Hiburunkoolu 2:15 - Mandinka Bible

¹⁵ Ka bo wo siloo la, Yeesu ye moolu firiŋ ne, saayaa silaŋo ye mennu bee joŋyandi ì la baluwo bee kono.

Hiburunkoolu 2:15 Mawu Ofanana

Yuuba 18:11

Ì dandaŋolu bee niŋ ì silaŋ kuu feŋolu, ì be ì nooma, ì taata daa-wo-daa.

Yuuba 18:14

Ì ye ì bayi ka bo ì la tankoo tiriliisoo to, ì be sabatiriŋ daameŋ. Ì ye ì wafu naŋ, ka ì dii saayaa la, maasiiboo mansa.

Yuuba 24:17

Suutoo diboo le mu itolu la soomandaa ti, suutoo diboo silaŋo, itolu dalita wo la le.

Jabuuroolu 33:19

A ka ì tanka kerekere saayaa ma le, aduŋ a ka ì balundi le, konkoo waatoo la.

Jabuuroolu 55:4

N kijoo ka sawuŋ n kono le, saayaa silaŋo dunta n na.

Jabuuroolu 56:13

kaatu i ye n tankandi saayaa ma le, i ye n siŋo tanka takoo ma, fo n si tara taama la ite Alla ñaatiliŋo la, maloo kono meŋ ka baluwo dii.

Jabuuroolu 73:19

Ì be kasaara la le waati kiliŋ, kooroo ye ì domo,

Jabuuroolu 89:48

Moo jumaa le si baluu a ye kaari saayaa ma? Jumaa le si a faŋ tanka noo kaburoo ma? S

Roomankoolu 8:15

Ali ye Nooroo meŋ soto, a maŋ ke joŋyaa nooroo ti ka ali tu silaŋo kono, bari wo mu diŋyaa nooroo le ti, meŋ ka a tinna ǹ ka sari ko, “Abba, m Faamaa!”

Roomankoolu 8:21

a be bondi la ñiŋ nafantaŋyaa kono le, aduŋ a be wo firiŋo niŋ kallankeeyaa soto la le, meŋ mu Alla diŋolu fanaa taa ti.

2 Korintinkoolu 1:10

Ate le ye ǹ kanandi saayaa maasiiboo ma, aduŋ a be tenteŋ na le ka ǹ kanandi. Ŋà ǹ jikoo bee loo ate le kaŋ, aduŋ a be ntolu tankandi la le kotenke.

Kalatiyankoolu 4:21

Ali a fo n ye, alitolu mennu lafita ka tara Luwaa la maraloo koto, fo ali maŋ a moyi, Luwaa ye meŋ fo baŋ?

2 Timoti 1:7

kaatu a maŋ ke jooteeyaa nooroo ti, Alla ye meŋ dii ǹ na, bari semboo, kanoo aniŋ faŋ mutoo nooroo.

Hiburunkoolu 2:16

A koyita le ko, a maŋ naa ka malaayikoolu maakoyi, bari Iburayima koomalankoolu.