantooroo laa n kaŋ ne, bari i be muru la le i ye m bambandi, ka m bondi saayaa daa to, i ye m murundi baluwo to kotenke.

Jabuuroolu 86:13

Kaatu i ye i la kanu bambaloo yitandi nte la baake le. I ye n niyo tankandi le, n sutiyaata saayaa la ñaa-wo-ñaa.

Yesaya 25:8

A be saayaa buruka la le fo abadaa, a ye ñaajiyo fita moolu bee ñaa to, a ye a la moolu la malu kuwo bondi ñiŋ duniyaa kono. Yaawe le ye a fo.

Yesaya 26:19

Hee Yaawe, i la furewolu ye wuli, n na moo faariŋolu ye wuli. Yaawe, i la komboo meŋ ka baluwo dii, a ye feenee bankoo kaŋ, ì ye furewolu baadee daameŋ. Alitolu mennu be laariŋ bankoo kono, ali wuli, ali ye suukuwo laa seewoo kono.

Yeremiya 15:6

Alitolu le ye i bo nte to, ali tuta ali koo dii la n na. Wo le ye a tinna m buloo laata ali kaŋ ka ali kasaara, kaatu m bataata sabari la le.

Yeremiya 20:16

Allamaa wo maarii ye ke ko Yaawe ye saatewolu mennu kasaara nuŋ, a maŋ balafaa ì ye. Allamaa a ye wuurikaŋo moyi soomandaa, aniŋ kele wuuroo, tilibuloo.

Yeremiya 31:35

Yaawe le ye tiloo bondi ka mala tilibuloo la, aniŋ karoo niŋ looloolu ka mala suutoo la. Ate le ka baa maamandi, a jiibaliŋolu ye kuma. A too mu Yaawe Alihawaa Maariyo le ti, aduŋ a ye ñiŋ ne fo ko:

Esekiyeli 37:9

Bituŋ a ko n ye ko, “Hadamadiŋo, kuma foñoo ye n too la, a fo foñoo ye nte Yaawe, i Maariyo ye ñiŋ ne fo ko: Foño, fee naŋ ka bo duniyaa tonkoŋ naanoo bee to, niyo ye duŋ ñiŋ furewolu la, ì ye mennu faa keloo to, fo ì si wuli ka baluu.”

Hoseya 6:2

Tili fula ñaato, a be m̀ murundi la ǹ ñaama le. Tili sabanjaŋo, a be ǹ wulindi la le, ŋà loo, fo ǹ si baluu a ñaatiliŋo la.

Hoseya 7:10

Banisirayila la faŋ waroo le keta a faŋo seedoo ti. A be bataa kono ñaa-wo-ñaa, a maŋ muru Yaawe kaŋ, a la Alla, sako ka a la maakoyiroo ñini.

Malaki 3:6

“Nte Yaawe, m maŋ faliŋ de, aduŋ ali fanaa maŋ i dahaa ali la Yaakuba koomalankayaa la.”

4 Musa 23:19

Alla maŋ ke hadamadiŋo ti, sako a si faniyaa fo. A maŋ ke hadamadiŋ ti, a buka a la miiroolu faliŋ. Fo Alla si kuma fo baŋ, a maŋ a ke? Fo a si laahidoo dii baŋ, a maŋ a timmandi?

Roomankoolu 11:15

Biriŋ Alla ye a la moolu bula fo waati, wo naata a niŋ duniyaa moolu diyandi. Wo to, niŋ a be a la moolu jiyaa la kotenke, muŋ ne be ke la? Furewolu si wulindi ka baluu!

Roomankoolu 11:29

Kaatu Alla buka nimisa a la tombondiroo la, sako a la soorifeŋolu.

2 Korintinkoolu 5:4

Baawo kabiriŋ m̀ be ñiŋ tiriliisoo kono, ǹ ka ŋuntaŋ ǹ na niitooroo kono le. M̀ maŋ lafi, ŋà ke bala kenseŋo ti, bari ǹ lafita ka feetoofata ǹ na Arijana taradulaa la. Bituŋ balajaatoo meŋ ka faa, baluwo si wo kunuŋ.

Filipinkoolu 3:21

M̀ balajaata lamfuriŋolu mennu ñanta faa la, ate le be ì ke la balajaatoolu ti, mennu be kallankeeyaa* la ko a faŋo baloo be ñaameŋ. A be wo ke la niŋ semboo le la, semboo meŋ ye a tinna, a ye alihawaa bee ke noo a la maraloo koto.

1 Tesalonikankoolu 4:14

Baawo ǹ laata le ko, Yeesu faata le, aduŋ a wulita le ka bo saayaa kono, wo to ǹ laata ñiŋ na le fanaa ko, moolu mennu faata lannoo kono, Alla be wolu wulindi la le Yeesu la naa waatoo la fo ì si baluu ñoo la.

Yankuba 1:17

Soorifeŋ-wo-soorifeŋ meŋ beteyaata aniŋ meŋ timmata, ì bota naŋ m̀ Faamaa le yaa, meŋ ye malafeŋolu daa. A buka faliŋ, aduŋ a maloo te ke noo la niiniyo ti.

Lankenemoo 20:13

Fankaasoo ye furewolu bondi naŋ, mennu be a kono, aduŋ saayaa niŋ a taradulaa ye furewolu bondi naŋ, mennu be ì kono. Bituŋ moolu bee kiitindita kuwolu la, ì ye mennu baara.

Lankenemoo 21:4

A be ì ñaajiyolu bee fita la ì ñaalu to le. Saayaa te soto la kotenke, woosiyo, kumboo waraŋ dimiŋo te soto la jee, kaatu kuu kotoolu tambita le.

Lankenemoo 6:8

Bituŋ ŋa suu mampatabaloo je. A borindilaa too mu Saayaa le ti, aduŋ Kaburoo bulata a nooma. Semboo diita itolu la le ka duniyaa talaadaa naaninjaŋo bee faa niŋ hawusaroo la, konko jawoo, alibalaa kuuraŋo, aniŋ daafeŋ saŋarariŋolu.

1 Samuweli 15:29

Alla meŋ mu Banisirayila la waroo niŋ horomoo ti buka faniyaa fo, waraŋ ka a hakiloo faliŋ, kaatu a maŋ ke hadamadiŋo ti. A ye meŋ londi, a buka wo baayi.”