Filipinkoolu 3:1 - Mandinka Bible

¹ M baadiŋolu*, labaŋo la, ali seewoo Maariyo kono! Nte te pasi la ka ñiŋ kuwolu seyinkaŋ safee ali ye, aduŋ wo mu alitolu ye nafaa le ti.

Filipinkoolu 3:1 Mawu Ofanana

1 Taarika 15:28

Aduŋ Banisirayilankoolu bee le be Yaawe la Kambeŋ Kunewo samba kaŋ, ì seewootoo be wuuri kaŋ santo, ì be jaawali palaatoolu, kooraalu niŋ kontiŋolu kosi kaŋ, ì be saakotoŋ binoo* fanaa fee kaŋ.

1 Taarika 16:10

Ali kidimandiroo ke a too senuŋo la. Moolu mennu ka Yaawe ñini, ì ye jusulaa.

1 Taarika 29:22

Ì niŋ seewoo baa ye domoroo niŋ miŋo ke Yaawe ñaatiliŋo la. Ì ye Sulemani Dawuda diŋo yitandi kotenke ko ate le mu mansa ti, bituŋ ì ye tulu senuŋo* boŋ a kuŋo kaŋ ka a toloo Yaawe too la. Ì ye Sadoki fanaa toloo piriisoo* ti.

Nehemiya 8:10

Bituŋ Nehemiya ko moolu ye ko, “Ali ali la domori kendoolu domo, ali ye ali la miŋ feŋ diimaalu miŋ. Ali si moolu fanaa so doo la jee, mennu maŋ feŋ parendi ka a samba naŋ. Kaatu bii mu luŋ baa le ti m̀ Maarii ye. Ali kana sunu, kaatu Yaawe la kuwo seewoo le be ali bambandi la.”

Yuuba 22:26

Ate Alla Tallaa le be naa ke la i la seewoo sababoo ti, aduŋ i te malu la a ñaatiliŋo la.

Jabuuroolu 149:2

Banisirayilankoolu, ali jusulaa ali Daamansoo la kuwo to. Siyoni* moolu, ali seewoo ali la Mansa la kuwo to.

Jabuuroolu 32:11

Alitolu mennu tilinta, ali kontaani ka seewoo Yaawe la kuwo to. Tiliŋo be alitolu mennu sondomoo kono, ali seewoo kendeke.

Jabuuroolu 33:1

Alitolu moo tilindiŋolu, ali seewoo Yaawe* la kuwo la, jayiroo ñiiñaata moo tilindiŋolu le daa kono.

Jabuuroolu 37:4

Seewoo Yaawe la kuwo la, aduŋ hame kuwolu mennu be i sondomoo to, a be ì dii la i la le.

Jabuuroolu 42:4

Niitooroo le ka faa n kono niŋ n hakiloo bulata koomanto la, n niŋ moo jamaalu ka taa Alla Batudulaa Buŋo* to ñaameŋ. N ka tambi ì ñaato le, ka tara suukuwo laa kaŋ santo niŋ seewoo la, ka Alla tentu juurali waatoo la.

Jabuuroolu 5:11

Moolu mennu bee be bamburiŋ i kooma, si suukuwo laa fo fawu, kontaanoo kamma la, aduŋ i si i la tankoo wanka moolu kaŋ, mennu ye i kanu, fo ì si seewoo i la kuwo to.

Jabuuroolu 97:1

Yaawe* mu Mansa le ti, duniyaa moolu, ali kontaani! Hani fankaasoo daŋo to siilaalu, ali seewoo!

Yesaya 41:16

Ali be ì fayi la foñoo kono le, ì ye janjaŋ, burufatoo ye ì tindi. Wo to ali be kontaani la le, kaatu nte le mu Yaawe ali la Alla ti, ali be nte Banisirayila la Senuŋ Baa jayi la le.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Yesaya 65:14

N na dookuulaalu nii seewooriŋo le be suukuwo laa la, bari alitolu nii toorariŋo le be woosii la, jikilateyoo ye a tinna ali ka tu kumboo la.

Yoweli 2:23

“Siyoni moolu, ali kontaani, ali ye seewoo Yaawe la kuwo la, ali la Alla. A la beteyaa kaŋ, a ye samaajiyo dii ali la, a ye jiyo boŋ ali ye naŋ fo a fuumata, samaa foloo jiyo aniŋ samaa labaŋ jiyo, ko a be nuŋ ñaameŋ.

Sefaniya 3:14

Dimmusuriŋ* Siyoni*, denkiloo laa, Banisirayila, sari santo. Dimmusuriŋ Yerusalaamu, kontaani i ye i faŋ niyo seewondi.

Sefaniya 3:17

Yaawe, ali la Alla be ali fee le. Ate le mu kelejawaroo ti meŋ ka nooroo ke. A be seewoo la ali la kuwo la le. A la kanoo ali kaŋ, wo be dahaa le dii la ali la, a ye ali la kuwo denkili seewoo kamma la.”

Jakariya 10:7

Efurayimu* moolu si ke ko kelejawaroolu, ì ye seewoo, ko meŋ ye wayinoo* miŋ. Ì diŋolu si ñiŋ je, ì fanaa ye jusulaa. Ì niyo si seewoo nte Yaawe la kuwo to.

Matiyu 5:12

Ali seewoo aniŋ ali ye jusulaa, kaatu ali la joo be wara la Arijana kono le. Ì ye annabiyomoolu toorandi wo ñaa kiliŋo le ñaama, mennu naata ali ñaa.

Luka 1:47

n niyo seewoota Alla la kuwo to, n na Kiisandirilaa.

Roomankoolu 5:11

Aduŋ a maŋ daŋ wo doroŋ na, bari m̀ be seewooriŋ Alla la kafuñooyaa la le ka bo niŋ m̀ Maarii Yeesu Kiristu la, kaatu a ye ntolu niŋ Alla diyandi le.

2 Korintinkoolu 13:11

Labaŋo la, baadiŋolu*, ali seewoo! Ali ali hakiloo tu, ali kuwolu murundi ì ñaama, ali n na kumoolu muta niŋ ali bulu fuloo la. Ali soŋ ñoo ma, ali ye tara ñoo kaŋ kayiroo kono. Alla meŋ ka kayiroo niŋ kanoo dii, a si tara ali fee.

Efesusinkoolu 6:10

Labaŋo la, ali bambaŋ Maariyo kono, a la sembe baa ye ali sembentuŋyaa.

5 Musa 12:18

Ali si ñiŋ sadaalu domo Yaawe ñaatiliŋo la ali la Alla, dulaa to, a be meŋ tomboŋ na. Ali si a domo jee to, ali niŋ ali dinkewolu, ali dimmusoolu, ali la jonkewolu niŋ ali la jommusoolu, aniŋ Lewi lasiloo moolu mennu be sabatiriŋ ali la saatewolu kono. Ali si seewoo Yaawe ali la Alla ñaatiliŋo la ali la kata kuwolu bee to.

5 Musa 16:11

Ali si seewoo Yaawe ali la Alla ñaatiliŋo la, ali niŋ ali dinkewolu niŋ ali dimmusoolu, ali la jonkewolu niŋ ali la jommusoolu, Lewi lasiloo moolu mennu be sabatiriŋ ali la saatewolu kono, tumarankewolu, aniŋ aliyatiimoolu niŋ furuyaamusoolu mennu be ali fee. Ali si juuraloo ñiŋ ke dulaa to, Yaawe ali la Alla be daameŋ tomboŋ na ka a too ke jee.

Filipinkoolu 3:3

Ntolu le mu moolu ti, mennu ye sunna tooñaa soto, baawo ǹ ka Alla batu le ka bo niŋ a la Nooroo la, aduŋ ǹ ka kibiri Kiristu* Yeesu le la kuwo la. M̀ buka ǹ jikoo loo ǹ na hadamadiŋyaa kuwolu kaŋ,

Filipinkoolu 4:4

Ali kali tu seewooriŋ Maariyo kono! Aduŋ m be a fo la kotenke, ali seewoo!

Filipinkoolu 4:8

Labaŋo la, baadiŋolu, ali ali hakiloolu fandi niŋ kuu-wo-kuu la, meŋ mu tooñaa ti, meŋ mu horomoo ti, meŋ tilinta, meŋ seneyaata, meŋ kanunteeyaata, meŋ hiinanteeyaata, aniŋ meŋ jarita jayiroo la.

1 Tesalonikankoolu 4:1

Baadiŋolu*, m̀ be ali daani kaŋ Maarii Yeesu Kiristu* too la ka baluu niŋ baluuñaa la meŋ ka Alla seewondi. Wo mu baluuñaa le ti, ali ye meŋ karaŋ nuŋ ntolu bulu, aduŋ tooñaa, ali be baluuriŋ wo le ñaama. Wo ñaa-wo-ñaa, m̀ be ali wakiilindi la ka ali la katoo kafu,

1 Tesalonikankoolu 5:16

Ali seewoo waati-wo-waati,

Yankuba 1:2

M baadiŋolu*, niŋ bataa kuu siifaa jamaa ka laa ali kaŋ, ali si ì bee muta seewoo kuwo ti,

1 Pita 3:8

Labaŋo la, ali bee si ke kaŋ kiliŋ ti, aniŋ ŋaniya kiliŋ. Ali baadiŋyaa kanoo soto ñoo ye, balafaa, aniŋ fammajiyo.

1 Pita 4:13

Bari wo noo to, ali si seewoo, kaatu ali be ali niyo le soto kaŋ Kiristu la tooroo kono. Bituŋ ali si i yillaa kontaanoo niŋ jusulaa baa la, niŋ a la kallankeeyaa* lankenemata.

2 Pita 3:1

N kanuntewolu, ñiŋ mu n na leetari fulanjaŋo le ti ali ye, aduŋ ì fuloo bee daliiloo mu ka ke hakilibulandiraŋo ti. N lafita le, ì si ali sondome senuŋolu maa,

1 Samuweli 2:1

Bituŋ Hanna duwaata, a ko: Yaawe* la kuwo kamma la n sondomoo faata niŋ seewoo le la. Yaawe ye n ke sembemaa ti. N daa si kuma baalu fo n jawoolu ma. N seewoota ñaameŋ, kaatu ite ye n tanka le.