Hoseya 11:11 - Mandinka Bible

¹¹ Ì kijafaratoo si naa ko kunoolu, ka bo naŋ Misira, ko puraalu, ka bo Asiriya. M be ì murundi la ì yaalu to le.” Yaawe le ye a fo.

Hoseya 11:11 Mawu Ofanana

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Yesaya 60:8

“Jumaa le mu ñinnu ti, ka tii naŋ ko minaayoo, ko puraalu ka muru ì la ñaŋolu kono?

Yeremiya 31:12

Ì be naa le ì seewootoo niŋ suukuwo ye wuuri Siyoni Konkoo kaŋ, aduŋ nte Yaawe ye beteyaa meŋ yitandi ì la, wo be ì faramansandi la le, i la fiifeŋolu la karoo la, siimaŋo, wayini* yiridiŋ jiyo, aniŋ olifu* tuloo, ka taa saajiyolu niŋ ninsoolu la jiidoo. Ì la baluwo be ke la le ko naakoo meŋ jiibonta kendeke, aduŋ ì niyo te toora la kotenke.

Esekiyeli 34:27

Yiroolu mennu be wuloo kono be diŋ betoolu diŋ na le. Bankoo be neemafeŋolu fintindi la ka siyaa, aduŋ n na moolu be tanka la ì la bankoo kaŋ ne. Ŋa yookoo* kati meŋ be laariŋ ì toŋolu kaŋ, aniŋ ŋa ì kanandi wo moolu bulu mennu ye ì joŋyandi. Wo to le ì be a loŋ na ko, nte le mu Yaawe ti, ì Maariyo.

Esekiyeli 34:28

Ì te ke la ñapinkaŋ feŋolu ti bantala bankoolu ye kotenke. Wulakono daafeŋ jawoolu te ñapi la ì kaŋ kotenke, ka ì domo. Ì be tara la kayiroo le kono jee, aduŋ moo te ì silandi noo la kotenke.

Esekiyeli 37:21

i ye a fo ì ye, nte Yaawe, ì Maariyo ye ñiŋ ne fo ko: M be Banisirayilankoolu fintindi la wo bantala bankoolu* kaŋ ne ì taata daameŋ. M be ì kafu la ñoo ma le ka bo naŋ dulaalu bee to, ŋa naa ì seyindi naŋ ì fansuŋ bankoo kaŋ.

Esekiyeli 37:25

Ì be sabati la bankoo le kaŋ, ŋa meŋ dii Yaakuba la, n na dookuulaa, ì mumuñolu be sabatiriŋ nuŋ daameŋ. Itolu niŋ ì diŋolu, aniŋ ì diŋolu diŋolu be sabati la jee le fo abadaa, aduŋ Dawuda n na dookuulaa le be ke la ì la mansa ti.

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Hoseya 7:11

“Efurayimu be le ko puraa, a neenewo feeyaata, hakili te a la, a be Misira le kili kaŋ deemaaroo la, saayiŋ a fele, a yelemata Asiriya.

Obadiya 1:17

“Bari Siyoni* Konkoo kaŋ, moolu be tara la jee le mennu kanata, aduŋ ñiŋ konkoo be ke la dulaa senuŋo le ti. Yaakuba koomalankoolu be ì fansuŋ bankoo soto la le kotenke.

Jakariya 10:10

M be ì murundi la naŋ suu le ka bo Misira, ŋa ì kafu ñoo ma ka bo naŋ Asiriya. M be ì sindi la hani Kileyadi tundoo niŋ Libanooni bankoo kaŋ ne, jee faŋo be dooyaa la ì ye le.

Jakariya 8:7

Yaawe Alihawaa Maariyo ye ñiŋ ne fo ko: M be n na moolu kiisa la naŋ ne ka bo bankoo kaŋ, meŋ be tilibo karoo la, aniŋ bankoo meŋ be tilijii karoo la.

Jakariya 8:8

M be ì murundi la naŋ ne, ì ye sabati Yerusalaamu. Ì si ke n na moolu ti, ŋa ke ì la Alla ti foroyaa kono, aniŋ tiliŋo.