Esekiyeli 27:5 - Mandinka Bible

⁵ Ì ye i babaroolu dadaa niŋ junipa yiroo le la meŋ bota Seniri. Ì ye sedari* yiroolu le bondi naŋ Libanooni ka i basa looraŋ dokoo dadaa a la.

Esekiyeli 27:5 Mawu Ofanana

1 Mansoolu 5:1

Kabiriŋ Tire mansa Hiramu ye a moyi ko, ì ye Sulemani toloo le ka ke mansa ti a faamaa Dawuda noo to, a ye kiilaalu kii a kaŋ, kaatu ate niŋ Dawuda tarata nuŋ teeriyaa le la waatoo bee la.

1 Mansoolu 5:6

“Wo to saayiŋ yaamaroo ke ko, ì si sedari* yiroolu teyi n ye naŋ ka bo Libanooni. N na dookuulaalu be kafu la i la dookuulaalu ma le, aduŋ niŋ i ye joo meŋ fo, m be wo le dii la i la dookuulaalu la. Kaatu i ye a loŋ ne ko, moo te ntolu kono, meŋ ye a loŋ babaroo ka kuntu ñaameŋ komeŋ alitolu Sidoninkoolu.”

1 Taarika 5:23

Manase lasili talanteemoo moolu siyaata le, ì siita bankoo kaŋ, ka bo Basani tundoo kaŋ, ka taa fo Baali-Herimoni, Seniri aniŋ Herimoni* Konkoo to.

2 Taarika 2:7

“Wo kamma la moo kii naŋ n ye, meŋ ye sanoo, kodiforoo, jaawaloo, aniŋ nee tunkaŋo noo kendeke, a ye daaroo noo kendeke, ka daarifaani wuleŋo, buluuriŋo aniŋ wuluyeloo daa, aduŋ a ye ñenjeroo fanaa noo, fo a niŋ m faamaa ye bulukalaŋ dookuulaalu mennu tomboŋ Yerusalaamu niŋ Yahuuda muumewo, si dookuwo ke noo.

Jabuuroolu 104:16

Libanooni sedari* yiroolu ka jiyo soto le kendeke, Yaawe faŋo la yiroolu le mu, a ye mennu falindi.

Jabuuroolu 29:5

Yaawe kumakaŋo ka yirisuŋ baalu katiŋ-katiŋ ne, hani Libanooni sedari* yiroolu, a ka ì teleŋ-teleŋ ne.

Jabuuroolu 92:12

Moo tilindiŋolu be yiriwaa la le komeŋ teŋ suŋo, ì ye faliŋ komeŋ Libanooni sedari* yiroolu.

Suukuwo 4:8

N na maañoo, bo naŋ Libanooni, i ye naa n kaŋ. Bo naŋ Libanooni konkoolu to, i ye naa n kaŋ. Jii naŋ Amana Konkoo turoo to, jii naŋ Seniri niŋ Herimoni* Konkoolu to. Bo jatoolu la koloolu to, bo naŋ ñunkoolu to, soloolu be daameŋ.

Yesaya 14:8

Junipa yiroolu ka seewoo Babiloni mansa kunna le, Libanooni sedari* yiroolu ka a fo ko, “Bayiri ì ye i la kuwo jindi le, moo maŋ naa ka m̀ boyi.”

Esekiyeli 27:4

I naanewolu taata le fo baa teema. I loolaalu ye i la ñiiñaa timmandi le, komeŋ kuluŋ ñiimaa baa.

5 Musa 3:9

Sidoninkoolu ka a fo Herimoni ye le Siriyoni, Amorinkoolu ka a fo a ye Seniri.