Filipinkoolu 3:12 - Mandinka Bible

¹² M maŋ a fo ko, nte futata wo tunkuŋo ma le fokabaŋ, bari nte ka tenteŋ boroo la m fankadaŋo bee le la ka kañeerifeŋo soto, Kiristu Yeesu ye n kañee a faŋo kaŋ meŋ ye.

Filipinkoolu 3:12 Mawu Ofanana

Yuuba 17:9

Bari moo meŋ tilinta, wo be tu la a la siloo le kaŋ, aduŋ moo meŋ buloolu seneyaata, semboo be tu la wara la le doroŋ.

Jabuuroolu 119:5

Nte hamoo mu ñiŋ ne ti, ka i la luwaalu muta, a ye bambaŋ.

Jabuuroolu 138:8

Hee Yaawe, i be i la natoolu timmandi la n ye le. Yaawe, i la kanu bambaloo be tu la le fo abadaa. Kana i buloo bo dookuwo to i ye meŋ dati.

Jabuuroolu 42:1

N niyo be ñaaniriŋ ite Alla le la ko minaŋo ka ñaani woyoo la ñaameŋ.

Jabuuroolu 63:8

Ŋa n deŋ ite le la, aduŋ i buloo be n koto le ka n tanka.

Jabuuroolu 84:2

Nte be meeyaariŋ ne, ka tara jee, ka tara Yaawe la luwolu to. Seewoo dunta n sondomoo niŋ m balajaatoo bee le la ka suukuwo laa Alla baluuriŋo ye.

Jabuuroolu 94:15

Tiliŋo be muru la le a ye tara moolu kono, mennu bee tilinta, ì be bula la wo le nooma.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Yesaya 51:1

Yaawe* ko: “Ali i lamoyi n na, alitolu mennu ka bula sila tilindiŋo nooma aniŋ ka nte Yaawe ñini. Ali ali faamaa Iburayima la kuwo juubee, ate le mu beroo ti, ali farasita meŋ bala, aniŋ Saara meŋ ye ali wuluu, ate le mu beroo ti, ì ye ali bondi naŋ daameŋ. Biriŋ ŋa Iburayima kumandi, a maŋ diŋ soto, n naata neema a ma le, ŋa a koomalankoolu siyandi.”

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Matiyu 5:48

Wo kamma la, ali ñanta timma la le ko ali Faamaa meŋ be Arijana, timmata ñaameŋ.”

Kiilaalu 9:15

Bari Maariyo ko Ananiyas ye ko, “Taa a kaŋ! Ñiŋ kewo mu n na jooraŋ tombondiŋo le ti, meŋ be n too samba la moolu ye, mennu maŋ ke Yahuudoolu ti, mansoolu ye, aniŋ Banisirayilankoolu.

Roomankoolu 8:39

saŋ fatoolu kono santo waraŋ bankoo kaŋ duuma, waraŋ feŋ koteŋ meŋ si m̀ bondi noo Alla la kanoo kono, ŋà meŋ soto ka bo niŋ Kiristu Yeesu la, m̀ Maariyo.

1 Korintinkoolu 13:10

wo to niŋ timmandiroo siita, timmabaloo be baŋ na le.

1 Korintinkoolu 13:12

Saayiŋ, ǹ ka finifinindiŋo le je feleraŋo kono, bari ñaato, m̀ be a je la le ñaa niŋ ñaa la. Saayiŋ, n na londoo maŋ timma, bari ñaato, m be a loŋ na timmarinke le ko m faŋo lonta ñaameŋ.

1 Korintinkoolu 9:24

Fo ali maŋ ñoodaŋ boroo la kuwo loŋ ko, borilaalu bee le ka bori, bari kiliŋ doroŋ ne ka kañeerifeŋo soto? Wo to, ali bori fo ali si a soto!

2 Korintinkoolu 13:9

Ǹ ka seewoo le, niŋ m̀ be sembentaŋyaa kono, alitolu be bambandiŋ. Ñiŋ ne mu ǹ na duwaa ti ko, alitolu la kuwo si yiriwaa.

2 Korintinkoolu 7:1

N kanuntewolu, baawo ŋà ñiŋ laahidoolu soto le, wo to ǹ si m faŋolu seneyandi feŋ-wo-feŋ to, meŋ ka baloo niŋ sondomoo nondi. Ali ŋà ǹ na seneyaa timmandi Alla ñaasilaŋo kono.

Kalatiyankoolu 5:17

Kaatu wo hame kuwolu ka Nooroo le soosoo, aduŋ Nooroo fanaa ka wo hame kuwolu soosoo le. Ñiŋ kuu fuloo ka balaŋ ñoo ma le, meŋ ka a tinna, ali buka kuwo ke noo, ali lafita meŋ ke la.

Efesusinkoolu 1:4

Hani janniŋ duniyaa fondamaŋo be loo la, a ye ǹ tomboŋ ate le kono, ka ǹ ke moo senuŋolu ti, mennu maŋ sootaaroo soto a ñaatiliŋo la. Baawo a ye ǹ kanu le,

Efesusinkoolu 4:12

Ka bo wo siloo la, a ye moo senuŋolu parendi dookuwo ye fo ì si a la kafoo yiriwandi, meŋ mu Kiristu baloo ti,

Filipinkoolu 1:1

Nte Pawulu, n niŋ Timoti, ntolu mennu mu Kiristu* Yeesu la dookuulaalu ti, m̀ be a la moo senuŋolu bee kontoŋ na, mennu be Filipi saatewo kono, sako alitolu mennu mu alifaalu niŋ maakoyirilaalu ti.

Filipinkoolu 3:16

Ali ŋà tenteŋ ñiŋ sila kiliŋo la, m̀ be meŋ kaŋ.

Filipinkoolu 3:3

Ntolu le mu moolu ti, mennu ye sunna tooñaa soto, baawo ǹ ka Alla batu le ka bo niŋ a la Nooroo la, aduŋ ǹ ka kibiri Kiristu* Yeesu le la kuwo la. M̀ buka ǹ jikoo loo ǹ na hadamadiŋyaa kuwolu kaŋ,

Filipinkoolu 3:8

Tooñaa, nte ye feŋo bee muta bonoo le ti, kaatu ka Kiristu Yeesu loŋ, m Maariyo, wo le nafaa warata ka tambi feŋo bee la. Ate le la kuwo kamma la, m bonota feŋolu bee la. Ŋa wolu bee muta suntukuŋo le ti, fo n si Kiristu soto,

1 Tesalonikankoolu 5:15

Ali a je ko, moo-wo-moo kana kuu jawoo joo kuu jawoo la, bari ali si hame ka kuu betoo ke ñoo ye, aniŋ moolu bee.

2 Tesalonikankoolu 2:13

Bari baadiŋolu, Maariyo ye mennu kanu, a mu ñantoo le ti ntolu ye ka Alla tentu alitolu la kuwo to, kaatu a ye ali tomboŋ ne biriŋ foloodulaa to ka kiisoo soto. Ñiŋ kiisoo naata le, biriŋ Nooroo ye ali seneyandi, aniŋ ali laata tooñaa la.

1 Timoti 5:10

Aduŋ a ñanta seedeyaa betoo fanaa soto la a kebaaroolu to le: A ye ke moo ti, meŋ ye a diŋolu kuluu kuu, a ye luntaŋolu jiyaa, a ye Alla la moo senuŋolu siŋolu kuu, a ye moolu maakoyi, mennu be bataa kono, aduŋ a ye a faŋo dii dookuu betoo bee la.

1 Timoti 6:19

aduŋ ñaato siniŋ wo le be ke la fondamaŋ bambandiŋo ti ì ye, fo ì si baluu tooñaa soto noo.

Hiburunkoolu 12:14

Ali katoo ke ka kayiroo sabatindi ali niŋ moolu bee teema, aduŋ ali si seneyaa, kaatu moo meŋ maŋ seneyaa, a nene te Maariyo je la.

Hiburunkoolu 12:23

Ali naata moo senuŋolu la kafoo kono, mennu toolu be safeeriŋ Arijana kono ko, dinkee folooyaa neemoo mu itolu le taa ti. Ali naata Alla le kaŋ, meŋ mu moolu bee kiitindilaa ti, aniŋ moo tilindiŋolu kaŋ, mennu timmandita.

Hiburunkoolu 13:21

Allamaa Alla ye ali parendi niŋ a la soorifeŋ betoolu la, fo ali si a la lafoo ke. A ye ali ke moolu ti, mennu la kuwo si a seewondi. A si a ke ka bo niŋ Yeesu Kiristu la, tenturoo niŋ jayiroo be meŋ ye fo abadaa. Amiin.

Yankuba 3:2

Ntolu bee ka boyi kuu jamaa le to. Niŋ moo-wo-moo buka boyi kumoolu kono, a ka mennu fo, wo maarii timmata le, aduŋ a si a baloo bee mara noo le.

1 Pita 5:10

Alitolu toorata le fo waatindiŋ, bari Alla be ali la kuwo seyindi la a ñaama le. Ate meŋ ka hiinoo bee dii, aduŋ a ye ali kumandi a la badaa-badaa kallankeeyaa to Kiristu kono, ate le be ali fatiyandi la, a ye ali sembentuŋyaa, aniŋ a ye ali londi fondamaŋ bambandiŋo kaŋ.

2 Pita 3:18

Wo noo to, ali si yiriwaa m̀ Maarii niŋ ǹ na Kiisandirilaa Yeesu Kiristu* la hiinoo niŋ a loŋo kono. Tenturoo niŋ jayiroo be ate le ye, saayiŋ aniŋ fo abadaa. Amiin.