Esekiyeli 7:7 - Mandinka Bible

⁷ Kasaaroo naata ali kaŋ ne, alitolu mennu be siiriŋ bankoo kaŋ. Waatoo naata le. Luŋo sutiyaata naŋ ne. Kijafara luŋo le mu, seewoo te ke la konkoolu kaŋ.

Esekiyeli 7:7 Mawu Ofanana

1 Musa 19:15

Kabiriŋ fanoo keta, ñiŋ malaayikoolu ye Luuti maamandi, ì ko a ye ko, “I bambaŋ! I la musoo samba aniŋ i dimmusu fuloo mennu be i bulu. Niŋ wo nte, ali be faa la le, niŋ kasaaroo ñiŋ be boyi la saatewo kaŋ.”

1 Musa 19:24

Bituŋ Yaawe ye solifa* dimbaa jindi Sodomu niŋ Komora saatewolu kaŋ ka bo saŋo santo komeŋ samaajiyo.

Yesaya 13:22

Suluwolu si kuma ì la saatee tatoolu to, kunkuwuloolu, ì la mansabuŋ ñiimaalu kono. A waatoo sutiyaata naŋ ne, a luŋolu maŋ jamfa.”

Yesaya 16:10

Seewoo niŋ jusulaa maŋ soto kunku jambandiriŋolu to, moo buka denkili laa, waraŋ ka sari, wayini yiri kankaŋolu to, moo buka wayini biti, yiridiŋ bitidulaa to, kontaani sari kaŋo danta le.

Yesaya 17:14

Wo luŋo wulaaroo, teremmatoo silaŋ baa le be tara la keriŋ! Janniŋ fanoo ka ke, ì si yeemaŋ. Ñiŋ ne mu ǹ ñapinkannaalu niyo ti, aniŋ ǹ kasaaralaalu taa.

Yesaya 22:5

Yaawe* Alihawaa Maariyo* ye luŋo le soto, maakaŋo be ke la waatoo meŋ na, ka i tuu moolu kaŋ aniŋ ka tara silaŋo kono, wulumbaŋo kono, ŋa meŋ je jeroo kono. A luŋo la, ì be tata sansaŋolu junku la le ka ì teyi, moolu si tara kumboo la maakoyiroo la, fo a maakaŋo ye futa konkoolu kaŋ.

Yeremiya 20:7

Hee Yaawe, i ye n sondi le, aduŋ n sonta le. Ite le bambanta n ti, i ye n noo le. Ì ka n ke jelefeŋo le ti tiloo muumewo, moo bee ka n ñaawali.

Yeremiya 50:27

Ali a kee kanaŋ tuuraalu bee faa, ka ì samba ka ì kanateyi. Kooroo boyita ì kaŋ, kaatu ì la luŋo siita le, waatoo meŋ m be ì kuluu la.

Esekiyeli 12:28

Wo kamma la, a fo ì ye, nte Yaawe, ì Maariyo ye ñiŋ ne fo ko: N na kumoo kono, hani kiliŋ te soto la meŋ be dukundi la. Niŋ ŋa kuma-wo-kuma fo, m be a ke la le.” Maarii Yaawe le ye a fo.

Esekiyeli 30:3

Yaawe la luŋo sutiyaata naŋ ne. A luŋo siita naŋ ne, a be ke la tooroo luŋo le ti. A be ke la diboo waatoo le ti. Wo le be ke la duniyaa bankoolu la kasaaroo luŋo ti.

Esekiyeli 7:12

Waatoo siita le, luŋo siita le. Feŋ sannaa kana seewoo, waraŋ waafirilaa si woosii. Kaatu yankankatoo be laa la moo bee le kaŋ.

Yoweli 1:15

Kooroo luŋ, luŋ koleŋ baa! Yaawe la luŋo sutiyaata naŋ ne, luŋo meŋ Alla Tallaa be kasaaroo naati la naŋ.

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

1 Pita 4:17

Waatoo siita le ka kiitiyo dati Alla la dimbaayaalu la. Wo to, niŋ a datita ntolu la, muŋ ne be ke la wo moolu labaŋo ti, mennu maŋ Alla la kibaari betoo yaamaroolu muta?