Hoseya 11:5 - Mandinka Bible

⁵ “Ì be muru la Misira le, Asiriya si ì mara, kaatu ì balanta le ka muru naŋ n kaŋ.

Hoseya 11:5 Mawu Ofanana

2 Mansoolu 15:19

Asiriya mansa Tikilati-Pilesa dunta Banisirayila bankoo kaŋ. Bituŋ Menahemu ye kodiforoo kilo wuli taŋ saba niŋ naani dii a la, ñiŋ kamma la a si a maakoyi ka a la mansayaa bambandi bankoo kaŋ.

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

Hoseya 10:6

Ñiŋ jalaŋo be taa Asiriya le, a be dii la mansakee baa ye naamoo le ti. Efurayimu* be bula la malu kuwo le kono, Banisirayila la feeroo ye a duŋ dooyaa kono.

Hoseya 5:13

“Kabiriŋ Efurayimu ye a je, a saasaata ñaameŋ, Yahuuda ye a je, maadiŋo meŋ be a la, Efurayimu taata Asiriya, a ye kiilaa kii mansakee baa kaŋ. Bari wo maŋ a la maadiŋo jaara noo, sako ka a kendeyandi.

Hoseya 6:1

Moolu ko, “Ali naa, ŋà muru Yaawe* kaŋ, ate le ye ǹ dimindi, a be ǹ jaara la le. Ate le ye m̀ barama, a be ǹ kendeyandi la le.

Hoseya 7:16

Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Hoseya 9:3

Efurayimu* moolu te tu la Yaawe* la bankoo kaŋ, ali be muru la Misira le. Asiriya bankoo kaŋ, ali be feŋolu domo la le, mennu konta.

Hoseya 9:6

Hani niŋ ali kanata kasaaroo ma, Misira si ali kumbeŋ ñoo kaŋ, ali ye baadee Memfisi saatewo to. Ñaamoo le be ali la kodiforoo kunuŋ na, ŋaniŋolu ye ali la tiriliisoolu* taa.

Amosi 4:11

“Ŋa kasaaroo tiliŋ ali la, ko ŋa Sodomu niŋ Komora kasaara ñaameŋ. Moolu mennu kanata ali kono, ì la kuwo keta le komeŋ niŋ i ye taalamaa kuntoo wafu naŋ dimbaa kono. Bari hani wo bee, ali maŋ soŋ muru la n kaŋ.” Yaawe le ye a fo.

Amosi 4:6

Yaawe ye ñiŋ ne fo ko, “Nte le ye konkoo duŋ ali la saatee baalu niŋ saateeriŋolu kono, fo ali kana feŋ soto ali be meŋ domo la. Bari hani wo bee, ali maŋ soŋ muru la n kaŋ.

Amosi 5:27

niŋ ŋa ali bayi ka tara mutoo kono, ali be taa la fo ka tambi Damasiku la.” Yaawe le ye a fo, meŋ too mu Alla, Alihawaa Maariyo ti.

5 Musa 17:16

A maŋ ñaŋ na ke la mansa ti meŋ be keleraŋ suwoolu kafu la ñoo ma. Aduŋ a maŋ ñaŋ na ka moo kii Misira bankoo kaŋ ka suwoolu saŋ naŋ jee, kaatu Yaawe ye ñiŋ ne fo ko, a la moolu nene te muru la wo bankoo kaŋ.