Hiburunkoolu 10:4 - Mandinka Bible

⁴ kaatu ninsituuraalu yeloo niŋ baakotoŋolu yeloo te junuboolu bondi noo la.

Hiburunkoolu 10:4 Mawu Ofanana

Jabuuroolu 51:16

Beeyaŋ sadaalu* te i seewondi la, tennuŋ n si ì bondi i ye. I maŋ lafi jani sadaalu la.

Yesaya 66:3

Bari doolu be jee le mennu ka bula ì fansuŋ siloo nooma, aniŋ ka kontaanoo soto kuu haraamuriŋolu to. Niŋ ì ye tuuraa bondi sadaa* ti, a konta nte fee le ko, niŋ ì ye hadamadiŋo le bondi sadaa ti. Niŋ ì ye saajiyo bondi sadaa ti, a ka munta le ko, niŋ ì ye wuloo le kaŋo kati. Niŋ ì ye siimaŋ sadaa le bondi, wo ka munta m fee le ko, niŋ ì ye seewu yeloo le bondi. Niŋ ì ye cuuraayoo siisindi sadaa ti, wo ka munta le ko, niŋ ì ye jalaŋo le batu.

Yeremiya 6:20

Nte la suula le be cuuraayoo kaŋ baŋ, ì ka meŋ bondi n ye naŋ Seba ka a siisindi n ye, waraŋ karabaanijii diimaalu, mennu bota banku jamfariŋolu to? Ali la jani sadaalu* maŋ ke n ye mutataa ti, sako ali la beeyaŋ sadaalu si n seewoo.”

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Hoseya 6:6

N lafita kanu bambaloo le la, a maŋ ke beeyaŋ sadaa* ti, Alla loŋo diina jani sadaa ti.

Maaka 12:33

Aduŋ ka a kanu niŋ i sondomoo bee la, i hakiloo bee aniŋ semboo bee la, aduŋ ka i siiñoo kanu ko i faŋo, wo le kummaayaata ka tambi hani jani sadaalu* niŋ sadaaboolu bee la.”

Yohana 1:29

Wo saamoo Yaayaa ye Yeesu je naa la a kaŋ. Bituŋ a ko, “Alla la Saajiiriŋo fele, meŋ ka naa duniyaa la junuboo bondi!

Roomankoolu 11:27

“Wo le be ke la n na kambeŋ kutoo ti n niŋ itolu teema, niŋ m be ì la junuboolu bee bondi la.”

Hiburunkoolu 10:1

Musa la Luwaa* mu niiniyo doroŋ ne ti kuu betoolu to, mennu be naa la. Wo kamma la, a te wo moolu timmandi noo la, mennu ka sutiyaa Alla la ka bo niŋ beeyaŋ sadaalu* la, ì ka tu mennu bondi la saŋ-wo-saŋ.

Hiburunkoolu 10:11

Piriisi-wo-piriisi* ka loo a la dookuwo la le luŋ-wo-luŋ, ka tu sadaalu bondi la, mennu nene te junuboolu bondi noo la.

Hiburunkoolu 10:8

Kiristu la ñiŋ kumoolu kono Alla ye, a ko folooto ko, “I maŋ ñiŋ kaniŋ, ka beeyaŋ sadaalu bondi, waraŋ siimaŋ sadaalu, jani sadaalu waraŋ junube kafarilaŋ sadaalu, wolu buka i seewondi.” Ali ye a loŋ ne ko, ñinnu bee mu kuwolu le ti, Musa la Luwaa ye mennu londi.

Hiburunkoolu 9:9

Ñiŋ ka saayiŋ jamaanoo le misaali. A ka a yitandi le ko, batulaa sondomoo te tenkundi noo la ka bo niŋ beeyaŋ sadaalu niŋ sadaa koteŋolu la.

1 Yohana 3:5

Ali ye a loŋ ne ko, a naata le fo a si junuboolu bondi. Aduŋ ate kono, junube te jee.