Esekiyeli 7:9 - Mandinka Bible

⁹ N te ali juubee la ka balafaa ali ye waraŋ ka ali tu jee. M be ali kuluu la ali maañaalu le la, aniŋ ali la kuu jawu kewolu la. Ali be a loŋ na le ko, nte le mu Yaawe ti meŋ ka ali busa.

Esekiyeli 7:9 Mawu Ofanana

Yesaya 9:13

Bari moolu maŋ muruŋ Yaawe kaŋ, Alihawaa Maariyo meŋ ye i mantoora, sako ka a la kuwo ñini.

Yeremiya 13:14

Wo koolaa ŋa naa ì feteŋ ñoo la ka ì teyi, alifaalu niŋ dindiŋolu bee kafuriŋo. N te balafaa la, waraŋ ka yamfa, waraŋ ka hiina ì la, ka m bali ì kasaara la.” Yaawe le ye a fo.

Yeremiya 21:7

Niŋ wo keta fokabaŋ, m be Yahuuda mansakewo Sedekiya niŋ a la mansakundaa dookuulaalu, ka taa ì niŋ ñiŋ saatewo moolu duŋ na Babiloni mansakewo Nebukanesa niŋ a la moolu bulu le, ì jawoolu, mennu be ì niyo nooma. Wo le be ke la moolu ti mennu kanata hawusaroo* ma, konkoo, aniŋ alibalaa kuuraŋo. Nebukanesa be ì faa la hawusaroo la le. A te balafaa la ì ye, waraŋ ka yamfa ì ye, waraŋ ka hiina ì la.” Yaawe le ye a fo.

Yeremiya 36:31

M be a jarabi la le, a niŋ a koomalankoolu, ka taa a la dookuulaalu, ì la kuruŋyaa kamma la. M be kasaara kuwolu bee boyi la ì kaŋ ne, ŋa mennu fo ì ma, aniŋ moolu mennu be siiriŋ Yerusalaamu, ka taa Yahuuda moolu bee, kaatu ì maŋ soŋ i lamoyi la n na dandalaaroolu la.”

Niikuyaa Suukuwolu 2:17

Paree ka soŋ ñiŋ na ko, Yaawe la natoo keta i la le, a ye a la kumoo timmandi le. A ye kaŋo meŋ dii biriŋ koomanto, a ye i kasaara niŋ balafaabaliyaa le la. A ye i jawoolu sawoo londi i ma le, a ye ì binoo wulindi ka ì semboo warandi.

Esekiyeli 22:22

Ko ì ka kodiforoo yelundi daandiŋo kono ñaameŋ, m be ì yelundi la Yerusalaamu kono wo le ñaama. Wo to le ì be a loŋ na ko, nte Yaawe le ye n na kamfaa baa kupi naŋ ì kaŋ.

Esekiyeli 23:49

Ali la ñiŋ malubaliyaa maañaa le be tara la ali kaŋ, aduŋ ali be ali la jalambatoo junuboo dunoo taa la le. Wo to le ali be a loŋ na ko, nte le mu Yaawe ti, ali Maariyo.”

Esekiyeli 5:11

Maarii Yaawe ye ñiŋ ne fo ko: “A be koyiriŋ ñaameŋ ko nte Yaawe be baluuriŋ ne, n te balafaa la ali ye, kaatu ali ye n na Batudulaa Senuŋo kosondi niŋ ali la feŋ haraamuriŋolu niŋ ali la kuu ñewundiŋolu le la. Wo kamma la, m be ali kuntu la le, ali ye kasaara.

Esekiyeli 7:10

“Luŋo fele, a siita. A naata le. Kasaaroo naata Banisirayila kaŋ ne. Tilimbaliyaa dinta le, ka siyaa, faŋ waroo ka yiriwaa laalaa naŋ ne.

Esekiyeli 7:8

M pareeta le ka n na kamfaa kupi ali kaŋ naŋ. M be ali kiitindi la ali maañaalu le la, m be ali kuluu la le, ali la kuu jawu kewolu kamma la.

Mika 6:9

Ka sila Yaawe la, wo le mu ñaameŋo ti. Yaawe ye kiliroo ke Yerusalaamu saatewo to ko: “Ali i lamoyi, ali si sila busoo la, aniŋ busoo maarii.

Kalatiyankoolu 6:7

Ali ali hakiloo tu, moo kana ali filindi ka a miira ko, moo si Alla ke noo jelefeŋo ti le: Moo ye feŋ-wo-feŋ fii, a be wo le kati la.

Lankenemoo 20:13

Fankaasoo ye furewolu bondi naŋ, mennu be a kono, aduŋ saayaa niŋ a taradulaa ye furewolu bondi naŋ, mennu be ì kono. Bituŋ moolu bee kiitindita kuwolu la, ì ye mennu baara.