Esekiyeli 32:10 - Mandinka Bible

¹⁰ Niŋ ŋa n na hawusaroo* finjaŋ moolu ñaalu koto, m be ì bee le jaakalindi la i la kuwo la, aduŋ silaŋ baa be duŋ na ì la mansoolu la. Silaŋo be ì futufaa la le, moo bee le be ì kunkedulaa ñini la luŋo meŋ na i be boyi la duuma.”

Esekiyeli 32:10 Mawu Ofanana

Esekiyeli 27:35

Moolu mennu bee be siiriŋ wo baadaa borindoo la, bee be silaŋo le kono. Ì la mansoolu bee be silandiŋ baake le. Hani ì ñaadaalu faŋolu ye ì la silaŋo yitandi le.

Esekiyeli 26:16

I la mansoolu mennu bee be baadaa borindoo la, be jii la ì la mansasiiraŋolu kaŋ ne, ì ye ì la dendika baalu niŋ ì la soobayoolu wura, aduŋ maasiiboo le be tara la ì ye karoo bee la. Ì be sii la bankoo le to duuma, ì ye tara silaŋo kono waatoo bee la, aduŋ ì bee be jaakali la le meŋ keta i la.

Lankenemoo 18:10

Ì te haañi la ka sutiyaa a la, kaatu a la yankankatoo be ì sila la le. Ì be a fo la le ko: “Kooroo, kooroo be ite saatee baa ye, ite saatee sembemaa baa, Babiloni. I la kiitiyo naata ì kaŋ waati kiliŋ.”

Jakariya 11:2

Junipa yiroolu, ali woosii, sedari yiroolu boyita, yiri kallankewolu tiñaata. Basani tundoo yiri baalu, ali woosii, wula dibiŋo yiroolu bee teyita le.

Esekiyeli 30:9

“Wo luŋo la, m be kiilaalu le kii la niŋ kuluŋ baalu la Kusinkoolu kaŋ ka ì kijoo teyi, itolu mennu maŋ tara i yillaariŋ feŋ ma. Niŋ ì ye a moyi ko, Misira bankoo boyita le, wo to le kijafara baa be duŋ na ì la. Tooñaa, wo te baayi la.”

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

1 Mansoolu 9:8

Ñiŋ buŋo si naa ke tumbuŋo ti, aduŋ moolu mennu bee be tambi la jee be jaakali la le, aduŋ ì si ñaawaliroo ke ka a fo ko, “Muŋ ne ye a tinna Yaawe ye ñiŋ kuu siifaa ke ñiŋ bankoo moolu la, aniŋ ñiŋ buŋo?”

5 Musa 32:41

M be n na hawusaroo daa diyaa la le, fo a ye malamala, ŋa sii n na kiitiisiiraŋo kaŋ. M be n joo la n jawoolu to le, ŋa moolu jarabi, mennu ye n koŋ.

5 Musa 29:24

Bituŋ banku koteŋ moolu bee si a fo ko, “Muŋ ne ye a tinna Yaawe ye ñiŋ ke ñiŋ bankoo la? Muŋ ne ye a kamfandi teŋ?”

Yesaya 30:32

Yaawe ye lipari-wo-lipari laa ì kaŋ a la mantooralaŋ dokoo la, wo niŋ tantaŋolu niŋ kooraalu kumakaŋo le be taa ñoo la. A buloo be teekariŋ santo le ka ì kele.