Hoseya 10:1 - Mandinka Bible

¹ Banisirayila be le nuŋ ko wayini* suŋ biireeriŋo, meŋ ka diŋ kendeke. Ì ka yiriwaa ñaameŋ, ì ka jalaŋ sadaabodulaalu* siyandi wo le ñaama. Ì la bankoo ka fanka ñaameŋ, ì ka jalaŋ bere samasiŋolu ñiiñandi wo le ñaama.

Hoseya 10:1 Mawu Ofanana

1 Mansoolu 14:23

Itolu fanaa ye jalaŋ batudulaalu loo ì faŋolu ye, jalaŋ bere looriŋolu aniŋ Asera jalaŋ doko looriŋolu, konkoolu bee kaŋ aniŋ yirisuŋ biireeriŋolu bee koto.

Yeremiya 11:13

Ì la jalaŋolu be siyaariŋ ne ko ì la saatewolu. Wo Baali* jalaŋo meŋ na kuwo mu malu baa ti, ì ye cuuraayi siisindidulaalu mennu loo a ye, ì siyaata le ko Yerusalaamu mbeedoolu.”

Yeremiya 11:17

Yaawe Alihawaa Maariyo*, meŋ ye ite Banisirayila niŋ Yahuuda tutu, a ye kasaaroo le fo ali kunna, kaatu ali ka kuu jawoolu le ke. Ali ka a kamfandi le ka bo niŋ ali ka cuuraayoo meŋ siisindi Baali jalaŋo ye.

Yeremiya 2:28

Yahuuda, i la alloolu lee, i ye mennu dadaa i faŋo ye? Batu, wolu ye naa, niŋ ì si i kiisa noo mantooroo kono, bayiri ite Yahuuda bankoo la alloolu siyaata le, ì niŋ i la saatewolu yaatewo le kaañanta.

Hoseya 12:11

Kileyadinkoolu ka jalaŋolu le batu, moo nafantaŋolu le mu ì ti. Kilikalinkoolu ka ninsituuraalu bo sadaa ti. Ì la sadaabodulaalu* si ke ko bere tuŋolu balaŋ kuŋolu to.”

Hoseya 12:8

Ali ka ñiŋ ne fo ko, ‘Ŋà naafulu jamaa le soto, m̀ fankata le kendeke. Ǹ na ñiŋ naafuloo bee tilimbaliyaa te je noo la ǹ na karoo la, waraŋ junuboo.’

Hoseya 13:15

Hani niŋ Efurayimu yiriwaata ko seyiŋo, tiliboo foñoo si naa, Yaawe si a bula naŋ ka bo keñewuloo kono. A la koloŋo si jaa, a la jii woyoolu ye loo. A la naafulu maabodulaa, ì be ñapi la a feŋ kummaa baalu bee le kaŋ.

Hoseya 13:2

Ì tententa junuboo la wo le ñaama hani saayiŋ. Ì ka jalaŋolu tunkaŋ ì faŋolu ye, kodiforo jalaŋolu, ì la ñaameŋo bee la. Bulukalaŋ dookuulaalu le ye ì bee dadaa. Ì ka a fo ko, “Ali sadaa* bo ñinnu ye.” Moolu ka ninsiriŋ jalaŋolu sumbu.

Hoseya 13:6

Ŋa ali daañini fo ali konoo faata. Ali konoo faata doroŋ, ali ye ali faŋ wara, bituŋ ali ñinata n na.

Hoseya 2:10

Saayiŋ m be a la malu kuwo laa la kenoo le to, a tuluŋñoolu ñaatiliŋo la, moo-wo-moo le te a bondi noo la m bulu.

Hoseya 2:8

A maŋ a loŋ ko, nte le ka siimaŋ kesoo dii a la, wayinoo niŋ olifu tuloo. A maŋ a kalamuta ko, nte le ye a la sanoo niŋ kodiforoo siyandi, a ka Baali* jalaŋo buuñaa meŋ na.

Hoseya 3:4

Banisirayilankoolu la kuwo be wo le ñaama: Ì te mansa soto la fo waati jaŋ, ì te maralilaa soto la, waraŋ bere samasiŋ, efodi* waraŋ bunkono jalaŋ, aduŋ ì te beeyaŋ sadaa bo la.

Hoseya 4:7

Ali ka siyaa ñaameŋ, ali ka junuboo ke wo le ñaama, ali ka ali la horomoo faliŋ maloo le la.

Hoseya 8:11

“Tooñaa, Efurayimu ye sadaabodulaa* jamaa le loo, ka sadaalu bo ì kaŋ junube kafaroo kamma, bari wo dulaalu naata ke junube baara dulaalu le ti.

Hoseya 8:4

“Ì ye mansoolu londi ì faŋ ye, ì maŋ feŋ fo n ye. Ì ye maralilaalu tomboŋ, ì maŋ n kalamutandi a la. Ì ka ì la sanoo niŋ kodiforoo taa, ka jalaŋolu dadaa ì la, ì la kasaaroo kaŋ.

3 Musa 26:1

Yaawe* ko: Ali kana jalaŋolu dadaa ka ì londi ali faŋolu ye, waraŋ muluntañoo feŋolu, waraŋ bere samasiŋolu, waraŋ bere leseriŋolu ali la bankoo kaŋ, ka sujudi ì ye. Nte le mu Yaawe ali la Alla ti.

Nahumu 2:2

Ali ye Banisirayila kasaara le, Yaakuba koomalankoolu la bankoo, ali ye ì la wayini* yiroolu kasaara, bari Yaawe* ka naa a la semboo niŋ a la horomoo murundi a kaŋ ne.

2 Korintinkoolu 5:16

Wo to ka bo saayiŋ na, m̀ buka moolu juubee ko hadamadiŋolu ka a ke ñaameŋ. Hani wo, ŋà Kiristu juubee le nuŋ ko hadamadiŋolu ka a juubee ñaameŋ, bari saayiŋ, m̀ buka ate juubee kotenke wo ñaama.

Filipinkoolu 2:21

Wo doolu bee ka ì fansuŋ nafaa le ñini, ì buka Yeesu Kiristu la nafaa ñini.