Hiburunkoolu 13:11 - Mandinka Bible

¹¹ Kaatu wo beeyaŋolu, piriisi* kuntii baa ka mennu yeloo samba Dulaa Senuŋ Baa* kono junube kafarilaŋo ti, ì ka wolu fintindi daakaa banta le ka ì jani jee.

Hiburunkoolu 13:11 Mawu Ofanana

2 Musa 29:14

Bari i si ninsituuraa ñiŋ suboo, kuloo, aniŋ a nuwolu jani daakaa dulaa banta la. Ñiŋ ne mu junube kafarilaŋ sadaa ti.

Esekiyeli 43:21

I ñanta wo tuuraariŋo le taa la meŋ bota junube kafarilaŋ sadaa ti, i ye a jani Batudulaa Buŋo ye banta la, i ye daameŋ to tomboŋ ka a jani jee.

3 Musa 16:27

Ninsituuraa niŋ baakotoŋo, mennu bota junube kafarilaŋ sadaalu ti, ka ì yeloo samba Dulaa Senuŋ Baa kono junube kafarilaŋo ti, ì si wolu fintindi daakaa banta. Ì kuloo niŋ ì suboo, aniŋ ì ñaabootoo bee ñanta jani la jee le.

3 Musa 6:11

Bituŋ a si a la wo duŋ feŋolu wura, a ye duŋ feŋ doolu duŋ, a ye naa seebuutoo ñiŋ samba daakaa banta la, ka a ke dulaa jankuriŋo to.

3 Musa 6:30

Bari beeyaŋ-wo-beeyaŋ keta junube kafarilaŋ sadaa ti, ì ye meŋ yeloo samba naŋ Bendulaa Tiriliisi Senuŋo kono, ka junube kafaroo ke a la Dulaa Senuŋo to, wo maŋ ñaŋ na domo la. A muumewo ñanta jani la le.

3 Musa 9:11

A suboo niŋ a kuloo, a ye wolu jani daakaa banta le.

3 Musa 9:9

A dinkewolu ye a yeloo samba a ye naŋ, a ye a bulukondiŋo bula yeloo kono ka a maa sadaajanidulaa binoolu bala. A ye yeloo too boŋ sadaajanidulaa duumoo to.

4 Musa 19:3

Ali ye a dii Piriisi* Eleyasa la. A ñanta samba la daakaa banta le, a ye faa a ñaa la jee.

4 Musa 19:7

Niŋ ñiŋ bota a la, piriisoo si jiyo taa, a faŋo ye i kuu, a ye a la duŋ feŋolu kuu. Wo koolaa a si muru noo daakaa to le, bari a be tara la kosoriŋ ne fo janniŋ wulaaroo.