Hiburunkoolu 3:12 - Mandinka Bible

¹² Baadiŋolu, ali ali hakiloo tu fo moo-wo-moo kana tara ali kono, meŋ ye jawuyaa niŋ lannabaliyaa soto a sondomoo kono, kaatu wo le ka a tinna, moo ka a koo dii Alla baluuriŋo la.

Hiburunkoolu 3:12 Mawu Ofanana

1 Musa 8:21

Kabiriŋ Yaawe ye ñiŋ seera diimaalu seeroo taa, a ko a faŋ ye ko, “N te bankoo danka la kotenke hadamadiŋolu la kuwo kamma. Miiroo meŋ ka tara hadamadiŋo sondomoo kono, ka bo a la dindiŋyaa waatoo la, ka ke miira jawoo le ti. Aduŋ n te niilamaa feŋolu bee fanaa kasaara la kotenke ko ŋa meŋ ke teŋ.

Yuuba 21:14

Hani wo bee, ì ka a fo Alla ye le ko, “M̀ bula m̀ faŋ ma! Ntolu maŋ tara lafiriŋ ka i la siloolu loŋ.

Yuuba 22:17

Ì ka a fo Alla ye ko, “Ntolu bula m̀ faŋ bulu! Alla Tallaa si muŋ ne ke noo ntolu la?”

Jabuuroolu 18:21

Kaatu ŋa ite Yaawe la siloolu nooma le, m maŋ kuu kuruŋo ke, ka n koo dii n na Alla la.

Kuma Kotoomaalu 1:32

Ka siloo bula, wo le ka moo sooneeyaariŋ baa faa. Toolewolu ka laa meŋ ke ì faŋo daajikoolu la, wo le ka ì kasaara.

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.

Yeremiya 11:8

Bari ì maŋ soŋ na i lamoyi la n na, ka n na kumoo muta. Ì ye meŋ ke wo le mu, moo-wo-moo ka bula a la sondome jaa niŋ a la kuruŋyaa le nooma. Wo kamma la ŋa dankoolu bee naati ì kaŋ mennu be n na kambeŋo kunnatoo la, ŋa ì yaamari ka kambeŋo meŋ muta, bari ì maŋ a ke.”

Yeremiya 16:12

Itolu fanaa naata meŋ ke, wo le jawuyaata ì la alifaa foloolu taa ti. A juubee baŋ, ì kiliŋ-kiliŋ naa ka bula ì la sondome jaa niŋ ì la kuruŋyaa le nooma, ì maŋ soŋ i lamoyi la nte ma.

Yeremiya 17:5

Yaawe ye ñiŋ ne fo ko: “Dankoo be moo le ye meŋ ka a jikoo loo hadamadiŋo kaŋ, ka taamaayaa balajaata kenseŋo la, ka jenke nte Yaawe la karoo la.

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?

Yeremiya 18:12

“Bari ì ka a fo le ko, ‘Tuus! M̀ be bula la m̀ fansuŋ feeroolu le nooma. M̀ moo-wo-moo kanjaaramaa ye taama ǹ sondomoo la kuruŋyaa la.’ ”

Yeremiya 2:13

“N na moolu ye junube kuu jawu fula le ke, ì ye m bula le, nte meŋ mu baluwo jiyo diilaa ti, ì ye koloŋolu siŋ ì faŋ ye, koloŋ tiñaariŋolu mennu te jii bondi noo la kotenke.”

Yeremiya 3:17

Wo waatoo la, ì be kali Yerusalaamu kumandi la Yaawe la Mansasiiraŋo le la. Duniyaa banku moolu bee be beŋ na jee le ka m batu n too la, aduŋ ì te bula la ì la sondome jaa niŋ kuruŋyaa nooma kotenke.

Yeremiya 7:24

Bari itolu maŋ i lamoyi wo la, sako ka a ke, ì ye kuwolu le ke ì jusu jaaroolu niŋ ì sondome kuruŋolu ye ì samba mennu kaŋ. Ì ye ì koo dii n na le, ì ye ì ñaa bali tiliŋ na n na.

Esekiyeli 14:5

M be ñiŋ ke la le, fo Banisirayilankoolu sondomoo si muru naŋ n kaŋ, mennu ye ì koo dii n na ka jalaŋolu batu.

Hoseya 1:2

Yaawe la diyaamu foloo Hoseya ye, a ko a ye le ko, “Taa i ye cakamusoo futuu, ali ye cakadiŋolu wuluu, kaatu ñiŋ banku moolu ka cakayaa maañaa le ke, bayiri ì ye ì koo dii nte Yaawe la le.”

Matiyu 16:16

Bituŋ Simoni Pita ye a jaabi, “Ite le mu Alimasiihu* ti, Alla baluuriŋo Dinkewo.”

Matiyu 24:4

Bituŋ Yeesu ye ì jaabi ko, “Ali ali hakiloo tu fo moo kana ali filindi.

Maaka 13:23

Bari ali ali hakiloo tu, ŋa kuwolu bee fo ali ye le, janniŋ ì waatoo be sii la.

Maaka 13:33

Ali ali hakiloo tu, ali ye koroosiroo ke, kaatu ali maŋ a loŋ, wo waatoo be sii la tumoo meŋ na.

Maaka 13:9

“Bari ali si ali hakiloolu tu ali faŋolu to, kaatu ì be ali samba la kansulumoolu ñaatiliŋo la le. Ì be ali buutee la ì la diina bendulaalu* kono le. Ali be loo la maralilaalu niŋ mansoolu ñaatiliŋo la le n na kuwo kamma. Wo to ali be ke la n na seedoolu le ti ì ye.

Luka 21:8

Bituŋ Yeesu ko ì ye ko: “Ali ali hakiloo tu, fo moo kana ali filindi. Kaatu moo jamaa le be naa n too la, ì be a fo la ko, itolu le mu Alimasiihu* ti, aduŋ waatoo siita le. Ali kana bula ì nooma.

Roomankoolu 11:21

Kaatu niŋ Alla maŋ wo olifu yiroo buloolu kaari daameŋ, a te ite fanaa tu la jee.

1 Korintinkoolu 10:12

Wo kamma la, moo meŋ ye a miira ko, ate be looriŋ bambandinke le, wo maarii si a hakiloo tu, a kana boyi.

Kolosankoolu 2:8

Ali ali hakiloo tu fo moo-wo-moo kana ali joŋyandi yinkaroo niŋ neeneeri kuma kenseŋolu la, mennu ka tara dendiŋ hadamadiŋolu la aada kuwolu la, aduŋ ì maŋ soto ka bo niŋ Kiristu la, bari ñiŋ duniyaa semboolu.

1 Tesalonikankoolu 1:9

kaatu ì faŋolu le ye kuwolu fo, ali ye m̀ buuñaa ñaameŋ biriŋ ǹ naata ali yaa. Ì ye a fo le, ali ye ali koo dii jalaŋolu la ñaameŋ ka naa Alla kaŋ, ka a batu, meŋ mu Alla baluuriŋo niŋ Alla tooñaa ti.

Hiburunkoolu 10:31

Ka duŋ Alla baluuriŋo buloo kono, wo mu silaŋ kuu baa le ti.

Hiburunkoolu 10:38

N na moo tilindiŋo be baluu la le, ka bo niŋ lannoo la. Bari niŋ silaŋo ye a badalindi, n niyo te seewoo la a la kuwo la.”

Hiburunkoolu 12:15

Ali ali hakiloo tu, fo moo kana foo Alla la hiinoo la ali kono, i si a je moo te duŋ na ali kono ko yirisulu kunaŋo meŋ si bataa baa saabu aniŋ ka jamaa nondi.

Hiburunkoolu 12:22

Bari alitolu naata Siyoni* Konkoo le kaŋ, Alla baluuriŋo la saatewo to. Wo saatewo mu wo Yerusalaamu le ti, meŋ be Arijana kono, malaayika kontibaloolu be bendiŋ juuraloo la daameŋ.

Hiburunkoolu 12:25

Ali ali hakiloo tu, fo ali kana balaŋ wo maarii ma, meŋ be diyaamu kaŋ ali ye. Moolu mennu balanta Musa ma, meŋ ka ì dandalaa duniyaa kono jaŋ nuŋ, wolu maŋ kanadaa soto. Ntolu be kanadaa soto la ñaadii le, niŋ ŋà ǹ ñaa kaasi ate la, meŋ be ǹ dandalaa kaŋ ka bo Arijana kono?

Hiburunkoolu 3:1

Wo to baadiŋolu*, Alla ye mennu seneyandi, aniŋ ali ye ali niyo soto a la kumandiroo to: Ali ali la miiroolu deŋ Yeesu la, ǹ ka seedeyaa ke meŋ na kuwo to ko, ate mu kiilaa* niŋ piriisi* kuntii baa le ti ǹ ye.

Hiburunkoolu 3:10

fo sanji taŋ naani. Wo le ye a tinna n kamfaata ì la kuwo la, aduŋ n ko, ‘Ì ka tu fili la ì sondomoolu kono le doroŋ, ì nene maŋ n na siloo loŋ.’

Hiburunkoolu 3:19

Wo to, ŋà a je le ko, ì la lannabaliyaa ye ì bali le ka duŋ Alla la dahaa kono.

Hiburunkoolu 9:14

Wo to, Kiristu yeloo duŋ, meŋ na kuwo warabaata beeyaŋ sadaalu yeloo ti! Ka bo niŋ badaa-badaa Nooroo la, a ye a faŋo dii sadaa ti, sootaari te meŋ na. Wo le ye a tinna a yeloo ka ǹ sondomoolu seneyandi ka bo baara nafantaŋolu kono, fo ǹ si Alla baluuriŋo batu noo.