Filipinkoolu 2:27 - Mandinka Bible

²⁷ Tooñaa, a kuuranta nuŋ baake le, fo a be naa faa la. Bari Alla ye balafaa soto a ye le, aduŋ wo maŋ ke ate dammaa ye, kaatu niŋ wo nte, a la kuwo be nte la sunoo kafu la le.

Filipinkoolu 2:27 Mawu Ofanana

2 Mansoolu 20:1

Wo waatoo la, Hesekiya naata kuuraŋ baake, fo a be naa faa la. Amosi dinkewo Annabilayi Yesaya taata a yaa, a ko a ye ko, “Yaawe* ko i ye i la bunkono kuwolu bo ñoo to, kaatu i be faa la le, i te kendeyaa la.”

Yuuba 5:19

Ate le be i tanka la maasiiba kuwo ma waatoo bee la, kataa kuu te boyi la i kaŋ fereŋ.

Jabuuroolu 34:19

Mantoora kuu jamaa le ka laa moo tilindiŋo kaŋ, bari Yaawe ka a kiisa ì bee le kono.

Yesaya 27:8

Hanii, Yaawe ye ì jarabi le ka ì bayi ka tara mutoo kono. A ye ì bayi a la kamfaa le kono, ko niŋ foño kandoo ka bo tiliboo la.

Yesaya 38:17

Tooñaa, ka dimiŋ baa ñiŋ muña, keta n ye kendeyaa le ti. I ye i la kanoo yitandi n na le, ka n tankandi kasaaroo dinkoo ma. I ye n na junuboolu bee fayi i kooma le.

Yesaya 43:2

Niŋ ali be teyi la niŋ baa la, m be tara la ali fee le. Niŋ ali be tambi la niŋ baa diinondiŋo la, jiyo te ali kunuŋ na. Niŋ ali taamata dimbaa kono, ali te jani la. Niŋ ali dunta mantooroo kono, a te ali dewuŋ na.

Yeremiya 10:24

Yaawe, n kuluu, bari i si a ke i la tiliŋo kaŋ, i kana a ke i la kamfaa kaŋ, i kana taa n labaŋ.

Yeremiya 45:3

“I ka ñiŋ ne fo ko, ‘Woyi nte! Yaawe ye niitooroo le lafaa n na dimiŋo kaŋ. M bataata ŋuntaŋo la le, m maŋ dahaa soto.’

Yeremiya 8:18

Kooni! Niikuyaa jaarabaloo le laata n kaŋ, n niŋ jusu dimiŋo le mu.

Habakuki 3:2

Hee Yaawe*, ŋa a moyi le i ye meŋ ke, aduŋ a ye m masilaŋ ne. Hee Yaawe, a ke kotenke ntolu fanaa tiloo la, ǹ ñaa ye boyi a kaŋ ǹ na waatoolu la. Hani niŋ i kamfaata, balafaa soto ntolu ye.

Kiilaalu 9:37

Bari saayiŋ a kuuranta, a naata faa. Bituŋ ì ye a kuu, ì ye a landi buŋ santonkoo kono.

1 Korintinkoolu 10:13

Alitolu maŋ marisa kuwo soto, meŋ maŋ dali ke la hadamadiŋo la. Alla tilinta le, aduŋ a te soŋ na ali ye marisa ka tambi, ali te meŋ muña noo la. Bari niŋ ali marisata, a be kana siloo dii la ali la le, fo ali si a muña noo.

2 Korintinkoolu 2:7

Saayiŋ ali ñanta yamfa la a ye le, ali ye a sabarindi fo niitooroo dunoo kana a jikilateyindi.

Filipinkoolu 2:26

Ali la kuwo ye a meeyaa le waati jaŋ, aduŋ a niyo toorata le, kaatu a naata a loŋ ne ko, ali ye a la kuuraŋo kibaaroo moyi le.

Filipinkoolu 2:28

Wo kamma la, m be hameriŋ baake le ka a murundi naŋ ali kaŋ, fo niŋ ali ye a je kotenke, ali si seewoo, aduŋ n na niitooroo si talaa.

Filipinkoolu 2:30

kaatu domandiŋ, a si faa Kiristu la dookuwo kamma la. A ye a niyo le laa fo a si wo maakoyiroo timmandi n ye, alitolu faŋolu maŋ meŋ ke noo.