Hoseya 12:9 - Mandinka Bible

⁹ “Nte le mu Yaawe ti, ali la Alla, meŋ ye ali bondi naŋ Misira. M be a ke la le, ali ye daakaa tiriliisoolu* koto kotenke, ko biriŋ ali be keñewuloo* kono.

Hoseya 12:9 Mawu Ofanana

1 Musa 25:27

Kabiriŋ ñiŋ kambaanendiŋolu menta, Esawu, ate naata ke deemalaa baa le ti. Ate lafita wulakono kuwo le la. Bari Yaakuba, ate keta moo tenkundiŋo le ti, a ka tara sabatiriŋ suwo le kono.

2 Samuweli 7:2

a ko Annabilayi Natani ye ko, “Nte fele, m be sabatiriŋ mansabuŋo kono, meŋ dadaata niŋ sedari* babaroo la, aduŋ Alla la Kambeŋ Kunewo* be looriŋ tiriliisoo* koto.”

Esira 3:4

Ì ye Jembereŋ Juuraloo* ke ko a yaamaroo be safeeriŋ ñaameŋ. Luŋ-wo-luŋ ì ka jani sadaalu hapoo le bondi, ko a yaamaroo diita ñaameŋ.

Jabuuroolu 49:7

Moo te moo doo kumakaa noo la, a te Alla joo noo la a niyo soŋo la,

Jabuuroolu 81:10

Nte le mu Yaawe* ti, ali la Alla, meŋ ye ali bondi Misira bankoo kaŋ. Ali ali daa yele ka n daani, aduŋ m be a fandi la le.

2 Musa 20:2

Nte le mu Yaawe* ali la Alla ti, meŋ ye ali bondi naŋ joŋyaa kono Misira.

Kuma Kotoomaalu 30:12

Doolu be jee, mennu ye a miira ko, ì maŋ sootaari soto, wo ye a tara, ì be nooriŋ ì la kuu jawoo kono.

Yeremiya 35:7

Ǹ kana buŋ loo fanaa, ǹ kana siimaŋ sene. Ǹ kana wayini* yiri kankaŋ tutu, sako ka a ke ǹ taa ti. Bari ǹ ñanta sabati la tiriliisoolu* le koto ǹ na baluwo bee kono, fo ǹ si mee baluuriŋ bankoo kaŋ m̀ be siiriŋ daameŋ to teŋ ko yaayilaalu.

Yeremiya 5:27

Kunu mutalaa la keesoo ka faa kunoolu la ñaameŋ, ì ye ì la buŋolu fandi nakaroo kaŋ wo le ñaama, wo le ye ì ke fankamaalu ti ka naafulutiiyaa.

Hoseya 11:1

Yaawe* ko: “Biriŋ Banisirayila la dindiŋyaa waatoo le mu, ŋa a kanu. Ka bo Misira, ŋa n dinkewo kili naŋ.

Hoseya 13:4

Yaawe* ko: “Nte le mu Yaawe ti, ali la Alla, nte le ye ali bondi naŋ Misira. Ali maŋ Alla koteŋ loŋ nte koolaa, nte koolaa tankandirilaa koteŋ te jee.

Hoseya 2:15

Wo koolaa, m be a la wayini yiri kankaŋolu murundi la a ma le, ŋa Akori Wulumbaŋo ke jikoo bundaa ti. Jee to, a be soŋ na m ma le, ko a la fondinkeeyaa waatoo la, ko waatoo meŋ, a bota naŋ Misira.”

3 Musa 19:36

Ali la peesarilaŋolu ñanta tiliŋ na le, ka taa ali la sumaŋ hapoolu niŋ sumandirilaŋolu. Nte le mu Yaawe ali la Alla ti, meŋ ye ali bondi naŋ Misira bankoo kaŋ.

3 Musa 26:13

Nte le mu Yaawe ali la Alla ti, meŋ ye ali bondi joŋyaa kono, Misirankoolu bulu, ŋa ali bondi naŋ ì la bankoo kaŋ. Ŋa ali la joŋyaa yookoo* kati le ka bo ali toŋo to, ŋa ali kuŋo wulindi, ka ali firiŋ.

Mika 6:4

Nte le ye ali bondi naŋ Misira, ka ali fintindi naŋ joŋyaa bankoo kaŋ. Ŋa Musa kii ka ali ñaatonkayaa, Haaruna aniŋ Miriyaamu.

Jakariya 11:5

Mennu ka ì saŋ ka ì kanateyi, feŋ buka ke ì la. Ì waafilaalu ka ñiŋ ne fo ko, ‘Tentoo be Yaawe ye, kaatu m̀ fankata le.’ Hani ì kantalaalu faŋo maŋ balafaa soto ì ye.”

4 Musa 15:41

Nte le mu Yaawe ti ali la Alla, meŋ ye ali bondi naŋ Misira ka ke ali la Alla ti. Nte le mu Yaawe ti, ali la Alla.”

Yohana 7:2

Wo waatoo la Yahuudoolu la juurali doo sutiyaata le, ì ka a fo meŋ ye Jembereŋ Juuraloo*.