Esekiyeli 30:9 - Mandinka Bible

⁹ “Wo luŋo la, m be kiilaalu le kii la niŋ kuluŋ baalu la Kusinkoolu kaŋ ka ì kijoo teyi, itolu mennu maŋ tara i yillaariŋ feŋ ma. Niŋ ì ye a moyi ko, Misira bankoo boyita le, wo to le kijafara baa be duŋ na ì la. Tooñaa, wo te baayi la.”

Esekiyeli 30:9 Mawu Ofanana

Yesaya 23:5

Niŋ Misirankoolu ye ñiŋ moyi, ì be tara la niikuyaa kono le ko, biriŋ ì ye Tire la kuwo kibaaroo moyi.

Sefaniya 2:15

Ñiŋ ne mu wo saatee taamaayaariŋo ti, meŋ tarata tankoo kono. A ko a faŋ ma ko, “Nte doroŋ ne mu, doo koteŋ maŋ soto.” A juubee a naata ke tumbuŋo ti ñaameŋ, a keta wulakono daafeŋolu taradulaa ti. Moo-wo-moo tambita niŋ jee la, a si foofooroo ke, a ye a kuŋo jiijaa.

Sefaniya 2:12

Alitolu Kusinkoolu* fanaa, Yaawe ye ñiŋ ne fo ko, “N na hawusaroo* le be ali faa la.”

Amosi 4:2

Maarii Yaawe* kalita a faŋo too senuŋo la, a ko, “Luŋo be naa ali kaŋ, meŋ te baayi la muk. Luŋo meŋ, ì be juloo duŋ na ali nuŋolu la, ì ye ali tambindi. Ali bee si ke ko niŋ ñewo be dooliŋo daa.

Esekiyeli 39:6

A ko: “M be dimbaa le jindi la naŋ Makooki bankoo kaŋ aniŋ moolu mennu be sabatiriŋ kayiroo kono baadaa borindoolu la. Wo to le ì si a loŋ ko, nte le mu Yaawe ti.

Esekiyeli 38:11

ka a fo ko, ‘M be taa le ka ñapi wo bankoo saateeriŋolu kaŋ, ì maŋ mennu tata, aniŋ ka boyi moolu kaŋ mennu be tenkundiŋ kayiroo kono. Ì bee mu saatewolu le ti, mennu maŋ tata sansaŋo soto, sako daa tawundaŋo, waraŋ nee bantambiloo.

Esekiyeli 33:33

“Niŋ waati meŋ na i la kumoolu bee timmata, ì be a loŋ na le ko, annabiyomoo le tarata ì fee jaŋ.”

Esekiyeli 27:35

Moolu mennu bee be siiriŋ wo baadaa borindoo la, bee be silaŋo le kono. Ì la mansoolu bee be silandiŋ baake le. Hani ì ñaadaalu faŋolu ye ì la silaŋo yitandi le.

Esekiyeli 26:16

I la mansoolu mennu bee be baadaa borindoo la, be jii la ì la mansasiiraŋolu kaŋ ne, ì ye ì la dendika baalu niŋ ì la soobayoolu wura, aduŋ maasiiboo le be tara la ì ye karoo bee la. Ì be sii la bankoo le to duuma, ì ye tara silaŋo kono waatoo bee la, aduŋ ì bee be jaakali la le meŋ keta i la.

Yeremiya 49:31

A ko: “Ali wuli, ali ye ñiŋ banku tenkundiŋo kele, meŋ be tankoo kono, a maŋ daa tawundaŋ soto, sako nee bantambili, a be siiriŋ wo ñaama, a dammaa.” Yaawe le ye a fo.

Yeremiya 49:21

Ì busandikaŋo be bankoo jarajarandi la le, ì wuurikaŋo ye moyi hani Kulunjumbe Baa to.

Yesaya 47:8

“Bituŋ saayiŋ, i lamoyi, kuu diimaa diyaata ite meŋ ye! I ye a miira ko i be tankoo le kono, i ka a fo i faŋo ye ko, ‘Nte doroŋ ne mu, doo koteŋ maŋ soto. N te ke la furuyaamusoo ti muumeeke, waraŋ ka n diŋolu saŋakumboo.’

Yesaya 20:5

Mennu laata Kusinkoolu la, aniŋ ka kibiri Misira la kuwo la, si jikilateyi, ì ye duŋ maloo kono.

Yesaya 20:3

Bituŋ Yaawe ko, “N na dookuulaa Yesaya ye a ke ñaameŋ, sanji saba a kenseŋo be yaayi la, a siŋ kenseŋo, wo keta taamanseeroo le ti, Misirankoolu niŋ Kusinkoolu* be meŋ taki la.

Yesaya 19:17

Yahuuda bankoo be Misirankoolu kijoo teyi la le, moo-wo-moo ye a too moyi, wo be sila la le, feŋ te fo Yaawe Alihawaa Maariyo ye meŋ parendi ì kamma.

Kiitindirilaalu 18:7

Bituŋ ñiŋ kee luuloo ye siloo muta kotenke. Kabiriŋ ì futata Layisa saatewo to, ì ye moolu la kuwolu koroosi, mennu be sabatiriŋ jee. Ì ye a je le ko, wo moolu be tankoo kono le ko Sidoninkoolu. Moo tenkundiŋolu le mu ì ti, ì maŋ tara sobiriŋ feŋ-wo-feŋ ne la. Feŋ te duniyaa kono, meŋ be mankiriŋ jee. Fentiyolu le mu ì ti. Ì niŋ Sidoninkoolu be jamfariŋ ñoo la le, aduŋ ì niŋ Aramunkoolu buka kuu duŋ ñoo teema.

1 Tesalonikankoolu 5:2

baawo a koyita ali faŋolu la le ko, Maariyo la luŋo be naa la le ko suŋo ka naa suutoo la ñaameŋ.

Esekiyeli 24:14

Nte Yaawe i Maariyo le ye a fo. Waatoo siita le ka i kuluu. N te hani balafaa la, ka i tu jee. Hani n te n koo fele la. I la siloolu niŋ i maañaalu be ñaameŋ, m be i kiitindi la wo le ñaama.” Maarii Yaawe le ye a fo.

Habakuki 2:3

Ñiŋ lankenemayandiroo ka a waatoo le batu. A diyaamuta labandulaa kuwolu le la, aduŋ a te ke la faniyaa ti. A kuwo naafata ñaa-wo-ñaa, hani wo a batu. A be koyiriŋ ne lewu ko a be naa le, a te baayi la muk.