Hoseya 11:9 - Mandinka Bible

⁹ N te n na jusukandoo jii la ali kaŋ, sako n si Efurayimu kasaara. Nte mu Alla Senuŋ Baa le ti, meŋ be ali fee, m maŋ ke hadamadiŋo ti. N niŋ jusukandoo te naa la ali kaŋ.

Hoseya 11:9 Mawu Ofanana

2 Samuweli 20:10

Amasa maŋ a miira ko, Yowabu ye hawusaroo muta a buloo kono. Wo ñaama le Yowabu ye a soo a konoo to, fo a nuwolu jurumita duuma. A maŋ Amasa soo kotenke, kaatu a faata wo loo le to. Bituŋ Yowabu niŋ a kotoo Abisayi tententa wo le ñaama, ka Seba Bikiri dinkewo bayindi.

Jabuuroolu 46:5

Alla be sabatiriŋ a kono le, feŋ te a tiñaa noo la. A be a tankandi la fanoo la ke tumoo la le.

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.

Jabuuroolu 85:4

Hee Alla, ǹ na Kiisandirilaa, m̀ murundi firiŋo kono kotenke, i ye hiina ǹ ye i la jusuboo la, i ye meŋ ke ǹ kamma.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Yesaya 31:1

Kooroo be boyi la moolu kaŋ ne, mennu ka taa maakoyiroo ñini Misira. Ì ka tara jikiriŋ wolu la suwoolu le la, aniŋ ka taamaayaa wolu la keleraŋ sareeti* jurumoolu la, aniŋ ì la suuborindilaa sembemaa baalu. Bari ì buka ì ñaa loo Banisirayila la Senuŋ Baa kaŋ, waraŋ ka maakoyiroo ñini Yaawe* bulu.

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Yesaya 41:16

Ali be ì fayi la foñoo kono le, ì ye janjaŋ, burufatoo ye ì tindi. Wo to ali be kontaani la le, kaatu nte le mu Yaawe ali la Alla ti, ali be nte Banisirayila la Senuŋ Baa jayi la le.

Yesaya 48:9

N too la kuwo kamma, ye a tinna le ŋa m faŋ muta, m maŋ n na kamfaa yitandi. N na horomoo kamma, m muñata ali ye le, m maŋ ali kasaara.

Yesaya 5:24

Wo to, ko dimbaa ka ñonkoliŋo mala tariyaake ñaameŋ, aniŋ ñaama jaaroo ka hilihili dimbaa kono ñaameŋ, ì suloolu be toli la wo le ñaama, ì firoolu ye tii ko kankaŋo, kaatu ì jututa Yaawe Alihawaa Maariyo la luwaa le la, ì balanta Banisirayila la Senuŋ Baa la kumoo la.

Yeremiya 26:3

Tumandoo ì be i lamoyi la le, fo moo-wo-moo si bo a la sila kuruŋo kaŋ. Niŋ wo keta n si n hakiloo faliŋ ka kasaaroo baayi n lafita meŋ ke la ì la, ñiŋ kamma ì ye kuu jawoolu mennu ke.

Yeremiya 30:11

M be ali fee le ka ali kiisa.” Yaawe le ye a fo. “M be wo bankoolu bee le buruka la, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ñaameŋ. N te ali bula la muk, m maŋ ali kuluu.”

Hoseya 12:1

Efurayimu* ka foño kenseŋo le nooma, a ka tilibo foñoo bayindi tiloo bee. A ka faniyaa niŋ fitinoo kafu-kafu laalaa. A niŋ Asiriya ka kambeŋo siti, a ka olifu* tuloo kii Misira.”

Hoseya 14:4

Yaawe ko: “M be ì la foroyaabaliyaa bondi la le, n na kanoo te dandulaa soto la ì ye, n na kamfaa bota ì kaŋ ne.

Malaki 3:6

“Nte Yaawe, m maŋ faliŋ de, aduŋ ali fanaa maŋ i dahaa ali la Yaakuba koomalankayaa la.”

4 Musa 23:19

Alla maŋ ke hadamadiŋo ti, sako a si faniyaa fo. A maŋ ke hadamadiŋ ti, a buka a la miiroolu faliŋ. Fo Alla si kuma fo baŋ, a maŋ a ke? Fo a si laahidoo dii baŋ, a maŋ a timmandi?

5 Musa 13:17

Ali kana feŋ kiliŋ taa meŋ ñanta kasaara la, ka a maabo ali faŋolu ye. Niŋ ali ye ì kasaara, Yaawe jusoo si sumayaa noo le, a ye balafaa yitandi ali la, aniŋ hiinoo, a ye ali yaatewo siyandi, ko a kalita ali mumuñolu ye ñaameŋ.

1 Samuweli 26:8

Abisayi ko Dawuda ye ko, “Bii Alla ye i jawoo duŋ i buloo kono le. Saayiŋ i batu, ŋa a soo sooroo la siiñaa kiliŋ, a ye duŋ bankoo kono. N te a soo la ko siiñaa fula.”