Hiburunkoolu 9:7 - Mandinka Bible

⁷ Bari wo fannaa doo to, meŋ be konoto, piriisi kuntii baa doroŋ ne ka taa jee, siiñaa kiliŋ doroŋ saŋo kono. Aduŋ a te duŋ na jee, niŋ a maŋ yeloo samba ñoo la, a ka meŋ bo sadaa* ti a faŋo ye, aniŋ moolu la junuboolu ye, ì ye mennu ke lombaliyaa kono.

Hiburunkoolu 9:7 Mawu Ofanana

2 Samuweli 6:7

Yaawe kamfaabaata Usa kamma, kaatu a ye kuwo le ke meŋ maŋ ñaŋ, ka a buloo laa Alla la Kambeŋ Kunewo kaŋ. Wo kamma la Alla ye a faa a la Kambeŋ Kunewo daala.

2 Taarika 33:9

Manase ye Yerusalaamunkoolu niŋ Yahuuda moo toomaalu filindi, fo ì ye junube jawu baalu ke ka tambi banku koteŋ moolu la, Yaawe ye mennu kasaara Banisirayilankoolu ye.

Jabuuroolu 19:12

Jumaa le ka a faŋo la boyidaalu je noo? Yaawe, yamfa n na sootaaroolu ma, m maŋ mennu kalamuta.

Jabuuroolu 95:10

N tarata ñewundiŋ ì la le fo sanji taŋ naani, aduŋ n kumata ko, ‘Ñiŋ moolu sondomoo le ye ì filindi, ì jututa n na kuwolu la.’

2 Musa 30:10

Saŋ-wo-saŋ Haaruna ñanta cuuraayi siisindidulaa seneyandi la le siiñaa kiliŋ. A si beeyaŋo yeloo taa, ì ye meŋ bondi ka ke junube kafarilaŋ sadaa ti, ka a ke a bina muluŋ naanoo bala. A si ke dulaa seneyaariŋ baa ti nte Yaawe ye. Ñiŋ si tu ke la jamaanoolu fanaa la mennu be naa.

Yesaya 28:7

Doloo ka ñinnu le siirisaarandi, ka ì timili-tamalindi, niŋ ì ye wayinoo* miŋ: A ka piriisoolu* niŋ annabiyomoolu le siirisaarandi. Wayinoo ka ì bondi ì noo to le, a ka ì timili-tamalindi. Ì la jeroo ka fili ì ma le, aduŋ niŋ ì be kiitiyo kuntu la, ì ka boyi le, ì buka a kuntu kuu.

Yesaya 29:14

Wo to saayiŋ, m be jaakaloo laa la ñiŋ moolu kaŋ ne kotenke, dewuŋ ye laa dewuŋ kaŋ. Moo ñaamendiŋolu la ñaameŋo si yeemaŋ, hakilidiyaa ye maabo hakilimaalu ma.”

Yesaya 3:12

Hee, n na moolu, dindiŋolu ye ali mantoora le, musoolu keta ali la maralilaalu ti. Ali la ñaatonkoolu le ye ali filindi, ì ye ali koo dindi siloo la.”

Yesaya 9:16

Mennu ye ñiŋ moolu ñaatonkayaa, ye ì filindi le, aduŋ ì ka mennu ñaatonkayaa, caawuta le.

Hoseya 4:12

N na moolu ka yaamaroo ñini jalaŋ yiroo le bulu, ì la taamaraŋ dokoo le mu ì la juubeerilaŋo ti, cakayaa maañaa le ye ì filindi. Ì ye ì koo dii ì la Alla la, ì bulata jalaŋolu nooma, wo mu cakayaa le ti.

3 Musa 16:34

Ñiŋ mu ali ye kaŋ looriŋo le ti fo fawu ko, junube kafaroo si kali ke Banisirayilankoolu ye, saŋ-wo-saŋ siiñaa kiliŋ, ka ì seneyandi ì la junuboolu kono. Haaruna ye a ke le, ko Yaawe ye Musa yaamari a la ñaameŋ.

3 Musa 5:18

a si saakotoŋo samba naŋ piriisoo ye jooseyiraŋ sadaa ti, meŋ maŋ sootaari soto, a daa ye ke nankamoo ti, meŋ ye jooseyiraŋ beeyaŋo daa sii. Piriisoo si a la junuboo la kafaroo saabu noo teŋ ne, a maŋ tawu meŋ na, aduŋ a si yamfoo soto.

Amosi 2:14

Hani borinoolaa baa, a te kana noo la. Sembetiyo be ke la sembentaŋo le ti, aduŋ kelejawara fanaa te a faŋ niyo tanka noo la.

4 Musa 15:25

Piriisoo* le ñanta junube kafaroo sii la Banisirayila jamaa bee ma, aduŋ ì be yamfoo soto la le. A keta lañinoo le kono, aduŋ ì ye sadaa bo n ye le meŋ keta niŋ dimbaa la, aniŋ junube kafarilaŋ sadaa, ì la junube kuu kewo kamma la.

Efesusinkoolu 4:18

Ì sondomeñaalu be dibiriŋ ne, ì la lombaliyaa kamma la ì fatata baluwo la Alla ye meŋ dii, kaatu ì sondomoo jaata le.

Hiburunkoolu 10:3

Bari wo sadaalu mu saŋ-wo-saŋ hakili bulandiraŋo le ti junuboo la kuwo to,

Hiburunkoolu 6:19

Ŋà ñiŋ jikoo soto bambandinke ǹ niyolu ye le ko lankaroo, meŋ dunta ridoo kooma, Dulaa Senuŋ Baa* to.

Hiburunkoolu 7:27

A maŋ ke ko piriisi kuntii baa doolu, mennu suulata ka beeyaŋ sadaalu* bondi luŋ-wo-luŋ, ì faŋolu foloo la junuboolu ye, wo koolaa moo doolu. Bari ate ye sadaa bo siiñaa kiliŋ moolu bee ye, biriŋ a ye a faŋo dii sadaa ti.

Hiburunkoolu 9:3

Fannaa fulanjaŋo konoto, meŋ be ridoo kooma, wo ka kumandi Dulaa Senuŋ Baa* le la.