Esekiyeli 32:11 - Mandinka Bible

¹¹ Maarii Yaawe ye ñiŋ ne fo ko: “Babiloni mansa la kelejooraŋo le be naa i kaŋ.

Esekiyeli 32:11 Mawu Ofanana

Esekiyeli 30:4

Keloo le be boyi la Misira bankoo kaŋ. Silaŋ baa ye duŋ Kusinkoolu* la. Kaatu moo jamaa le be faa la Misira bankoo kaŋ. A la fankoo niŋ a neemafeŋolu bee si ke ñapinkaŋ feŋolu ti. A fondamaŋolu ye boyi.

Esekiyeli 26:7

Maarii Yaawe ye ñiŋ ne fo ko: “A fele m be Babiloni mansa Nebukanesa le bondi la naŋ ite Tire ye maraa karoo la, meŋ na mansayaa maŋ ñoŋ soto duniyaa bee kono. A be naa suwoolu niŋ sareetoolu le la, a niŋ suuborindilaalu niŋ kelediŋ kafu baa.

Yeremiya 46:13

Yaawe la kumoo le mu ñiŋ ti, Yeremiya ye meŋ fo Babiloni mansakewo Nebukanesa la naa la kuwo to, ka Misira bankoo kele.

Yeremiya 43:10

A fo ì ye ko: Nte Yaawe Alihawaa Maariyo*, Banisirayila la Alla ko, a fele, m be kiliroo ke la le ka Babiloni mansakewo Nebukanesa naati, n na dookuulaa. M be a la mansasiiraŋo londi la ñiŋ beroolu kaŋ ne, ŋa mennu saareŋ teŋ, a ye a la tiriliisoo* wanka ì kunto.

Esekiyeli 29:19

Maarii Yaawe ye ñiŋ fo ko: “Saayiŋ m be Misira bankoo duŋ na Babiloni mansakewo Nebukanesa bulu le. Aduŋ a be Misira fankoo bee taa la le ka ke ñapinkaŋ feŋo ti a ye. Wo le be ke la a niŋ a la kelediŋ kafoo la joo ti.

Esekiyeli 31:11

Wo kamma la m be a duŋ na maralilaa doo le bulu, wo bulu ye sii a la kendeke ko a la kuu jawoolu be ñaameŋ, nte faŋo le ye a bayi jee a la kuu jawoo kamma la.