Hiburunkoolu 13:6 - Mandinka Bible

⁶ Wo kamma la, ǹ si ñiŋ fo noo dankeneyaa kono le ko: “Maariyo le mu n na maakoyirilaa ti, n te sila la. Hadamadiŋolu si muŋ ne ke noo m ma?”

Hiburunkoolu 13:6 Mawu Ofanana

1 Musa 15:1

Ñiŋ kuwolu bee boriŋo a la le mu, Yaawe* ye a la kumoo lankenemayandi Iburama ma jeroo kono. A ko a ye ko, “Iburama, kana sila, nte le mu i tankandirilaa ti. I la baraajoo be siyaabaa la le.”

1 Mansoolu 17:8

Bituŋ Yaawe la kumoo naata Eliya kaŋ ka a fo a ye ko,

Jabuuroolu 124:8

Maakoyiroo ka bo ǹ ye naŋ Yaawe le bulu, meŋ ye saŋo niŋ bankoo daa.

Jabuuroolu 146:3

Kana i jikoo loo maralilaalu kaŋ, hadamadiŋo meŋ te tankandiri ke noo la.

Jabuuroolu 27:9

Kana i ñaa kaasi n na. Kana kamfaa, i ye nte i la dookuulaa bayi. Ite le mu m maakoyilaa ti. Hee Alla, n tankandilaa, kana m bula, aduŋ i kana i koo dii n na.

Jabuuroolu 33:20

Ntolu ye ǹ jikoo loo Yaawe le kaŋ. Ate le mu m̀ maakoyilaa ti, aniŋ ǹ tankandilaa.

Jabuuroolu 40:17

Maariyo, nte korita le, aduŋ m mu fentaŋo le ti, bari i ye n hati le. Ite le mu m maakoyilaa ti, aniŋ n kiisalaa. Hee n na Alla, kana mee ka m maakoyi.

Jabuuroolu 54:4

Tooñaa-tooñaa, Alla le mu m maakoyilaa ti, Maariyo le mu n niyo kantalaa ti.

Jabuuroolu 56:4

N laata Alla le la, aduŋ n te sila la, n ka a jayi a la kumoo kaŋ ne. Hadamadiŋo si muŋ ne noo nte ma?

Jabuuroolu 63:7

Bayiri ite le keta m maakoyilaa ti, n ka tara i dampaŋo le koto, wo to m be suukuwo laa la le seewoo kamma la.

Jabuuroolu 94:17

Niŋ Yaawe le maŋ ke nuŋ m maakoyilaa ti, tennuŋ m banta taa kaburoo kono yem.

2 Musa 18:4

A ko fanaa ko, “M faamaa la Alla le ye m maakoyi, a ye n kanandi fo Firawoona maŋ m faa noo.” Bituŋ a ye dinkee doo toolaa Eliyesa la.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Matiyu 10:28

Ali kana sila moolu la, mennu si balajaatoo faa noo, bari ì te niyo faa noo la. Bari ali si sila Alla la, meŋ si niyo niŋ balajaatoo bee kasaara noo Jahannaba kono.

Roomankoolu 8:31

Saayiŋ, ǹ si muŋ ne fo ñiŋ kuwo to? Niŋ Alla be ntolu fee, jumaa le be balaŋ noo la ntolu ma?

Efesusinkoolu 3:12

A la kafuñooyaa kono, ŋà fatiyaa niŋ dankeneyaa soto ka bo niŋ lannoo la, ka naa Alla kaŋ.

5 Musa 33:26

Musa ko Banisirayilankoolu ye ko, “Hee Yesuruni, Alla maŋ ñoŋ soto. A ka taama saŋ fatoolu le kono ka ali maakoyi, a niŋ a la kallankeeyaa* ka taama minaayoolu kaŋ.

5 Musa 33:29

Hee Banisirayilankoolu, mantaa benta ali ye ñaameŋ! Ali maŋ ñoŋ soto, Yaawe ye alitolu mennu kiisa. Yaawe mu ali la koteeroo* le ti, ka ali maakoyi, a mu ali la hawusaroo* le ti ka nooroo ke. Ali jawoolu be ì faŋ seyi la ali ma le, bari ali be i tuu la ì koolu kaŋ ne.”

Hiburunkoolu 10:19

Wo to baadiŋolu*, ŋà dankeneyaa soto le ka duŋ Dulaa Senuŋ Baa* kono ka bo niŋ Yeesu yeloo la.

Hiburunkoolu 4:16

Wo to, ali ŋà fatiyaa ka sutiyaa Alla hiinantewo la mansasiiraŋo ma, fo ǹ si balafaa niŋ hiinoo soto ǹ na maakoyiroo to, ǹ suulata ì la waatoo meŋ na.

1 Samuweli 23:17

A ko a ye le ko, “Kana sila. M faamaa Sawulu te feŋ noo la i la. Ite le be ke la Banisirayilankoolu la mansa ti, aduŋ nte le be ke la i noomalankoo ti. Hani m faamaa Sawulu faŋo ye ñiŋ loŋ ne.”