Filipinkoolu 2:21 - Mandinka Bible

²¹ Wo doolu bee ka ì fansuŋ nafaa le ñini, ì buka Yeesu Kiristu la nafaa ñini.

Filipinkoolu 2:21 Mawu Ofanana

2 Mansoolu 12:6

Bari Mansa Yowasi la mansayaa sanji muwaŋ niŋ sabanjaŋo ye a tara le piriisoolu maŋ hani dulaa tiñaariŋ kiliŋ dadaa Yaawe Batudulaa Buŋo to.

Yesaya 56:11

Ì mu wulu domorilaa baalu le ti, ì konoo buka faa. Itolu mu kantarilaalu le ti, mennu maŋ fahaamuroo soto, ì bee ka taa ì fansuŋ siloolu le la, ì ka a ke fankuŋ-fankuŋ ne ti.

Malaki 1:10

Yaawe Alihawaa Maariyo ye ñiŋ ne fo ko, “A be beteyaa la m fee le, niŋ ali kono moo doo ye n na buŋo daalu soroŋ, i si a je ali te tara la dimbaa kenseŋ maloo la n na sadaajanidulaa kaŋ. M maŋ kontaani ali la kuwo la, aduŋ n te sadaa muta la meŋ be bo la ali bulu.

Matiyu 16:24

Wo to le Yeesu ko a la saayiboolu ye ko, “Moo-wo-moo meŋ lafita nte nooma la, wo si a faŋo la hame kuwolu bee bula jee. A ye a la yiribantambiloo sika, a ye n nooma.

Luka 14:26

a ko ì ye ko: “Niŋ moo-wo-moo be naa nte kaŋ, aduŋ a maŋ n kanu ka tambi a faamaa la, a baamaa, a la musoo, a diŋolu, a baadinkewolu, a baarimmusoolu, aniŋ hani a faŋo la baluwo, a te ke noo la n noomalankoo ti.

Kiilaalu 13:13

Bituŋ Pawulu niŋ a la kafuñoolu teyita niŋ kuluŋo la ka bo Pafos saatewo to ka taa Perika, meŋ be Pamfiliya tundoo kaŋ. Wo to le Yohana Maaka ye ì bula, a muruta Yerusalaamu.

Kiilaalu 15:38

Bari Pawulu ye a miira ko, a maŋ beteyaa ka moo samba ì fee, meŋ ye ì bula Pamfiliya nuŋ, a niŋ ì maŋ taa ka dookuwo ke jee.

1 Korintinkoolu 10:24

Moo kana a fansuŋ nafaa ñini, bari meŋ si beteyaa a siiñoo fee, a si wo ñini.

1 Korintinkoolu 10:33

Nte fanaa ka a kata wo le ñaama ka moolu bee kontaanindi feŋolu bee to, n ka mennu ke. M maŋ tara m fansuŋ nafaa ñini kaŋ, bari jamaa la nafaa, fo ì si kiisa.

1 Korintinkoolu 13:5

waraŋ kuluubaliyaa. Kanoo buka a kuŋ kiliŋ nafaa ñini, a buka tariyaa kamfaa la, a buka kuu jawoo muta a kono.

2 Korintinkoolu 1:5

Ko Kiristu la kuwo tooroolu be warariŋ ǹ kaŋ ñaameŋ, wo ñaa kiliŋo la, m̀ be sabarindi baa le soto la fanaa ka bo niŋ ate la.

Filipinkoolu 2:4

Ali meŋ-wo-meŋ kana a la kuŋ kiliŋ nafaa doroŋ juubee, bari a si doolu fanaa taa juubee.

2 Timoti 1:15

I ye a kalamuta le ko, moolu mennu bee bota Asiya* tundoo kaŋ, wolu ye ì koo dii n na le. Fikelus niŋ Herimokenes be wolu le kono.

2 Timoti 3:2

Moolu be ì faŋolu doroŋ ne kanu la, ì be ke la kodilandiyolu le ti, faŋ wara moolu, kibirilaalu, tooñeeri kumafolaalu, wuluulaa soosoolaalu, wasabaloolu aniŋ seneyaabaloolu.

2 Timoti 4:10

Demas ye nte bula le ka taa Tesalonika saatewo to, kaatu a ye ñiŋ duniyaa niidiyaa kuwolu le kanu. Keresens taata Kalatiya tundoo le kaŋ, aduŋ Titus taata Dalimatiya.

2 Timoti 4:16

N na faŋ tankandi foloo nuŋ kiitiyo ñaatiliŋo la, moo-wo-moo le maŋ loo m fee. Ì bee ye m bula le. Allamaa Alla ye yamfa ì ma wo kuwo to.