Esita 1:4 - Mandinka Bible

⁴ A taata fo tili keme tili taŋ seyi, Mansa Ahasuweru be a la mansayaa naafuloo la siyaa koleŋo yitandi kaŋ moolu la, aniŋ a la mansayaa la sembe waroo.

Esita 1:4 Mawu Ofanana

1 Taarika 29:25

Bituŋ Yaawe ye Sulemani la kuwo yiriwandi ka too diyaa soto Banisirayila bee ñaa koto, aduŋ a ye horomoo niŋ buuñaa dii a la ka tambi mansoolu bee la mennu nene ye Banisirayila mara.

Esita 1:3

A la maraloo sanji sabanjaŋo, a ye bidaŋ baa parendi a la moo kummaalu ye aniŋ a la maralilaalu. Perisiya niŋ Mediya bankoo la kelediŋ ñaatonkoolu niŋ tundoolu alifaa kummaalu aniŋ a la bankoolu bee la maralilaalu fanaa maabeeta ñiŋ bidaŋo to le.

Esita 1:5

Kabiriŋ ñiŋ yitandiroo banta, mansa ye bidaŋ baa kumandi a la suwo kono, aduŋ a keta a la luu ñiimaa baa le to, meŋ be sansandiŋ. A ye moolu bee kumandi, biriŋ moondiŋ fo moo baa, mennu be Susa saatee tatoo kono. A la bidaŋo taata le fo tili woorowula.

Yuuba 40:10

Waroo niŋ kuliyaa dii i faŋ na, semboo niŋ horomoo dendikoo duŋ i faŋ na.

Jabuuroolu 145:5

Ì be i la horomoo fo la le, aniŋ i la mansayaa semboo, nte be m miira la i la kaawakuwolu la le.

Jabuuroolu 21:5

A ye horoma baa soto le ka bo niŋ i la maakoyiroo la ka a jawoolu noo. I ye horomoo niŋ mansayaa semboo dii a la le.

Jabuuroolu 45:3

Mansa kandaa, i la hawusaroo* siti i tewo la. I horomata le, aduŋ i kandaayaata.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Yesaya 39:2

Hesekiya ye ì jiyaa. Bituŋ a ye a la naafulu maabodulaa muumewo yitandi kiilaalu ñinnu la: kodiforoo, sanoo, seerandi feŋolu, tulu foroo, a la kelejooraŋolu bee, aniŋ feŋo meŋ bee be a la maabori buŋolu kono. Feŋ te Hesekiya la mansasuwo kono, waraŋ a la bankoo bee kaŋ, a maŋ meŋ yitandi ì la.

Esekiyeli 28:5

Ka bo niŋ i la ñaameŋ baa la, julayaa to, i ye i la fankoo lafaa le ka wara. I naata ke kibiri moo niŋ faŋ wara moo ti, i la fankoo kaŋ.”

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

Daniyeli 4:36

Wo waatoo le mu n sondomoo seyita a ñaama. N na mansayaa horomoo niŋ semboo muruta n kaŋ. N na mansakundaa yaamarilaalu niŋ ñaatonkoolu naata n kaŋ, aduŋ ì ye m murundi mansayaa to kotenke. Bituŋ n na darajoo naata lafaa kuu.

Daniyeli 5:18

“Ite Mansa, i lamoyi ñiŋ na. Alla Mansa Tallaa ye i faamaa Mansa Nebukanesa so mansayaa la le, a ye semboo dii a la, horomoo, aniŋ kandaayaa.

Matiyu 4:8

Ibiliisa naata a samba kotenke konko jaŋ baa santo. A ye duniyaa mansamarali bankoolu bee la waroo niŋ ñiiñaa yitandi a la.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Roomankoolu 9:23

Ka bo niŋ a la ñiŋ muña baa la, a ye moolu kalamutandi a la kallankeeyaa la fankoo la le, a ye meŋ parendi fokabaŋ wo moolu ye, a la hiinoo be mennu ye, aduŋ ì be pareeriŋ ne ka ñiŋ kallankeeyaa soto.

Efesusinkoolu 1:18

Allamaa ali sondomeñaalu ye maloo soto, fo ali si jikoo loŋ, a ye ali kumandi meŋ kaŋ, aniŋ ali si a la keetaafeŋ kallankeeyaariŋo la waroo loŋ, a ye meŋ soto moo senuŋolu ye.

Kolosankoolu 1:27

Alla ye wolu le tomboŋ fo ì si wo kulloo la kallankeeyaa* niŋ fankoo loŋ, aniŋ ka a futandi moolu ma, mennu maŋ ke Yahuudoolu ti. Aduŋ a kulloo fele: Kiristu be baluuriŋ alitolu kono le, ate meŋ mu ǹ na jikoo ti ka duŋ kallankeeyaa kono.

Lankenemoo 4:11

“M̀ Maarii, ite le jarita tenturoo niŋ jayiroo la. Ǹ na Alla, horomoo niŋ semboo be ite le ye. Kaatu ite le ye feŋolu bee daa, daaroo bee naata soto i la lafoo le kaŋ.”