Esita 4:1 - Mandinka Bible

¹ Kabiriŋ Moridekayi ye a loŋ meŋ bee keta, a ye a la dendikoo fara, a ye booto funtoo duŋ, a ye seebuutoo ke a kuŋo to, a taata saatewo kono, a niikuyaatoo kumboota ka wuuri santo.

Esita 4:1 Mawu Ofanana

1 Musa 27:34

Kabiriŋ Esawu ye a faamaa la kumoolu moyi, a lembata, a ko a faamaa ye ko, “M faa, neemoo daani nte fanaa ye.”

1 Musa 37:34

Yaakuba ye a la duŋ feŋolu fara niikuyaa kamma la, a ye booto funtoo duŋ a tewo la, a ye Yusufa la kuwo woosii fo tili jamaa.

2 Samuweli 1:11

Dawuda ye a la dendikoo fara niitooroo kono, aduŋ a la kewolu mennu be a fee bee ye wo le ke.

2 Samuweli 13:19

Tamara ye seebuutoo ke a kuŋo to, a ye a la dendika jaŋo fara, a ye meŋ duŋ. A ye a buloo ke a kuŋo to, a taata, a be wuuri la.

Esita 4:2

Bari a maŋ tambi mansa la koridaa daa la, kaatu niŋ moo-wo-moo ye booto funtoo duŋ, ì buka soŋ wo ye duŋ mansa yaa.

Esita 4:3

Ñiŋ kankulaaroo niŋ mansa la yaamaroo futata kumandaŋ banku-wo-kumandaŋ banku to, Yahuudoolu ka sunu baake le, ì ka suŋ ne, aduŋ ì ka tu kumboo le la ka wuuri santo. Jamaa ka i laa booto funtoo le kaŋ aniŋ seebuutoo.

Yuuba 1:20

Bituŋ Yuuba wulita, a ye a la duŋ feŋolu fara niikuyaa kamma la, a ye a kuŋo lii, a sujudita, a ye Alla batu.

Yuuba 2:8

Yuuba ye fenkeŋ teleŋo taa, a siita seebuutoo kono, ka a faŋ suusaa.

Yuuba 42:6

Wo kamma la, m maluta baake m fokumoo la le. M be m boyi la buutoo kono le, aniŋ seebuutoo ka tuubiseyi.”

Yesaya 15:4

Hesiboni niŋ Eleyale siilaalu wuurita, ì kaŋo moyita le fo Yahasi saatewo to, a ye a tinna Mowabi kelediŋolu ŋaarata fo ì korita.

Yesaya 22:4

Wo to saayiŋ nte ko, “Ali bo m bala, ŋa kumboo kendeke n na moolu la kasaaroo kaŋ. Ali kana a fo ko, ali be n sabarindi la.”

Yesaya 37:1

Kabiriŋ Mansa Hesekiya ye kumoo ñiŋ moyi, a ye a la duŋ feŋolu fara, niikuyaa kamma la, a ye booto funtoolu duŋ. A taata duŋ Yaawe* Batudulaa Buŋo* kono.

Yesaya 37:2

A ye mansasuwo maralaa Eliyakimu, safeerilaa Sebuna, aniŋ piriisi* alifaalu kii, ka taa Annabilayi Yesaya kaŋ, Amosi dinkewo. Ì bee ye booto funtoolu le duŋ.

Yesaya 58:5

Fo n lafita ñiŋ suŋ siifaa le la, fammajiyo doroŋ? Fo n lafita ñiŋ ne la baŋ, moo ye a kuŋo jirandi ko ñaamoo, aniŋ ka tara laariŋ booto funtoo kaŋ seebuutoo kono? Fo ali ka wo kumandi suŋo le la, nte Yaawe be soŋ na meŋ na?

Esekiyeli 21:11

Ŋa n na hawusaroo duŋ moo le bulu ka a muu tuloo la fo a ye malamala. A ye a daa diyaa le, fo a ka malamala, a ka naa ì bee le faa.

Esekiyeli 21:6

“Wo kamma la, ite hadamadiŋo loo ì bee ñaatiliŋo la, i ye kumboo fo i ka sikisiki, niikuyaa kamma la.

Daniyeli 9:3

Bituŋ ŋa n ñaa tiliŋ duwaa la, aniŋ suŋo, ka Maariyo Alla daani. Ŋa booto funtoolu le duŋ, ŋa seebuutoo maa m faŋ na, ka n na niikuyaa yitandi.

Mika 1:8

Ñiŋ kuwo kamma la, n si kumboo, ŋa woosii, n kenseŋo ye loo, n siŋ kenseŋo ye taa. N si woosii ko kunkuwuloo, ŋa sikisiki ko kiikiyaŋo.

Sefaniya 1:14

Yaawe la ñiŋ luŋ baa be sutiyaa kaŋ naŋ ne, a ka naa le, a be sutiyaa kaŋ naŋ ne famfaŋ. Yaawe la ñiŋ luŋo la, kumboo kaŋo be moyi la le, a niikuyaa be wara la baake. Hani kelejawaroolu, ì be lemba la le.

Matiyu 11:21

A ko, “Kooroo be alitolu Korasininkoolu ye! Kooroo be alitolu Betisayidankoolu ye! Kaatu kaawakuwolu mennu keta nuŋ ali la saatewolu kono, niŋ a ye a tara, wolu keta Tire niŋ Sidoni saatewolu le kono, tennuŋ ì banta booto funtoolu duŋ, ì ye seebuutoo maa, ka ì la tuuboo yitandi.

Kiilaalu 14:14

Kabiriŋ wolu ye ñiŋ moyi, ì ye ì la waramboolu fara ka ì la niikuyaa yitandi. Bituŋ ì wuuritoo borita kafu baa kono ka a fo ì ye ko,

Yosuwa 7:6

Bituŋ Yosuwa ye a buloo duŋ a la waramboo la ka a fara. A sujudita Yaawe la Kambeŋ Kunewo* ñaatiliŋo la. A tarata jee fo wulaaroo. Bituŋ Banisirayila alifaalu fanaa naata wo kuu kiliŋo le ke ka bankoo sari ì kuŋo to.

Lankenemoo 11:3

Nte be semboo dii la n na seede fuloo la le ka kiilaariyaa kumoo fo, fo tili wuli kiliŋ keme fula aniŋ taŋ wooro, booto funtoolu le be tara la dundiŋ ì la.”