Hakayi 2:3 - Mandinka Bible

³ meŋ mu piriisi* kuntiyo ti, ka taa moo toomaalu, mennu tuta baluuriŋ ka bo mutoo kono. A si ì ñininkaa ñiŋ na ko, “Jumaalu le tuta baluuriŋ alitolu kono, mennu ye ñiŋ buŋo je, a be kallankeeyaariŋ ñaameŋ koomanto? A keta ali fee ñaadii le saayiŋ? Fo a maŋ ke ali fee le ko feŋ te?”

Hakayi 2:3 Mawu Ofanana

1 Taarika 22:5

Dawuda ko, “N dinkewo Sulemani mu dindiŋo le ti, aduŋ a maŋ kuwolu kalamuta baake. Buŋo meŋ be loo la Yaawe ye, ñanta ñiiñaa la baake le, a maŋ ñaŋ na ñoŋ soto la duniyaa bee kono. Wo to n ñanta a la kuwo parendi la le.” Bituŋ Dawuda naata jooraŋolu jamaalu parendi, janniŋ a be faa la.

Esira 3:11

Ì ye suukuu laa niŋ laamutoo ke, ka Yaawe jayi aniŋ ka a tentu. Ì ka a fo le ko: “Yaawe beteyaata le, aduŋ a la kanu bambaloo be tu la Banisirayila fee le, fo abadaa.” Bituŋ moo bee ye ì kaŋo bula ka Yaawe jayi baake, kaatu Yaawe Batudulaa Buŋo fondamaŋo laata le.

Esira 3:12

Bari piriisi keebaa jamaa, Lewi lasiloo, aniŋ lasili koteŋolu la alifaalu, mennu ye Yaawe la buŋ foloo je nuŋ, wuurita ka kumboo baake, kabiriŋ ì ye ñiŋ buŋo fondamaŋo je a be laa la. Wo waati kiliŋo la fanaa, moo jamaa ye ì kaŋo bula ka wuuri santo seewoo kamma la.

Yesaya 64:10

I la saatee senuŋolu keta keñewuloo* ti, hani Siyoni* faŋo keta keñewuloo le ti, Yerusalaamu mu tumbuŋo ti.

Esekiyeli 7:20

Ì kufanta ì la ñarandi feŋ ñiimaalu mennu la, ì ye wolu le taa ì ye ì dadaa ì la jalaŋ haraamuriŋolu niŋ feŋ kondiŋolu ti. Wo kamma la, m be ì ke la ì ye feŋ ñewundiŋo le ti,

Hakayi 2:9

Yaawe Alihawaa Maariyo le ye ñiŋ fo ko, “Ñiŋ buŋo la kallankeeyaa labaŋo le be wara la ka tambi folooto taa la.” Yaawe Alihawaa Maariyo le ye ñiŋ fo ko, “M be kayiroo dii la ñiŋ dulaa le to.”