Hiburunkoolu 12:6 - Mandinka Bible

⁶ Kaatu Maariyo ye meŋ kanu, a ka wo le kuluu, aduŋ moo-wo-moo, a ka meŋ muta a diŋo ti, a ka wo maarii buutee le.”

Hiburunkoolu 12:6 Mawu Ofanana

2 Samuweli 7:14

M be ke la a faamaa le ti, aduŋ a be ke la n diŋo le ti. Niŋ a ye kuu jawoo ke, m be a kuluu la niŋ kewolu la busoo le la ko kuluuroo meŋ ka laa kewolu kaŋ, niŋ ì ye kuu jawoo ke.

Jabuuroolu 119:71

Jaraboo meŋ laata n kaŋ, a beteyaata n to le, kaatu a ye n karandi i la luwaalu la le.

Jabuuroolu 119:75

Hee Yaawe, ŋa a loŋ ne ko, i la kiitiiteyoolu tilinta le, i ye n jarabi le, kaatu i tilinta le.

Jabuuroolu 94:12

Barakoo be moo le ye ite Yaawe ka meŋ kuluu, aniŋ i ka meŋ karandi i la luwaa la.

Kuma Kotoomaalu 13:24

Moo meŋ buka a diŋo kuluu busoo la, wo ye a diŋo koŋ ne, bari meŋ ye a diŋo kanu, wo ka saayi kuluuroo la le.

Kuma Kotoomaalu 3:11

N diŋo, kana jutu Yaawe la kuluuroo la, waraŋ ka pasi a la dandalaaroo la,

Kuma Kotoomaalu 3:12

kaatu Yaawe ye mennu kanu, a ka wolu le kuluu, komeŋ faa ka a kanu diŋo kuluu ñaameŋ.

Yesaya 27:9

Ka bo niŋ ñiŋ na, Yaakuba la junuboo si tuutuu. Niŋ a ye Asera* jalaŋ dokoolu bee boyi, aniŋ a cuuraayi siisindidulaalu, hani kiliŋ maŋ tu looriŋ, ka a la sadaabodulaalu* beroolu juru munkoo ti, a koolaa si ke a ye junube kafaroo ti.

Yeremiya 10:24

Yaawe, n kuluu, bari i si a ke i la tiliŋo kaŋ, i kana a ke i la kamfaa kaŋ, i kana taa n labaŋ.

Niikuyaa Suukuwolu 3:39

Niŋ i maŋ faa fo i be baluwo to, i be muŋ ne woosii la i la junuboo kuluuroo la?

5 Musa 8:5

Ali kana ñina ko, Yaawe ali la Alla ye ñiŋ kuluuroo laa ali kaŋ ne, ko wuluulaalu ka ì diŋolu kuluu ñaameŋ.

Yankuba 1:12

Barakoo be moo le ye, meŋ ka wakiili kotoboroo la, kaatu wo koolaa a maarii be baluwo kañeerinaafoo soto la le, Alla ye meŋ laahidi moolu ye, mennu ye a kanu.

Yankuba 5:11

Moolu mennu wakiilita, ǹ ka wolu le je barakariŋ. Ali ye Yuuba la kuwo moyi le, a keta muñalaa ti ñaameŋ. Aduŋ ali ye Maariyo la balafaa niŋ hiinoo je kuwolu to le, a ye mennu ke Yuuba ye labaŋo la.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Ruti 1:3

Ì la taroo jee, Elimeleki meŋ mu Nawomi keemaa ti, naata baŋ. Bituŋ a tuta, a niŋ a dinkee fuloo la.