Hiburunkoolu 11:29 - Mandinka Bible

²⁹ Ka bo niŋ lannoo le la, Banisirayilankoolu tambita niŋ Kulunjumbe Baa la ko niŋ ì be banku jaaroo le kaŋ. Bari biriŋ Misirankoolu ye ì nooma, jiyo ye ì kunuŋ.

Hiburunkoolu 11:29 Mawu Ofanana

Nehemiya 9:11

I ye baa baa fara i la moolu ye le, ka ì teyindi a kono, banku jaaroo kaŋ. I ye ì bayindilaalu fayi diinoŋñaa kono le, komeŋ berediŋo baajii saŋaroo kono.

Jabuuroolu 66:6

A ye baa yelemandi banku jaaroo ti le, a la moolu ye boloŋo teyi ì siŋo la. Ǹ seewoota jee le ñiŋ kamma la a ye meŋ ke.

Jabuuroolu 78:13

Alla ye baa fara le ka ì tambindi a teema la. A ye baajiyo moolondi le, a loota komeŋ sansaŋo.

2 Musa 14:13

Musa ye moolu jaabi ko, “Ali kana sila. Ali loo, ali ye bambaŋ, aduŋ ali be a je la le, Yaawe be ali tankandi la ñaameŋ bii. Ali ye Misirankoolu mennu je bii, ali te ì je la kotenke.

2 Musa 14:22

bituŋ Banisirayilankoolu taamata banku jaaroo kaŋ baa kono. Jiyo keta ì ye le komeŋ sansaŋo ì bulubaa niŋ ì maraa karoo la.

2 Musa 14:27

Kabiriŋ fanoo keta, Musa ye a buloo coodi baa kunto, bituŋ baa muruta a ñaama. Misirankoolu be bori kaŋ ne, ka finti baa kono, bari Yaawe ye ì bee ñori a kono.

Yosuwa 2:10

Ŋà ñiŋ kibaaroo moyi le, Yaawe ye Kulunjumbe Baa jandi ali ye ñaameŋ, kabiriŋ ali be naa kaŋ ka bo Misira. Ŋà a moyi le fanaa, ali ye meŋ ke Amorinkoolu la mansakee fuloo la, Sihoni aniŋ Oki, Yoridani Boloŋo kankuŋ doo la, ali ye mennu bee kasaara.