Esita 2:12 - Mandinka Bible

¹² Janniŋ sunkutoolu la siŋo be sii la ka taa Mansa Ahasuweru yaa, sunkutu-wo-sunkutu ñanta kari taŋ niŋ fula le taa la, ì ka a baloo muu tulu seeralaalu la mennu dadaata musoolu ye. Kari wooro ì ka a baloo muu niŋ miiri* tuloo la, kari wooro koteŋo ì ka a baloo muu niŋ tulu seeralaa siifaa doolu la, mennu ñanta a baloo bee ñiiñandi la.

Esita 2:12 Mawu Ofanana

Esita 2:11

Luŋ-wo-luŋ Moridekayi si taamaŋ-taamaŋ mansa la musubuŋo luwo to, ka a juubee Esita be ñaameŋ aniŋ meŋ be ke la a la.

Esita 2:13

Niŋ a bota musubuŋo kono ka taa mansa la buŋo to, feŋ-wo-feŋ diyaata a ye a be wo le taa la.

Esita 2:3

Ite si kumandaŋolu tomboŋ i la bankoolu bee kaŋ, ka ñiŋ sunkutu ñiimaalu samba naŋ i la musubuŋo kono Susa tatoo kono. I la dookuulaa Hekayi meŋ marata ite la musoolu ma si ì topatoo. Ì si ì muu tuloolu la, fo ì baloo bee ye ñiiñaa.

Esita 2:9

Esita la kuwo diyaata Hekayi ye le, aduŋ a tariyaata ka bala ñiiñandiraŋolu dii a la aniŋ a fansuŋ domori kendoo. Hekayi ye dookuulaa sunkutu woorowula le tomboŋ, ka bo mansa la buŋo to mennu ñanta Esita maakoyi la. A ye ì niŋ Esita samba dulaa to, meŋ beteyaata mansa la musubuŋo bee kono.

Kuma Kotoomaalu 7:17

Ŋa n na laaraŋo seerandi niŋ miiri* munkoo la, alowe munkoo, aniŋ sinnamoni munkoo.

Suukuwo 3:6

Muŋ ne ka naa teŋ, ka bo naŋ keñewuloo* kono, ko siisii samasimmaa? A ka seera ko miiri* aniŋ cuuraayoo, ko juloolu la seerandi feŋ munkumaalu.

Yesaya 3:24

Sunkaŋo le be seeroo la palaasoo taa la, teesitiraŋ ñiimaa be yelema la julu kotoo le ti, kuŋ ñarandoo ye yelema kuŋ nunkoo ti, paree ñiimaa ye yelema booto funtu duŋo ti, muluŋ ñiimaa si yelema maloo ti.

Yesaya 57:9

I ye tuloo maa aniŋ ka karabaanijiyo junjuŋ i bala ka taa Moleki jalaŋo batu. I ka kiilaalu kii le fo dulaa jaŋ. I ka ì kii le hani fo fureeduu.