Hoseya 12:7 - Mandinka Bible

⁷ Yaawe ko: “Ite Efurayimu, i be le ko juloo, meŋ na peesarilaŋo maŋ tiliŋ, a be hameriŋ ka moolu nakari.

Hoseya 12:7 Mawu Ofanana

1 Musa 49:18

Yaawe*, m Maarii, m be lamoyiri ke kaŋ i la tankoo le la.

Kuma Kotoomaalu 11:1

Tilimbaliyaa peesaroo mu Yaawe* tanoo le ti, bari sumandiroo meŋ tilinta, wo ka a seewoo le.

Kuma Kotoomaalu 16:11

Sumandiroo niŋ peesari tilindiŋo ka bo Yaawe le bulu, feŋ-wo-feŋ ka sumaŋ, a la dookuwo le mu.

Yesaya 3:5

Moolu be ñoo mantoora la le, moo si boyi a ñoŋ moo kaŋ, siiñoo, a siiñoo kaŋ. Fondinkewolu si i loo alifaalu fee, moo kenseŋolu si jutunnayaa tiliŋ buuñaa moolu la.

Yesaya 56:1

Yaawe* ye ñiŋ ne fo ko: “Ali si moolu bee la hakoo dii ì la, ali ye taama tiliŋo la, kaatu n na kiisoo sutiyaata naŋ ne, aduŋ a te mee la, m be n na tiliŋo lankenema la.

Esekiyeli 16:3

A fo ì ye, Maarii Yaawe ye ñiŋ ne fo Yerusalaamu ma ko: “I mumuñolu wuluuta Kanaani bankoo le kaŋ. I faamaa mu Amorinkoo le ti, i baamaa mu Hitinkoo ti.

Esekiyeli 28:5

Ka bo niŋ i la ñaameŋ baa la, julayaa to, i ye i la fankoo lafaa le ka wara. I naata ke kibiri moo niŋ faŋ wara moo ti, i la fankoo kaŋ.”

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Yoweli 2:12

Bari hani saayiŋ, Yaawe ko: “Ali muru n kaŋ ali sondomoo bee la, ali niŋ suŋo, kumboo niŋ woosiyo.”

Amosi 2:7

Ali ye i tuu fuwaaroolu kuŋolu kaŋ ko niŋ ali be i tuu kaŋ bankoo le kaŋ. Ali buka tooñaa sabatindi ali niŋ moo bataariŋolu teema. Faalu niŋ ì dinkewolu ka deŋ sunkutu kiliŋo la. Ì maŋ n too kuliyaa.

Amosi 3:9

Yaawe ko, “Kibaaroo ye futa mansabuŋolu to, mennu be Asidodi saatewo aniŋ Misira ko, ì ye beŋ ñoo kaŋ Samariya konkoolu kaŋ, ka naa Banisirayilankoolu la fitinantuŋyaa niŋ ì la tilimbaliyaa kuwo juubee.

Amosi 4:1

Ali ñiŋ kumakaŋo moyi alitolu Samariya musoolu, alitolu mennu be nunkuriŋ ko Basani tundoo ninsoolu, alitolu mennu ye fuwaaroolu toora, ali ye fentaŋolu batandi, alitolu mennu ka doloo kaniŋ ali keeñolu bulu.

Amosi 5:11

Ali ye fuwaaroolu toorandi, aniŋ ali ye siimaŋ kese naamoo laa ì kaŋ. Wo kamma la, ali ye buŋolu mennu loo bere leseriŋo la, ali te sabati la ì kono. Ali ye wayini* yiri diimaalu mennu tutu, ali te ì jiyo miŋ na.

Mika 2:1

Kooroo be boyi la moolu kaŋ ne, mennu ka tilimbaliyaa feeroo siti, aniŋ kuu kuruŋo, niŋ ì be laariŋ ì la laaraŋolu kaŋ. Niŋ fanoo keta, ì ye a taamandi ì la sembe sotoo kaŋ.

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Jakariya 14:21

Kaleera-wo-kaleera meŋ be Yerusalaamu aniŋ Yahuuda bankoo bee kaŋ, be kerekere la Yaawe ye le, Alihawaa Maariyo. I si a je, moolu mennu naata sadaaboo la, si ì taa noo ka ì la beeyaŋ sadaa* suboo tabi ì kono. Wo luŋo la, a te jari la waafirilaalu ye tara kotenke Yaawe Batudulaa Buŋo kono, Alihawaa Maariyo.

Jakariya 5:8

Bituŋ malaayikoo ñiŋ kumata ko, “Ñiŋ musoo mu kuruŋyaa taamanseeroo le ti.” A ye a ñori keraŋo kono duuma, a ye bitindaŋo laa a kaŋ.

Jakariya 7:9

Yaawe Alihawaa Maariyo ye ñiŋ ne fo ko: “Waati jaŋ koomanto, ŋa n na moolu yaamari ñiŋ ne la ko: ‘Ali kiitii tilindiŋo londi, ali ye timinandiyaa niŋ balafaa yitandi ñoo la.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Yohana 2:16

Bituŋ a ko wo moolu ye, mennu be puraalu waafi kaŋ, “Ali ñiŋ feŋolu bondi jaŋ, ali kana m Faamaa la buŋo ke marisewo ti.”

Yankuba 5:4

A juubee, lebereesoolu mennu ye katiroo ke ali la kunkoolu to, ali ye ì la jooroo meŋ nakari tapaleeyaa kono, wo kumboota baake le, aduŋ lebereesoolu la kumboo kaŋolu futata Alihawaa Maariyo* ma le.

1 Samuweli 12:3

M fele looriŋ! Niŋ a ye a tara, ŋa kuu jawu le ke, ali a fo Yaawe* niŋ a ye mansa meŋ tomboŋ ñaa la. Ŋa jumaa le la ninsoo taa waraŋ a la faloo? Ŋa jumaa le tapaleeyaa waraŋ ka a batandi? Kabiriŋ m be kiitindiroo la, ŋa dukoo muta jumaa le bulu? Ñiŋ kuwolu kono, niŋ ŋa meŋ-wo-meŋ ke, ali a koyindi m ma, m be a joo la le.”